Juan 5:23 - CHUYA QELLQA La Biblia en Quechua de Ayacucho 2012

²³ chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Quechua Ayacucho Bible 1987

²³ chaynapi Taytata yupaychasqankuta hina Churitapas llapallanku yupaychanankupaq. Churita pipas mana yupaychaqqa manam yupaychanchu kachamuqnin Taytatapas.

Chuya Qellqa 1992

²³ chaynapi Taytata yupaychasqankuta hina Churitapas yupaychanankupaq. Churita mana yupaychaqqa manam kachamuqnin Taytatapas yupaychanchu.

Juan 5:23 Iomraidhean Croise

Isaías 42:8

Ñoqam kani Tayta Dios, chaymi sutiy. Hukkuna hatunchanankutaqa manam munanichu, ñoqallatam yupaychawanankuqa, manam idolokunatachu.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 45:15

Cheqaptapunipas qamqa mana rikuna Diosmi kanki, qamqa Israel llaqtapa salvaqnin Diosmi kanki.

Isaías 45:21

Rimariychik hinaspa pruebakunata apamuychik, kikikichikpura tapunakuychik: ¿Pitaq ñawpaqmantaraq kaykunamanta rimarqa? ¿Manachum ñoqa Tayta Dios chaykunataqa willakurqani? Ñoqamanta sapaq Diosqa manam kanchu, ñoqa hina allin ruwaqqa manam kanchu, ñoqamanta hukqa manam pipas salvanchu.

Zacarías 9:9

¡Sión llaqtapi yachaqkuna llumpayta kusikuychik! ¡Jerusalenpi yachaqkuna kusikuymanta qapariychik! Reynikichikmi qamkunaman hamuchkan, payqa allin ruwaq hinaspa salvakuqmi, asnopi silladam humildella hamuchkan, malta asnochapim hamuchkan.

Mateo 10:37

Pipas tayta-mamanta ñoqamanta masta kuyaqqa manam ñoqapaq hinachu, pipas wawa-churinta ñoqamanta masta kuyaqqa manataqmi ñoqapaq hinachu.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 12:21

Llapa nacionkunapas paypa sutinpi hapipakuspam suyanqaku”.

Mateo 15:8

“Kay runakunaqa simillamantam yupaychawanku, sonqonkum ichaqa ñoqamanta karupi kachkan.

Mateo 28:19

Chaynaqa, llapallan nacionkunaman riychik, hinaspayá discipulokunata hatarichimuspa, Taytapa, Churipa, Chuya Espiritupa sutinpi bautizamuychik.

Lucas 10:16

Qamkunata uyariq runaqa ñoqatam uyariwan, qamkunata wischupakuq runaqa ñoqatam wischupakuwan, ñoqata wischupakuqñataqmi pim kachamuwaqniyta wischupakun, nispa.

Juan 14:1

Amayá songoykichikqa hukmanyachunchu. Diospiyá creeychik, creeychiktaqyá ñoqapipas.

Juan 16:14

Payqa atiyniytam qawachinqa, ñoqamanta chaskisqantam qamkunaman willasunkichik.

Juan 17:10

Tukuy ima kapuqniyqa qampam, qampa kaqñataqmi ñoqapa, tukuy chaykunapim ñoqaqa hatunchasqa kani.

Romanos 1:7

Chaymi Roma llaqtapi Diospa kuyasqankunaman qellqamuykichik, Diosmi kuyasunkichik, hinaspam payllapaqña kawsanaykichikpaq qayasurqankichik. Dios Taytanchikpa chaynataq Señorninchik Jesucristopa kuyakuyninwan hawkayayninyá qamkunawan kachun.

Romanos 15:12

Isaiaspas kaynatam nirqa: “Sachapa sapin ikllirimuq hinam Isaipa miraynin rikurimunqa. Nacionkunata munaychakunanpaqmi payqa hamunqa, paypi confiakuspam llapallanku suyanqaku”, nispa.

Romanos 6:22

Huchamanta librakuruspam ichaqa Diospa sirvientenña rikurirunkichik, chayqa allinnikichikpaqmi hinaspa chuya kawsakuymi tukupayninñataqmi wiñay kawsayman apakun.

Romanos 8:9

Qamkunam ichaqa mana aychaman hinañachu kawsankichik, aswanqa Espirituman hinañam, qamkunapi Diospa Espiritun kasqanrayku. Sichum runapi Cristopa Espiritun mana kaptinqa manam Cristopachu.

1~Corintios 1:3

Dios Taytanchikwan Señorninchik Jesucristoyá hawkayaytawan kuyakuyninta qamkunaman qosunkichik.

1~Corintios 10:31

Mikuspapas tomaspapas otaq imataña ruwaspapas llapantayá Dios hatunchasqa kananpaq ruwaychik.

1~Corintios 16:22

Pipas Señor Jesucristota mana kuyaqqa ñakasqayá kachun. ¡Maranatha!

1~Corintios 6:19

¿Manachu yachankichik cuerpoykichik Chuya Espiritupa templon kasqanta? Chay Espiritutaqa Diosmi qamkunapi kananpaq qosurqankichik. Qamkunaqa manam kikikichikpañachu kankichik.

2~Corintios 1:9

Wañuypa patanpiñam karqaniku, kaykunam ichaqa yachachiwarqaku mana kikillaykupi hapipakuq kanaykupaq, aswanqa wañuqkuna kawsarichiq Diosllamanña hapipakuyta yachanaykupaq.

2~Corintios 13:14

Chaynaqa, Señor Jesucristopa kuyakuyninwan, Dios Taytapa kuyapayakuyninyá hinaspa Chuya Espiritupa kallpanchakuyninyá llapallaykichikwan kachun.

2~Corintios 5:14

Cristopa kuyakuyninmi ñoqanchikpi munaychakun, llapallanchikpa rantinchikpi Cristopa wañusqanta yachaspaqa, yachanchiktaqmi wañusqa hinaña kasqanchikta.

2~Corintios 5:19

Diosmi Cristopi kachkarqa kay pachapi runakunata mana huchayuqpaqña hapispa kikinwan allinyanachinanpaq. Paymi kamachiwarqanchik allinyanakuymanta willakunanchikpaq.

Efesios 6:24

Haykam mana iskayrayaspa Señorninchik Jesucristota kuyaqkunamanyá, kuyakuyninta Diosninchik qochun.

2~Timoteo 1:12

Chayraykum kaynataña ñakarini, aswanqa piman iñisqayta yachakuspaymi mana penqakunichu. Payqa atiyniyuq kasqanraykum imam qowasqantaqa chay punchawkama waqaychanqa.

Hebreos 1:6

Piwi Churinta kay pachaman kachamuspanmi nirqa: Diospa llapallan angelninkunaqa pay-tayá yupaychachunku, nispa.

2~Pedro 1:1

Jesucristota serviq apóstol ñoqa Simón Pedrom, haykam ñoqayku hina kuyayllapaq iñiyta chaskiqkunaman kay cartata apachimuykichik. Diosninchikpas hinaspa salvaqninchik Jesucristopas allin kaqkuna ruwaqmi.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.

1~Juan 2:23

“Jesucristoqa manam Diospa Churinchu” niq runapa sonqonpiqa manam Dios Taytapas kanchu. “Jesucristoqa Diospa Churinmi” niqkunapa sonqonpim ichaqa Dios Taytapas kachkan.

2~Juan 1:9

Pantaruspa Jesucristopa yachachi-kuyninpi mana takyaq runapiqa Dios-qa manam kanchu. Jesucristopa yacha-chikuyninkunapi takyaq runapim ichaqa Dios Taytapas hinaspa Dios Churipas kachkan.