Juan 4:32 - CHUYA QELLQA La Biblia en Quechua de Ayacucho 2012

³² Jesusñataqmi nirqa: Ñoqapa mikunayqa kachkanñam, qamkunapa mana yachasqaykichik, nispan.

Quechua Ayacucho Bible 1987

³² Jesusñataqmi nirqa: —Ñoqapaqa kachkanñam mikunayqa qamkunapa mana yachasqaykichik —nispa.

Chuya Qellqa 1992

³² Jesusñataqmi nirqa: Ñoqapa mikunayqa kachkanñam, qamkunapa mana yachasqaykichik, nispan.

Juan 4:32 Iomraidhean Croise

Jobwan Sutichasqa Libro 23:12

Kamachisqantaqa mana qepanchaspam kasukurqani, rimarisqankunataqa mikunaymantapas aswanraqmi waqaycharqani.

Proverbios 14:10

Sonqoqa yachakunmi imakunam llakichisqantaqa, paypa kusikuyninwanqa manam kusikunmanchu sapaq runaqa.

Proverbios 18:20

Runaqa siminpa ruruntam mikunqa, siminmanta lloqsiqwanmi saksanqa.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Jeremías 15:16

Tukuy Atiyniyuq Dios Taytalláy rimapayawasqaykiman hinam palabraykita mikurqani. Chay palabraykikunaraykum sonqoypi anchallataña kusikurqani, ñoqaqa qampam kallani.

Juan 4:31

Chay-kamam discipulonkunañataq Jesusta ruegarqaku: Yachachikuq mikuykuy, nispanku.

Juan 4:33

Discipulonkunañataqmi tapuna-kurqaku: ¿Pitaq mikuyta aparamunman karqa? nispanku.

Juan 4:34

Jesusñataqmi nirqa: Ñoqapa mikunayqa pim kachamuwaqniypa munasqanta ruwaymi hinaspa llamkayninta tukuymi.

Hechos 20:35

Qamkunatapas yachachirqaykichikmi ñoqa hina llamkaspa wakchakunata yanapanaykichikpaq. Amayá qonqaychikchu Señor Jesucristopa nisqanta, paymi nirqa: “Chaskispa kusikuymantaqa, qospa kusikuymi aswan allinqa”, nispa.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.