Juan 5:42 - CHUYA QELLQA La Biblia en Quechua de Ayacucho 2012

⁴² Qamkunataqa reqsikichikmi, chaymi yachani Diosta mana kuyasqaykichikta.

Quechua Ayacucho Bible 1987

⁴² Qamkunataqa reqsikichikmi chaymi yachani Dios mana kuyasqaykichikta.

Chuya Qellqa 1992

⁴² Qamkunataqa reqsikichikmi, chaymi yachani Diosta mana kuyasqaykichikta.

Juan 5:42 Iomraidhean Croise

Lucas 16:15

Chaymi Jesusñataq nirqa: Qamkunaqa runakuna qawanallan-paqmi allin tukunkichik, Diosmi icha-qa sonqoykichikta reqsisunkichik. Runakunapaq sumaqllaña rikchakuqpas Diospaqqa millakuypaqmi.

Juan 2:25

Manataqmi pitapas necesitarqachu chay runakuna imaynam kasqanmanta willananpaqqa, kikin Jesusmi sapakamapa sonqonta allinta reqsirqa.

Juan 21:17

Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Juan 5:41

Runakunapa hatunchasqan kaytaqa manam munanichu.

Juan 5:43

Ñoqaqa Taytaypa sutinpim hamurqani, qamkunam ichaqa mana chaskiwarqankichikchu, sichum pipas kikinpa sutinpi hamuptinmi ichaqa chaskiwaqchik.

Juan 5:44

Qamkunaqa kikikichikpurallam hatunchanakunkichik, Diospa hatun-chasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?

Juan 8:42

Jesusñataqmi nirqa: Sichum Dios kanman taytaykichik hinaptinqa kuyawankichikmanchá. Ño-qaqa Diosmanta hamuspaymi kaypi kachkani, manam kikillaymantachu hamurqani aswanqa Diosmi kachamu-warqa.

Juan 8:47

Diospaq kaqkunaqa Diospa nisqankunatam uyarin, qamkunam ichaqa mana Diospa kasqaykichikrayku mana uyarinkichikchu, nispa.

Juan 8:55

Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni.

Romanos 8:7

Aychaman hina kawsaqkunaqa Diospa enemigonkunam, paykunaqa manam Diospa leynin kasukuyta munankuchu, nitaqmi ruwaytapas atinkuchu.

1~Juan 2:15

Amayá kuyaychikchu kay pachapi mana allin ruwaykunataqa nitaq kay pachapi mana allin kaqkunatapas, chaykunata kuyaqqa manam Dios Taytataqa kuyanchu.

1~Juan 3:17

Pipas kapuq-niyuq kachkaspan runamasinta imamantapas muchuqta qawakunman hinaspa imallantapas mana qoykuqqa, ¿yaqachum Diosta kuyanman?

1~Juan 4:20

Sichum pipas: “Diostaqa kuyanim” nichkaspan runamasintañataq cheqninman, chayna runaqa llullam. Rikuchkasqan runamasinta mana kuyaspaqa, ¿imay-nataq mana rikusqan Diostaqa kuyan-man?

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.