Juan 6:46 - CHUYA QELLQA La Biblia en Quechua de Ayacucho 2012

⁴⁶ Taytataqa manam pipas rikurqachu, aswanqa Diosmanta hamuqllam, payllam Taytataqa rikurqa.

Quechua Ayacucho Bible 1987

⁴⁶ —Chaywanqa manam nichkani: “Taytatam huk kaqnin rikurun” nispachu. Diosmanta hamuqllam rikurqani Taytataqa.

Chuya Qellqa 1992

⁴⁶ Taytataqa manam pipas rikurqachu, aswanqa Diosmanta hamuqllam, payllam Taytataqa rikurqa.

Juan 6:46 Iomraidhean Croise

Éxodo 24:10

chaypim Israelpa Diosninta rikurqaku. Chakinpa sarusqanmi kasqa suma-sumaq kichasqa cielo hina hinaspa zafiro rumi hina.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Lucas 10:22

Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 14:7

Reqsiwaspaykichikqa Taytaytapas reqsiwaqchikchá, kunanmi reqsiykunkichik hinaspa rikuykunkichik, nispa.

Juan 15:24

Sichum paykuna ukupi mana pipapas ruwas-qanta mana ruwaptiyqa manam huchayuqchu kanmanku karqa, ichaqa chay ruwasqaykunata rikuchkaspankupas cheqniwankuraqmi, cheqninkutaqmi Taytaytapas.

Juan 5:37

Chaynataqmi kachamuwaqniy Dios Taytapas ñoqamanta willakun. Qam-kunaqa manam haykapipas paytaqa uyarirqankichikchu, nitaqmi rikchaynintapas rikurqankichikchu.

Juan 7:29

Ñoqam ichaqa paymanta hamusqayrayku reqsini. Paymi ñoqataqa kachamuwarqa.

Juan 8:19

Hinaptinmi fariseokuna nirqaku: ¿Maypitaq kachkan taytaykiqa? nispanku. Chaymi Jesusñataq nirqa: Qamkunaqa manam reqsiwankichikchu, nitaqmi Taytaytapas reqsinkichikchu; ñoqata reqsiwaspaykichikqa Taytaytapas reqsiwaqchikmi, nispa.

Juan 8:55

Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni.

Colosenses 1:15

Mana rikuy atina Diospa rikchayninqa Cristom, llapa imakunapas manaraq unanchasqa kachkaptinqa payqa karqañam.

1~Timoteo 6:16

Payllam mana wañuqqa, mana asuykuy atina kanchariq achkiypim kawsakun, manam pipas rikurqachu nitaqmi rikuyta atinmanchu. Payllam llumpay atiyniyuqqa, chaynaqa wiña-wiñaypaqyá yupaychasqa kachun. Amén.

1~Juan 4:12

Manam pipas Diostaqa hayka-pipas rikurqachu, sichum kuyanakup-tinchikqa, Diosqa ñoqanchikpim kachkan, chayna kaptinqa Diospa kuyakuyninmi ñoqanchikpi cheqap-ta qawachikun.