Juan 6:57 - CHUYA QELLQA La Biblia en Quechua de Ayacucho 2012

⁵⁷ Imaynam kachamuwaqniy Taytay kawsan, ñoqapas paypim kawsani, chaynam aychay mikuqpas ñoqapi kawsanqa.

Quechua Ayacucho Bible 1987

⁵⁷ Kachamuwaqniy Taytaqa kawsachkanmi, chaynam ñoqapas payrayku kawsani, ñoqapa cuerpoy mikuqpas ñoqaraykum kawsanqa.

Chuya Qellqa 1992

⁵⁷ Imaynam kachamuwaqniy Taytay kawsan, ñoqapas paypim kawsani, chaynam aychay mikuqpas ñoqapi kawsanqa.

Juan 6:57 Iomraidhean Croise

Jeremías 10:10

Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Mateo 16:16

Hinaptinmi Simón Pedro nirqa: Qamqa kanki kawsaq Diospa Churin Cristom, nispa.

Juan 14:19

Asllatawanqa kay pachapi runakunaqa manañam rikuwanqañachu, qamkunam ichaqa rikuwankichikraq, qamkunaqa kawsasqayraykum kawsankichik.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Juan 3:17

Diosqa manam churintaqa kay pachamanqa kachamurqa runakunata condenananpaqchu, aswanqa salvananpaqmi.

Juan 5:26

Imaynam Dios Taytapas kikillanmanta kawsayniyuq, chaynam Churimanpas kikillanmanta kawsayniyuq kayta qorqa.

Juan 6:29

Jesusñataqmi nirqa: Diospa munasqan ruwayqa paypa kachamusqanpi iñiymi, nispa.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

1~Corintios 15:22

Imaynam Adanpa huchallikus-qanwan llapallan runa wañun, chaynallataqmi Cristopi iñiqkunapas llapallan kawsarimunqa.

1~Corintios 15:45

Chuya Qellqapim kaynata nin: Punta kaq Adanmi kawsaq runa karqa, qepa kaq Adanñataqmi kawsay qokuq Espíritu, nispa.

2~Corintios 13:4

Cheqaptam mana atiyniyuq hina chakatasqa karqa, kunanmi ichaqa Diospa atiyninwan kawsachkan, chaynam ñoqaykupas Cristowan hukllawasqa kaspa mana atiyniyuq hina kachkaniku, ichaqa Diospa atiyninwanmi kawsachkaniku qamkunata servinaykupaq.

Gálatas 2:20

Jesucristowan kuskam chakatasqa kachkani, manam ñoqañachu kawsani, aswanqa Cristoñam ñoqapi kawsachkan, kay pachapi kawsaspayqa Diospa Churinman iñikuspallam kawsachkani, paymi kuyawaspan ñoqapa rantiypi wañupuwarqa.

1~Tesalonicenses 1:9

Paykunañam willakuchkanku qamkunaman chayamuptiyku imaynam chaskiwasqaykikuta hinaspa Diosman iñikuspaykichik idolokunata qepanchakuruspa kawsaq cheqap Diostaña servisqaykichikmantapas,

Hebreos 9:14

Chayna kaptinqa, ¡mayna atiyniyuqmi Cristopa yawarninqa! Wiñay kawsaq Chuya Espirituntakamam Cristoqa kikinmanta Diosman ofrecekurqa, pasaypaq mana huchayuq ofrenda hina. Yawarninmi sonqonchikta mayllan wañuyman apawaqninchik mana allin ruwaykunamanta, chaynapi kawsaq Diosta servinanchikpaq.

1~Juan 4:9

Dios-ninchikmi sapallan Churinta kay pachaman kachamurqa payrayku wiñay kawsayniyuq kananchikpaq, chaynatam Diosninchikqa kuyawasqanchikta qawachiwarqanchik.