Juan 6:32 - CHUYA QELLQA La Biblia en Quechua de Ayacucho 2012

³² Chaymi Jesusñataq nirqa: Cheqaptapunim nikichik, manam Moiseschu hanaq pachamanta hamuq tantataqa qosurqankichik, aswanqa Taytaymi hanaq pachamanta cheqap tantataqa qosuchkankichik.

Quechua Ayacucho Bible 1987

³² Chaymi Jesusñataq nirqa: —Cheqaptapunim nikichik, manam Moiseschu qosurqankichik chay mikuytaqa, Taytaymi cheqap mikuytaqa qosuchkankichik hanaq pachamanta.

Chuya Qellqa 1992

³² Chaymi Jesusñataq nirqa: Cheqaptapunim nikichik, manam Moiseschu hanaq pachamanta hamuq tantataqa qosurqankichik, aswanqa Taytaymi hanaq pachamanta cheqap tantataqa qosuchkankichik.

Juan 6:32 Iomraidhean Croise

Éxodo 16:4

Chaymi Moisesta Tayta Dios nirqa: Ñoqam parata hina cielomanta mikuyta chayachimusaq. Runakunañataqmi lloqsispanku, huk punchaw mikunankupaq kamaqllata sapa punchaw huñunqaku, chaynapim yachasaq yachachikuyniyman hina kawsasqankuta otaq mana chayna kawsasqankutapas.

Éxodo 16:8

Moisesqa nirqataqmi: Tardemanmi Tayta Dios aychata qosunkichik mikunaykichikpaq, paqarin tutapaytañataqmi saksanaykichikkama tantata qosunkichik. Tayta Diosmi uyarirun paypa contranpi rimasqaykichikta. Ñoqaykuqa, ¿pitaq kaniku? Rimasqaykichikqa manam ñoqaykupa contraykupichu, aswanqa Tayta Diospa contranpim, nispa.

Juan 1:9

Llapa runakunata kanchariq cheqap achkiymi kay pachaman hamurqa.

Juan 15:1

Ñoqam kani cheqap uvas planta, Taytayñataqmi chakrapi llamkaq.

Juan 6:31

Ñawpaq taytaykuqa “maná” sutiyuq tantatam chunniqpi mikurqaku. Chuya Qellqam nin: “Diosmi hanaq pachamanta tantata qomurqa”, nispa.

Juan 6:33

Diospa qosqan tantanqa hanaq pachamanta uraykamuqmi, chay tantaqa runakunamanmi kawsayta qon, nispa.

Juan 6:35

Chaymi Jesusñataq nirqa: Ñoqam kani kawsay qokuq tanta, pipas ñoqaman hamuqqa manam hay-kapipas yarqachikunqachu, pipas ñoqa-pi iñiqqa manataqmi haykapipas yakuna-yachikunqachu.

Juan 6:41

“Ñoqam kani hanaq pachamanta uraykamuq tanta” nispa Jesuspa nisqanmantam llapa judiokuna paypa contranpi kaynata rimapakurqaku:

Juan 6:50

Ichaqa kaymi hanaq pachamanta hamuq tanta, pipas paymanta mikuqqa manam wañunqachu.

Juan 6:55

Aychayqa cheqap mikuymi, yawarniypas cheqap tomaymi.

Juan 6:58

Kaymi hanaq pachamanta hamuq tantaqa. Ñawpaq taytaykichikkunaqa “maná” sutiyuq mikuyta mikuchkaspankupas wañurqakum, pipas kay tantamanta mikuqmi ichaqa wiñaypaq kawsanqa, nispa.

Gálatas 4:4

Aswanqa chay punchaw chayaramuptinmi Dios Tayta kuyasqan Churinta kachamurqa, paymi warmimanta nacespa lliw judiokuna hina leyta kasukurqa.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.