Juan 6:7 - CHUYA QELLQA La Biblia en Quechua de Ayacucho 2012

⁷ Chaymi Jesusta Felipe nirqa: Iskay pachak jornalpa chanin tantapas manachá haypanmanchu sapakama asninkallaña mikuptinkupas, nispa.

Quechua Ayacucho Bible 1987

⁷ Chaymi Felipeñataq Jesusta nirqa: —Iskay pachak jornalpa chanin tantapas manach haypanmanchu sapakama asninkallaña mikuptinkupas —nispa.

Chuya Qellqa 1992

⁷ Chaymi Jesusta Felipe nirqa: Iskay pachak jornalpa chanin tantapas manachá haypanmanchu sapakama asninkallaña mikuptinkupas, nispa.

Juan 6:7 Iomraidhean Croise

2~Reyes 4:43

Chaymi criadon nirqa: ¿Imanispataq pachak runakunaman kaychallata qoykusaq? nispa. Eliseoñataqmi nirqa: Runakunaman mikunanpaq qoy, Tayta Diosmi nin: “Mikuptinkupas puchunqaraqmi” nispa.

Mateo 18:28

Chay sirvienteñataqmi lloqsiruspan pachaklla debeqnin sirvientemasinwan tuparurqa, hinaspam kunkamanta hapiruspan nirqa: “Debewasqaykita paga-puway”, nispan.

Marcos 6:37

Jesusñataqmi nirqa: Qamkunayá mikuykachiychik, nispa. Paykunañataqmi nirqaku: ¿Ñoqaykuchu rispayku iskay pachak jornalpa chanin qollqewan tantata rantimuspa paykunaman mikuchisaqku? nispanku.

Juan 1:43

Jesusmi paqarinnintinta Galilea lawman rinanpaq kachkaspa Felipewan tuparurqa, hinaspam nirqa: Qatiway, nispan.

Juan 1:44

Felipeqa karqa Betsaida llaqtayuqmi, hina chay llaqtayuqtaqmi karqaku Andreswan Pedropas.

Juan 1:45

Felipem Natanaelta tariruspan nirqa: Tariramunikum huk runata, paymantam Moisespas chaynataq profetakunapas qellqarqa. Payqa Joseypa churin Nazaret llaqtayuq Jesusmi, nispa.

Juan 1:46

Chaymi Natanael nirqa: ¿Yaqachu Nazaret llaqtamanta ima allinpas lloqsiramunman? nispa. Hinaptinmi Felipeñataq nirqa: Hakuchik qawamunaykipaq, nispa.

Juan 1:48

Chaymi Natanaelñataq tapurqa: ¿Maypitaq reqsinakurqanchik? nispa. Jesusñataqmi nirqa: Manaraqpas Felipe willasuchkaptikim higos sachapa sikinpi kachkaqta rikurqayki, nispa.

Juan 12:5

Kay perfumetaqa huk wata jornalpa chanin qollqepichiki rantikurunmanku karqa hinaspa wakchakunata yana-panmanku karqa, nispa.