Juan 6:14 - CHUYA QELLQA La Biblia en Quechua de Ayacucho 2012

¹⁴ Jesuspa milagro ruwasqanta qawaykuspankum llapa runakuna nirqaku: Payqa cheqaptapunim kay pachaman hamuq profeta kasqa, nispanku.

Quechua Ayacucho Bible 1987

¹⁴ Jesuspa *f**milagro rurasqanta qawaykuspankum llapa runakuna nirqa: —Payqa cheqappunim kay pachaman hamuq Diosmanta willakuq —nispa.

Chuya Qellqa 1992

¹⁴ Jesuspa milagro ruwasqanta qawaykuspankum llapa runakuna nirqaku: Payqa cheqaptapunim kay pachaman hamuq profeta kasqa, nispanku.

Juan 6:14 Iomraidhean Croise

Génesis 49:10

Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Mateo 11:3

Jesusta kaynata tapumunankupaq: ¿Qamchu kachkanki Diosmanta hamuq, icha huktachu suyasaqku? nispa.

Mateo 21:11

Hinaptinmi runakunañataq nirqaku: Payqa Galilea law Nazaret llaqtayuq profeta Jesusmi, nispanku.

Lucas 24:19

Chaymi Jesusñataq nirqa: ¿Imataq pasakururqa? nispa. Hinaptinmi paykunañataq nirqaku: Rimachkanikuqa Nazaret llaqtayuq Jesusmantam. Payqa karqa profetam hinaspa Diospa qayllanpipas chaynataq runakunapa qayllanpipas atiywan rimaspa imatapas ruwaqmi.

Lucas 7:16

Chaypi kaqkunañataqmi llumpayta mancharikurqaku, chaymi Diosta kaynata nispa yupaycharqaku: Chawpinchikpim hatun profeta hatarirun. Diosmi yanapaykunanpaq llaqtanta watukaykamun, nispanku.

Juan 1:21

Hinaptinmi tapurqaku: Chaynaqa, ¿pitaq kanki? ¿Icha profeta Eliaschu? nispanku. Juanñataqmi nirqa: Manam ñoqaqa Eliaschu kani, nispa. Chaymi paykunañataq kaqllamanta tapurqaku: ¿Icha qamchu Diospa kachamusqan profeta kachkanki? nispanku. Juanñataqmi nirqa: Manam paychu kani, nispa.

Juan 11:27

Chaymi Martañataq nirqa: Arí Señorlláy, ñoqaqa creenim, qamqa kanki kay pachaman hamuq Diospa Churin Cristom, nispa.

Juan 2:11

Kay punta kaq milagrotam Jesús ruwarqa Galilea law Caná llaqtapi. Chaywanmi atiyninta qawachikurqa, hinaptinmi discipulonkuna paypi creerqaku.

Juan 4:19

Chaynata niptinmi chay warmiñataq nirqa: Señor, qamqa profetachusmi kasqanki.

Juan 4:25

Chaymi warmiñataq nirqa: Yachanim Cristo nisqanku Mesías hamunanta, pay hamuspanmi lliwta willawanqaku, nispa.

Juan 4:42

Hinaspankum chay warmita nirqaku: Manam qampa nisqallaykiwanñachu creenikuqa, aswanqa kikiykupunim uyariykuniku, hinaspam payqa cheqaptapuni kay pachapi runakuna salvaq kasqanta yachaykuniku, nispanku.

Juan 6:2

Chaymi achkallaña runakuna qatirqaku, onqoqkuna sanoyachisqanta qawasqankurayku.

Juan 6:26

Chaymi Jesusñataq nirqa: Cheqaptapunim nikichik, qamkunaqa saksanaykichikkama tantata mikusqaykichikraykum maskawachkankichik, manam milagrokuna qawasqaykichikraykuchu.

Juan 6:30

Hinaptinmi nirqaku: ¿Ima milagrotataq qowankiku chayta qawaspa qanman iñinaykupaq? ¿Imatataq ruwayta atiwaq?

Juan 7:40

Runakunamantam Jesuspa rimasqanta uyarispanku wakiqnin nirqaku: Cheqaptapunim kay runaqa suyasqanchik profeta, nispanku.

Hechos 7:37

Kay Moisestaqmi Israelpa mirayninkunata nirqa: “Diosmi castanchikmanta ñoqa hina profetata hatarichinqa, paytam uyarinkichik”, nispa.