Juan 6:37 - CHUYA QELLQA La Biblia en Quechua de Ayacucho 2012

³⁷ Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Quechua Ayacucho Bible 1987

³⁷ Taytapa qowasqanqa llapallanmi hamunqa ñoqaman, ñoqaman hamuqtaqa manam hawamanqa wischusaqchu.

Chuya Qellqa 1992

³⁷ Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Juan 6:37 Iomraidhean Croise

Isaías 41:9

kay pachapa patanmantaraqmi qamkunata pusamurqaykichik, karu llaqtamantaraqmi qayamuspa nirqaykichik: “Qamkunaqa akllakusqay serviqniymi kankichik, manam qepancharqaykichikchu”, nispay.

Isaías 42:3

Chitqasqa soqosllatapas manam pakinqachu, wañunayachkaqña rataq mecherotapas manam wañuchinqachu, cheqapwanmi lliwpaq allinkunallata ruwanqa.

Isaías 55:7

Mana allinkuna ruwaq runayá mana allin kawsayninta saqechun, millakuypaq yuyaymanaqyá chayna kayninta saqechun. Dios taytamanyá kutirikuchun, payqa llakipayariykunqam, Diosninchikmanyá kutirikuchun payqa kuyapayakuq kayninman hinam pampachaykunqa.

Mateo 11:28

Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik.

Mateo 24:24

Chay punchawkunapiqa cristo tukuqku-nawan profeta tukuqkunam hatarimunqaku, hinaspam admirakuypaq milagrokunatawan señalkunata ruwan-qaku, chaykunawanmi Diospa akllasqan kaqkunatañapas pantachinqaku.

Juan 17:11

Manañam kay pachapiñachu kasaq, paykunam ichaqa kay pachapiraq kanqaku, ñoqam ichaqa hamuchkaniña qanwan kuska kanaypaq. Chuya Taytáy, qowasqaykikunataqa atiynikiwanyá waqaychaykuy chaynapi ñoqanchik hina huklla kanankupaq.

Juan 17:2

Qanmi atiyta qowarqanki llapallan runapi munaychakunaypaq, chaynapi qowasqayki llapallan runakunaman wiñay kawsayta qonaypaq.

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Juan 17:6

Kay pachamanta qowasqayki runakunamanqa ñam willaniña pim kasqaykita. Paykunaqa qampam karqa chaymi qowarqanki, paykunaqa palabraykitam kasukunku.

Juan 6:39

Kachamuwaqniypa munasqanqa kaymi: Paypa qowasqanta mana mayqannintapas chinkachispay tukupay punchawpi kawsarichiyniymi.

Juan 6:65

Jesusqa nirqataqmi: Chayraykum nirqaykichik, manam pipas ñoqamanqa hamunmanchu Dios Tayta mana pusamuptinqa, nispa.

Juan 9:34

Chaymi judiokunañataq nirqaku: Qamqa huchapa huntasqan nacechkaspachu, ¿ñoqaykutaraq yachachiwaykuta munachkanki? nispanku. Chaynata niruspankum sinagogamanta qarqorurqaku.

Romanos 5:20

Leyqa qomusqa karqa hucha astawan achkayananpaqmi, ichaqa hucha astawan rikuriptinmi, Diospa kuyapayakuyninpas aswan chaninchasqa karqa.

Filipenses 1:29

Diosmi qamkunaman qosurqankichik Cristopi hapipakuyta chaynataq payrayku ñakariytapas.

1~Timoteo 1:16

Chaywanpas Diosmi ñoqata llakipayariykuwarqa, chaynapi Jesucristo pacienciakuyninta ñoqantakama qawachikunanpaq chaynataq haykam iñikuspanku wiñay kawsay haypaqkunapaq ejemplo kanaypaq.

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

1~Juan 2:19

Paykunaqa ñoqanchikmantam lloqsirunku, ichaqa manam ñoqanchik partechu karqaku, sichum ñoqanchik parte kaspankuqa ñoqanchikwanchá sayanmanku karqa. Paykunaqa lloqsirunku mana lliwchu iñiqmasinchik kasqanta yachanapaqmi.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.