Juan 5:4 - CHUYA QELLQA La Biblia en Quechua de Ayacucho 2012

⁴ Huk angelmi qonqaymanta-qonqaymanta estanqueman uraykamuspan yakuta kuyurichiq, chaymi yaku kuyuriptin pipas puntata yaykuqqa ima onqoymantapas sanoyaruq].

Quechua Ayacucho Bible 1987

⁴ Angelmi estanqueman uraykamuspan kuyuchiq yakuta, pipas chayman puntata yaykuqmi sanoyaq ima onqoymantapas.

Chuya Qellqa 1992

⁴ Huk angelmi qonqaymanta-qonqaymanta estanqueman uraykamuspan yakuta kuyurichiq, chaymi yaku kuyuriptin pipas puntata yaykuqqa ima onqoymantapas sanoyaruq]

Juan 5:4 Iomraidhean Croise

2~Reyes 5:10

Ichaqa Eliseom willakuqta kachaspan nichimurqa: Jordán mayuman rispa chaypi qanchis kutikama bañakamuy, hinaptinmi aychaykiqa ñawpaqta hina sanoña kanqa, nispa.

Proverbios 6:4

Amayá puñuytapas tariychu, nitaq ñawikitapas wichqaykuychu;

Proverbios 8:17

Ñoqaqa kuyawaqniykunatam kuyani, maskawaqniykunaqa tariwanmi.

Eclesiastés 9:10

Ruwanayki kaqtaqa, kallpanchakuspayá chaylla ruway; sepulturapiqa manañam imatapas ruwankiñachu, manañam llamkankiñachu, manañam imatapas yachankiñachu, yachaypas chaypiqa manam kanñachu.

Ezequiel 47:8

Hinaptinmi niwarqa: Kay mayuqa richkan intipa qespimunan lawmanmi, hinaspam Jordán mayupa kallpanan wayqoman uray-kuchkan, chaymantam Puchqo lamar qochaman yaykunqa. Chayman chayaruptinmi chay qochapa yakunkuna miski yakumanña tikrakurunqa.

Oseas 13:13

Nacenanpaq nanaymi chayaramun, Efrainmi ichaqa mana musyakuq wawa hina, maman wachakuptinmi nacemunanpaq kachkaspan chakakurun.

Zacarías 13:1

Chay tiempopim huk pukyumanta yaku lloqsiptin, chay yakupi Davidpa mirayninkunawan Jerusalenpi yachaqkuna huchankumantawan milla-kuypaq mana allin ruwasqankumanta chuyanchakunqaku.

Zacarías 14:8

Chay punchawpim Jerusalenmanta kawsaq yaku lloqsimunqa, partenmi intipa qespimunan Puchqo lamar qocha lawman kallpanqa, partenñataqmi intipa seqaykunan Mediterráneo lamar qocha lawman kallpanqa. Chay yakuqa poqoypipas hinaspa chirawpipas mana tukuytam kallpanqa.

Mateo 11:12

Bautizaq Juanpa hamusqanman-tapunim Diospa munaychakuynin-ta chinkachiypi richkanku, allin kall-pawanraqmi chinkachiyta munan-ku.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Lucas 13:24

Kichki punkunta yaykunaykichikpaqyá kallpanchakuychik; cheqaptam nikichik, achkaqmi yaykuyta munanqaku, ichaqa manam atinqakuchu.

Lucas 16:16

Kamachikuykunawan profetakunapa yachachisqanqa Bautizaq Juanpa willakuy qallarisqankamallam karqa. Chaymanta qepamanñataqmi Diospa munaychakuyninmanta willakusqa kachkan, chaymi llapallanku yaykunankupaq kallpanchakuchkanku.

Juan 5:3

Chaypim rikchaqmana onqoyniyuqkunawan, ñawsakuna, wistukuna hinaspa suchu-kuna karqaku, [yakupa kuyuparikuyninta suyaspanku.

Juan 5:5

Chaypim huk onqoq runa kachkarqa, payqa kimsa chunka pusaqniyuq watañam onqorqa.

Juan 5:7

Chay suchuñataqmi nirqa: Señor, manam piniypas kanchu yaku kuyuriptin apaykuwananpaq, chaymi yaykuyta munaptiypas hukkuna puntata yaykurunku, nispa.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

1~Juan 1:7

Imaynam Diospas achkiypi kachkan, chaynayá ñoqanchikpas achkiypi kawsasun, kikinchikpurapas hukllayá kasun, hinaptinqa Diospa Churin Jesucristopa yawarninmi lliw huchanchikkunamanta mayllawasun.