Juan 5:28 - CHUYA QELLQA La Biblia en Quechua de Ayacucho 2012

²⁸ Amayá kaywanqa admirakuychikchu, chayamunqam punchaw panteonpi wañusqakuna paypa qayakuyninta uyarinankupaq.

Quechua Ayacucho Bible 1987

²⁸ Kay nisqaymantaqa amayá admirakuychikchu, huk punchawmi Diospa Churinpa qayasqanta uyarispanku llapallan wañuqkuna kawsarimunqaku.

Chuya Qellqa 1992

²⁸ Amayá kaywanqa admirakuychikchu, chayamunqam punchaw panteonpi wañusqakuna paypa qayakuyninta uyarinankupaq.

Juan 5:28 Iomraidhean Croise

Isaías 26:19

Qampi wañukuqkunam kawsarinqaku, ayaykikunam hatarimunqaku. Allpa ukunpi kaqkunam rikcharimuspa kusikuyllawanña qaparinqaku, sullata hinaraq kanchaynikita chayachiptikim wañuqkuna allpa ukumanta hatarimunqaku.

Daniel 12:2

Wañuqkunamantapas achkallañam kawsarimunqaku: Wakinmi wiñay kawsaypaq wakinñataqmi wiña-wiñay ñakariypaq.

Oseas 13:14

¿Sepulturapa atiyninmantachu librasqaykichik? ¿Wañuypa makinmantachu qechusqaykichik? Yaw wañuy, ¿maytaq wañuchiq peste onqoynikikuna? Yaw sepultura, ¿maytaq chinkachinaykipaq atiyniki? Kay llaqtata chinkachiy, manam llakipayaymanñachu.

Juan 3:7

Amayá admirakuychu “musoqmantam nacenanku” nisqaywanqa.

Juan 4:21

Jesusñataqmi nirqa: Warmi, cheqaptam niki, hamuchkanmi punchaw, kay moqopipas nitaq Jerusalenpipas Diostaqa manaña yu-paychanankupaq.

Juan 4:23

Ichaqa horam hamuchkanña, kunanmi ichaqa chayaramunña, cheqap yupaychaqkunaqa Taytatam Espiritupa yanapasqan hinaspa cheqappi yupaychanqaku. Taytaqa chayna yupaychaqninkunatam maskachkan yupaychanankupaq.

Juan 5:20

Taytaqa Churitam kuyan, hinaspam tukuy ima ruwasqanta qawachin; kaykunamantapas aswan hatun kaqkunataraqmi qawachinqa, chaynapi qamkuna admirakunaykichikpaq.

Juan 5:25

Cheqaptapunim nikichik, hamuchkanmi punchaw, ñam chayaramunña, wañuqkunam Diospa Churinpa qayakuyninta uyarinqaku, hinaspam uyariqninkunaqa kawsarimunqaku.

Hechos 24:15

Ñoqapas paykuna hinam Diospi suyachkani allin runakunatawan mana allin runakunata hamuq punchawpi Dios kawsarichimunanta.

Hechos 3:12

Pedroñataqmi hamusqankuta qawarispan nirqa: Israelpa mirayninkuna, ¿imanasqataq admirasqallaña kachkankichik? ¿Imanasqataq ñoqaykuta qawarayawachkankiku? Manam kikillaykumantachu, nitaqmi atiyniykuwanchu kay runataqa purirachiniku.

1~Corintios 15:22

Imaynam Adanpa huchallikus-qanwan llapallan runa wañun, chaynallataqmi Cristopi iñiqkunapas llapallan kawsarimunqa.

Filipenses 3:21

Paymi kay ñakariq cuerponchikta musoqyachinqa suma-sumaq kanchariq cuerponman rikchakuqtaña, chaytaqa ruwanqa tukuy imapa hawanpi munaychakuq atiyninwanmi.

Apocalipsis 20:12

Chaymantam rikurqani hatunpas, taksapas ñawpaq wañuqkunatapas, paykunaqa Diospa qayllanpim sayachkasqaku, hinaptinmi librokuna kichasqa karqa. Wiñay kawsay libropas kichasqataqmi karqa hinaptinmi chay libropi qellqasqaman hina hinaspa imam ruwasqankuman hina wañusqakuna juzgasqa karqaku.