Juan 6:45 - CHUYA QELLQA La Biblia en Quechua de Ayacucho 2012

⁴⁵ Pro-fetakunapa qellqasqan libropim nichkan: “Diosmi yachachin llapallanta”, nispa. Chaynaqa, pipas Taytayta uyarispa paymanta yachaqkunaqa ñoqamanmi hamunqaku.

Quechua Ayacucho Bible 1987

⁴⁵ Diosmanta willakuqkunapa qellqasqan libropim nichkan: “Diosmi yachachin llapallanta” nispa. Chaynaqa Taytata llapallan uyariqkunaqa hinaspa paymanta yachaqkunaqa hamunqa ñoqamanmi.

Chuya Qellqa 1992

⁴⁵ Profetakunapa qellqasqan libropim nichkan: “Diosmi yachachin llapallanta”, nispa. Chaynaqa, pipas Taytayta uyarispa paymanta yachaqkunaqa ñoqamanmi hamunqaku.

Juan 6:45 Iomraidhean Croise

Isaías 2:3

Achka nacionkunamantam nana-nanaq runakuna hamuspanku kaynata ninqaku: “Tayta Diospa orqonman hamuychik, Jacobpa Diosninpa templonman hakuchik, paymi allin kawsakuyta yachachiwasun, munasqanman hina purinapaq”, nispanku. Sionmantam Diospa kamachikuynin lloqsimunqa, Jerusalenmantam Diospa yachachikuynin lloqsimunqa.

Isaías 54:13

Churikikunatapas ñoqa Tayta Diosmi yachachisaq, paykunaqa hawkayaypim mana tukuyta kawsakunqaku.

Miqueas 4:2

Llapallan nacionkunam chayman rispanku ninqaku: Tayta Diospa akllakusqan orqoman hakuchik, Jacobpa Diosninpa wasinman risunchik; paymi yachachiwasun paypaq hina kawsakuyta, paypa munasqanman hinaña purisunchik, nispanku. Sión moqomantam kamachikuy lloqsimunqa, Jerusalenmantañataqmi Tayta Diospa Chuya simin lloqsimunqa.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Marcos 1:2

Profeta Isaiasmi kaynata qellqarqa: “Qanmanta puntatam ñoqamanta willakuqta kachani, paymi rinayki ñanta allichanqa.

Lucas 1:70

Paymi ñawpaqmantaraq chuya profetankunatakama prometekurqa,

Lucas 18:31

Chunka iskayniyuq discipulonkunata huklawman sapaqchaykuspanmi Jesús nirqa: Jerusalén llaqtamanmi richkanchik, chaypim runapa Churinmanta profetakunapa tukuy ima qellqasqanku cumplikunqa.

Juan 10:27

Ovejaykunaqa simiytam uyarin, ñoqapas paykunataqa reqsinim, chaymi paykunaqa qatiwanku.

Juan 6:37

Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Juan 6:65

Jesusqa nirqataqmi: Chayraykum nirqaykichik, manam pipas ñoqamanqa hamunmanchu Dios Tayta mana pusamuptinqa, nispa.

Hechos 13:40

Cuidakuychikyá profetakunapa nisqankuna qamkunaman ama chayamusunaykichikpaq, paykunam nirqaku:

Hechos 7:42

Chaynapim Diospas paykunata qepanchakuruspa chaskakunataña yupaychanankupaq saqerurqa, profetapa qellqasqan libropim kaynata nichkan: “Yaw, Israelpa mirayninkuna, ¿yaqachu chunniqpi tawa chunka wata purispaykichik animalkunatawan sacrificiokunata ofrecewarqankichik?

Efesios 1:17

Señorninchik Jesucristopa Atiyniyuq Dios Taytantam mañakuch-kani Espiritunwan yachayniyuq kay atiyta qosunaykichikpaq, chaynapi qamkunaman reqsichikuptin cheqapta reqsinaykichikpaq.

Filipenses 3:15

Chaynaqa, iñiypi haykam kallpayuq kaqkunaqa chay nisqaykunaman hinayá yuyaymanaychik. Imamantapas hukmanta piensaptikichikqa Diosninchikmi reqsichisunkichik.

1~Tesalonicenses 4:9

Wawqe-panintin kuyanakuymanta qellqamunaykutaqa manañam nece-sitankichikñachu, Diosqa ñam yachachi-surqankichikña imaynam kuyanakunay-kichikmantaqa.

Hebreos 10:16

Chay punchawkuna pasaruptinmi paykunawan pacto ruwasqayqa kayna kanqa: Yachachikuyniytam sonqonkupi churasaq, qellqasaqtaqmi yuyayninkupipas. Señormi chaynata nin.

1~Juan 2:27

Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.