Juan 5:30 - CHUYA QELLQA La Biblia en Quechua de Ayacucho 2012

³⁰ Manam imatapas kikillaymantaqa ruwaymanchu. Ñoqaqa Taytapa kamachiwasqanman hinam juzgani, juzganiqa mana pimanpas sayapakuspaymi, ñoqaqa manam kikiypa munasqaytachu ruwani, aswanqa kachamuwaqniy Taytaypa munasqantam.

Quechua Ayacucho Bible 1987

³⁰ —Kikillayqa manam imatapas ruraymanchu. Ñoqaqa uyarisqayman hinam justiciawan juzgani. Ñoqaqa rurani manam kikiypa munasqaytachu aswanqa kachamuwaqniypa munasqantam.

Chuya Qellqa 1992

³⁰ Manam imatapas kikillaymantaqa ruwaymanchu. Ñoqaqa Taytapa kamachiwasqanman hinam juzgani, juzganiqa mana pimanpas sayapakuspaymi, ñoqaqa manam kikiypa munasqaytachu ruwani, aswanqa kachamuwaqniy Taytaypa munasqantam.

Juan 5:30 Iomraidhean Croise

Génesis 18:25

Tukuy kay pachapa Juezninmi qamqa kanki, chaynaqa ¿Manachum allin kaqta ruwawaq? Amayá allin ruwaqta mana allin ruwaqtawan kuskataqa puchukarachiychu, nispa.

Isaías 28:6

Cortepi juezkunamanmi allin arreglo ruwanankupaq yachayta qonqa, llaqtata nanachikuq tropakunatam kallpanchanqa.

Sofonías 3:15

Tayta Diosmi castigasunaykipaq rimarisqanta suchurachin, enemigoykikunatam qarqorun. Israel llaqta, reyniki Tayta Diosmi chawpikipi tarikun, manañam imamantapas manchakunkiñachu.

Mateo 26:39

Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Juan 14:10

¿Manachu creenki Taytaywanqa huklla kasqayta? Imatapas nikichikqa manam kikillaymantachu, ñoqawan kaq Taytam kikinpa ruwanantaqa ruwan.

Juan 17:4

Ñoqam kay pachapi hatuncharqayki, kamachiwasqayki ruwaytapas ñam tukuruniña.

Juan 18:11

Jesusñataqmi Pedrota nirqa: Espadaykita sitionman kutiykachiy. ¿Ñakarinaypaq Taytaypa qowasqantaqa manachu chaskiyman? nispa.

Juan 4:34

Jesusñataqmi nirqa: Ñoqapa mikunayqa pim kachamuwaqniypa munasqanta ruwaymi hinaspa llamkayninta tukuymi.

Juan 5:19

Jesusmi nirqa: Cheqaptapunim nikichik, Churiqa kikillanmantaqa manam ima ruwaytapas atinmanchu, aswanqa Taytapa ruwasqankuna rikusqallantam. Taytapa tukuy ima ruwasqantam Churipas ruwan.

Juan 6:38

Hanaq pachamantaqa hamurqani manam kikiy-pa munasqayta ruwanaypaqchu, aswanqa kachamuwaqniypa munasqanta ruwanaypaqmi.

Juan 8:28

Chaymi Jesús nirqa: Runapa Churinta chakataruspaykichikñam pim kasqayta yachankichik. Tukuy imatapas manam kikillaymantachu ruwani, Taytaypa yachachiwasqallantam ñoqaqa willaykichik.

Juan 8:42

Jesusñataqmi nirqa: Sichum Dios kanman taytaykichik hinaptinqa kuyawankichikmanchá. Ño-qaqa Diosmanta hamuspaymi kaypi kachkani, manam kikillaymantachu hamurqani aswanqa Diosmi kachamu-warqa.

Juan 8:50

Ñoqaqa manam hatunchasqa kaytachu maskani, kanmi huk hatunchasqa kayta maskaqqa, paymi juzgaqqa.

Romanos 15:3

Cristopunipas manam kikillanpaq munaqchu karqa, Qellqapipas kaynatam nin: “Diosnilláy, kamiqnikikunapa kamikuyninmi ñoqaman wichiykuwarqa”, nispa.

Romanos 2:2

Yachasqanchikpi hinapas, mana allin ruwaqkunataqa Diosmi cheqap kaqwan juzganqa.

Romanos 2:5

Ichaqa rumi sonqo kaspayki hinaspa mana wanakuyta munaspaykim, juicio punchawpi castigasqa kanaykipaq Diospa piñakuyninta kikillayki huñukuchkanki. Chay punchawpim cheqap kaqman hina juzgasqanta Dios qawaykachikunqa.