Juan 5:24 - CHUYA QELLQA La Biblia en Quechua de Ayacucho 2012

²⁴ Cheqaptapunim nikichik, pipas palabraykunata uyarispa kachamuwaqniyta creeqqa wiñay kawsayniyuqmi, payqa manam condenasqañachu kanqa, aswanqa wañuymantam kawsaymanña pasarun.

Quechua Ayacucho Bible 1987

²⁴ —Cheqaptapunim nikichik, pipas nisqaykunata uyariqqa hinaspa kachamuwaqniypi iñiqqa wiñay kawsayniyoqñam kachkan. Payqa manam castigasqachu kanqa, aswanqa wañuymantam kawsaymanña pasarun.

Chuya Qellqa 1992

²⁴ Cheqaptapunim nikichik, pipas palabraykunata uyarispa kachamuwaqniyta creeqqa wiñay kawsayniyuqmi, payqa manam condenasqañachu kanqa, aswanqa wañuymantam kawsaymanña pasarun.

Juan 5:24 Iomraidhean Croise

Mateo 25:46

Paykunam wiña-wiñaypaq castigoman rinqaku, allin ruwaqkunañataqmi wiña-wiñay kawsakuyman rinqaku, nispan.

Marcos 16:16

Pipas iñispa bautizasqa kaqmi salvasqa kanqa, mana iñiqñataqmi condenasqa kanqa.

Juan 11:26

Pipas kawsachkaspallanraq ñoqaman iñiqqa manam wiñaypaqchu wañunqa. ¿Marta creenkichu kayta? nispa.

Juan 12:44

Jesusmi hatunmanta qaparispa nirqa: Pipas ñoqaman iñiqqa manam ñoqallamanchu iñin, aswanqa kachamuwaqniy Taytaymanwanmi.

Juan 20:31

Kaykunaqa qellqasqa karqa Jesusqa Diospa Churin Cristo kasqanta creenaykichikpaqmi, creespaykichikñataq payrayku wiñay kawsayniyuq kanaykichikpaq.

Juan 3:16

Diosqa ancha-anchatam runakunata kuyarqa, chaymi sapallan Churinta qomurqa, pipas paypi iñiqqa mana wañunanpaq, aswanqa wiñay kawsayniyuq kananpaq.

Juan 3:18

Diospa Churinpi iñiqqa manam condenasqachu kanqa, mana iñiqmi ichaqa Diospa sapallan Churinpi mana iñisqanrayku condenasqaña kachkan.

Juan 3:36

Churipi iñiqqa wiñay kawsayniyuqmi, paypi mana iñiqmi ichaqa wiñay kawsaytapas mana haypanqachu, aswanqa Diospa sinchi piñakuynintam chaskinqa, nispa.

Juan 4:36

Cosechapi llamkapakuqqa pagontam chaskin, cosecha huñusqanñataqmi wiñay kawsaypaq, chaynapi tarpuqpas hinaspa cosechaqpas kuskanku kusikunankupaq.

Juan 6:40

Taytapa munasqanqa kaymi: Diospa Churinta rikuspa payman iñiqqa wiñay kawsayniyuqñam, chayna iñiqtaqa tukupay punchawpim kawsarichimusaq, nispa.

Juan 6:47

Cheqaptapunim nikichik, pipas ñoqapi iñiqqa wiñay kawsayniyuqñam.

Juan 6:50

Ichaqa kaymi hanaq pachamanta hamuq tanta, pipas paymanta mikuqqa manam wañunqachu.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Juan 6:58

Kaymi hanaq pachamanta hamuq tantaqa. Ñawpaq taytaykichikkunaqa “maná” sutiyuq mikuyta mikuchkaspankupas wañurqakum, pipas kay tantamanta mikuqmi ichaqa wiñaypaq kawsanqa, nispa.

Juan 8:51

Cheqaptapunim nikichik, pipas palabraykunata waqay-chaqkunaqa manam haykapipas wañun-qachu, nispa.

Romanos 8:1

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

1~Tesalonicenses 5:9

Diosqa manam castigopaqchu churawarqanchik, aswanqa Jesucristontakama salvasqa kananchikpaqmi.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Pedro 1:5

Qamkunaqa Diospi iñiyniyuq kasqaykichikraykum, payqa atiyninwan waqaychasunkichik salvación haypanaykichikpaq, chayqa allichasqañam kachkan tukupay punchawpi reqsisqa kananpaq.

1~Juan 3:14

Ñoqanchikqa wañuymantam kaw-saymanña pasarunchik, chaytaqa ya-chanchik iñiqmasinchikkunata kuyasqanchikwanmi. Chayna mana kuyaqqa hinallaraqmi wañusqa kachkan.

1~Juan 5:1

Jesusqa Cristo kasqanta creeqkunaqa Diospa churinñam, haykam taytan kuyaqkunaqa, taytanpa churinkunatapas kuyananmi.