Juan 6:5 - CHUYA QELLQA La Biblia en Quechua de Ayacucho 2012

⁵ Achkallaña runakuna qatimusqanta qawarispanmi Felipeta nirqa: ¿Maymantataq kaynaña runapaqqa mikuyta rantimusun? nispa.

Quechua Ayacucho Bible 1987

⁵ Jesusmi achkallaña runakuna payman hamusqanta qawarispan Felipeta nirqa: —¿Maypitaq rantichwan mikuyta kaynaña runapaqpa? —nispa.

Chuya Qellqa 1992

⁵ Achkallaña runakuna qatimusqanta qawarispanmi Felipeta nirqa: ¿Maymantataq kaynaña runapaqqa mikuyta rantimusun? nispa.

Juan 6:5 Iomraidhean Croise

Números 11:13

¿Maymantataq kay runakunaman qonaypaq aychata hurqomusaq? Waqastinmi ñoqaman hamunku: “Mikunaykupaq aychata qowayku”, nispanku.

Mateo 15:33

Chaymi discipulonkuna nirqaku: ¿Kaychika runaman mikuchinaykupaqqa maymantataq tantata kay chunniqpiqa hurqoramusaqku? nispanku

Marcos 6:32

Chayraykum Jesusqa apostolninkunawan kuska chunniqman huk barcapi pasakurqaku.

Lucas 9:10

Apostolkunam kutiramuspanku tukuy imam ruwamusqankuta willakurqaku. Chaymi Jesusqa paykunallata pusarikuspan Betsaida llaqtaman pasakurqa.

Juan 1:43

Jesusmi paqarinnintinta Galilea lawman rinanpaq kachkaspa Felipewan tuparurqa, hinaspam nirqa: Qatiway, nispan.

Juan 1:44

Felipeqa karqa Betsaida llaqtayuqmi, hina chay llaqtayuqtaqmi karqaku Andreswan Pedropas.

Juan 1:45

Felipem Natanaelta tariruspan nirqa: Tariramunikum huk runata, paymantam Moisespas chaynataq profetakunapas qellqarqa. Payqa Joseypa churin Nazaret llaqtayuq Jesusmi, nispa.

Juan 1:46

Chaymi Natanael nirqa: ¿Yaqachu Nazaret llaqtamanta ima allinpas lloqsiramunman? nispa. Hinaptinmi Felipeñataq nirqa: Hakuchik qawamunaykipaq, nispa.

Juan 1:48

Chaymi Natanaelñataq tapurqa: ¿Maypitaq reqsinakurqanchik? nispa. Jesusñataqmi nirqa: Manaraqpas Felipe willasuchkaptikim higos sachapa sikinpi kachkaqta rikurqayki, nispa.

Juan 4:35

Qamkunam ninkichik: “Cosechapaqqa tawa killaraqmi faltachkan”, nispaykichik, ichaqa nikichikmi, tarpuykunata qawariychik, cosechanapaq hina poqosqañam kachkan.