Juan 5:39 - CHUYA QELLQA La Biblia en Quechua de Ayacucho 2012

³⁹ Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun

Quechua Ayacucho Bible 1987

³⁹ Wiñay kawsay tariyta munaspaqa Bibliatayá allinta estudiaychik. Bibliaqa ñoqamantam willakun testigo hina.

Chuya Qellqa 1992

³⁹ Qellqatayá allinta qatipaychik chaypim wiñay kawsayta tarinkichik, paytaqmi ñoqamanta willakun

Juan 5:39 Iomraidhean Croise

Proverbios 6:23

Kamachikuykunaqa mechero hinam, yachachikuykunaqa achkiy hinam; anyasqa kaywan consejasqa kayñataqmi kawsayman pusakuq ñan hina.

Isaías 34:16

Tayta Diospa qellqanta leespayá qatipaychik; kay animalkunamantaqa chinanpas orqonpas, manam hukllanpapas parisninqa chinkarqachu. Tayta Diosmi kamachispan Espiritunwan huñunachirqa.

Isaías 8:20

¡Manam chaynataqa ruwanaychikchu! Aswanqa Diospa yachachikuynintayá tapukuychik, Diospa kamachikuynintayá tapukuychik. Chaykunaman hina mana rimaspankuqa tutayayllapiraqmi kachkanku.

Jeremías 8:9

Yachaysapakunam penqayman churasqa kanqaku, toqllapa hapisqan animal hinam mancharikunqaku, Tayta Diospa Chuya siminta qepancharuptinkuqa, ¿maypitaq kachkan yachaysapa kayninkuqa?

Daniel 12:2

Wañuqkunamantapas achkallañam kawsarimunqaku: Wakinmi wiñay kawsaypaq wakinñataqmi wiña-wiñay ñakariypaq.

Mateo 22:29

Jesusñataqmi nirqa: Qamkunaqa Qellqatapas chayna-taq Diospa atiynintapas mana req-sisqaykichikraykum pantaypi kach-kankichik.

Marcos 10:3

Jesusñataqmi tapurqa: ¿Imatataq Moisés kamachisurqankichik? nispa.

Marcos 12:10

¿Manachu Qellqapi leerqankichik: “Perqaqkunapa wischupakusqanku rumim cimientopa esquinan hapiq rumiña rikurirun.

Lucas 16:29

Hinaptinmi Abrahamñataq nirqa: “Chaypaqmi Moisespa hinaspa profetakunapa qellqanta hatallinku, chaytayá kasukuchunku”, nispa.

Lucas 16:31

Chaymi Abrahamñataq nirqa: “Moisespa hinaspa profetakunapa nisqankunata mana kasukuspankuqa, wañuqkunamanta hukkaqnin kutispan willamuptinñapas manam creenqakuchu”, nispa.

Lucas 24:25

Chaymi Jesusñataq paykunata nirqa: Mana yuyayniyuq runakuna, qamkunaqa profetakunapa willakusqantapas sasallaña creeqmi kankichik.

Lucas 24:27

Hinaspam Moisespa qellqasqan-manta qallarispa profetakunapa qellqasqankama, paymanta llapallan Qellqapa nisqanta paykunaman entien-dechirqa.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 1:45

Felipem Natanaelta tariruspan nirqa: Tariramunikum huk runata, paymantam Moisespas chaynataq profetakunapas qellqarqa. Payqa Joseypa churin Nazaret llaqtayuq Jesusmi, nispa.

Juan 5:32

Ñoqamantaqa hukmi willakun, yachanim paypa willakuyninqa cheqap kasqanta.

Juan 5:36

Ichaqa Juanpa willakusqanmantapas aswan valorniyuq testigoyqa, ruwanaypaq Tay-tapa kamachimuwasqan kaqkuna ruwas-qaymi, chaykunam Taytapa kachamuwasqanmantaqa willakunku.

Juan 5:40

Chaywanpas wiñay kawsayniyuq kanaykichikpaqqa manam ñoqaman hamuyta munankichikchu.

Juan 5:46

Sichum Moisespa nisqankunata creespaykichikqa ñoqatapas creewankichikmanmi, Moisesqa ñoqamantam qellqarqa.

Juan 7:52

Chaymi paykunañataq nirqaku: ¿Qampas Galilea llaqtayuqchu kanki? Qellqata qatipaspayá yachay, Galilea lawmantaqa manam ima profetapas hatarirqachu, nispanku.

Hechos 13:27

Jerusalenpi yachaqkunam llapa kamachiqninkunapiwan, Jesús pim kasqanta mana yachasqankurayku wañunanpaq sentenciarurqaku, chaynapim profetakunapa nisqankuna cumplikurqa. Sapa samana punchawpi leechkaspankupas manam entienderqakuchu.

Hechos 17:11

Chay Berea llaqtapi kaq judiokunaqa Tesalonicapi kaqkunamantapas allin yuyayniyuq runakunam karqaku. Paykunam kusikuyllawanña Diospa palabranta uyarispanku Chuya Qellqata sapa punchaw allinta qatiparqaku, cheqap kasqanta otaq mana cheqap kasqanta yachanankupaq.

Hechos 26:27

Reynilláy Agripa, ¿creenkichum profetakunapa willakusqanta? Arí, qamqa creenkim, nispa.

Romanos 1:2

Chaytam profetankunatakama ñawpaqmantaraq Dios prometekurqa Chuya Qellqapi.

Romanos 3:2

Arí, allinpunim. Puntataqa judiokunamanmi Diospa palabran qomusqa karqa.

Deuteronomio 18:15

Señornikichik Tayta Diosmi qamkunamanta ñoqa hina profetata hata-richinqa, hinaptinmi payta kasunkichik.

Deuteronomio 18:18

Israel miraykunamantam qam hina profetata hatarichispay rimapayasaq, hinaptinmi payña tukuy kamachisqaykunata willasunkichik.

Deuteronomio 29:29

Kanmi mana yachasqanchik pakasqa kaqkuna, chaytaqa Tayta Diosllam yachan. Chaywanpas kantaqmi ñoqanchikman chaynataq churinchikkunamanpas wiñaypaq reqsichisqan kaqkuna, chaynapi kay llapallan yachachikuykunata ruwayman churananchikpaq.

Deuteronomio 32:47

Kay yachachikuykunaqa manam llutan yachachikuykunachu, aswanqa kawsachiqnikichikmi. Kay yacha-chikuykunaraykum Jordán mayuta chimpaspa Tayta Diospa qosusqaykichik allpapi unay watakunata kawsakunkichik, nispa.

Colosenses 3:16

Cristopa yachachikuyninkunayá sonqoykichikpi llimparichun. Allin yachaywanyá sapakama yachachinakuspa kallpanchanakuychik. Tukuy sonqoykichikwanyá Diosman graciasta qostin takiychik, himnokunata hinaspa Espiritumanta kaq takikunata.

Hebreos 11:16

Paykunaqa hanaq pachapi kaq allin llaqtatam anchallataña munarqaku, chayraykum Diospas paykunapa Diosnin kayta mana penqakunchu, paykunapaqmi huk llaqtata ruwarqa.

Hebreos 11:35

Warmi-kunam wañusqamantaña kawsarichisqan ayllunkuta chaskiykurqaku. Wakinñataqmi kaspikunawan waqtapasqa karqaku, ichaqa librasqa kayta mana munaspankum wañurqaku, chay-napi aswan allin vidaman kawsarimunan-kupaq.

Josué 1:8

Kay libropi kamachikuykunatam rimanki, hinaspam tuta punchaw yuyay-mananki, waqaychaspayki kay libropa nisqanman hina ruwaspa kasukunaykipaq. Hinaspaqa imatapas allintam ruwanki, ima ruwasqaykipas allinmi lloqsinqa.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.