Juan 4:23 - CHUYA QELLQA La Biblia en Quechua de Ayacucho 2012

²³ Ichaqa horam hamuchkanña, kunanmi ichaqa chayaramunña, cheqap yupaychaqkunaqa Taytatam Espiritupa yanapasqan hinaspa cheqappi yupaychanqaku. Taytaqa chayna yupaychaqninkunatam maskachkan yupaychanankupaq.

Quechua Ayacucho Bible 1987

²³ Ichaqa hamuchkanmi punchaw, ñam chayamuchkanña, cheqap yupaychaqkunaqa Dios Taytatam cheqap espiritupi yupaychanqaku. Paymi chaynata munan llapa yupaychaqninkuna rurananta.

Chuya Qellqa 1992

²³ Ichaqa horam hamuchkanña, kunanmi ichaqa chayaramunña, cheqap yupaychaqkunaqa Taytatam Espiritupa yanapasqan hinaspa cheqappi yupaychanqaku. Taytaqa chayna yupaychaqninkunatam maskachkan yupaychanankupaq.

Juan 4:23 Iomraidhean Croise

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Proverbios 15:8

Tayta Diosqa millakunmi mana allin runakunapa ofrendantaqa, allin ruwaq runakunapa mañakuynintam ichaqa kusikuywan chaskiykun.

Cantares 2:14

Mana qespiy atina orqokunapi pakakuq urpichalláy, qaqapa raqrankunapi qesachakuq urpichalláy, uyachaykitayá rikuykachiway, rimaychaykitayá uyariykachiway; ¡simichaykiqa miskillañam! ¡Uyachaykipas kuyayllapaqñam!

Isaías 10:20

Chay tiempopiqa, Israel castakunamanta puchuqkunapas, Jacobpa mirayninkunamanta lluptiqkunapas wichichiqninkupiqa manañam hapipakunqakuñachu, aswanqa Señorllapiñam hapipakunqaku, Israelpa Chuya Diosllanpiñam hapipakunqaku.

Isaías 29:13

Señormi nin: Kay runakunaqa hawa sonqollam asuykamuwanku, simillankumantam yupaychamuwanku, sonqonkum ichaqa ñoqamanta karupi kachkan. Paykunaqa runapa yachachisqanman hinallam yupaychawanku.

Isaías 43:21

Kay llaqtataqa kikiypaqmi unancharqani, chaynapi hatunchasqa kasqayta willakunankupaq.

Isaías 58:2

Paykunaqa sapa punchawsi maskawanku, munasqayman hinas kawsayta munanku, allin ruwaq nación hinaraqsi allin arreglota ruwanaypaq mañawanku, ñoqa Diosninkupa kamachikuyniykuna mana saqeruq hinaraqsi ñoqa Diosman asuykamuwayta munanku.

Jeremías 3:10

Chaywanpas mana kasukuq ñañan Judapas manam tukuy sonqonwanchu ñoqaman kutirikamuwarqa, aswanqa hawa sonqollam. Ñoqa Tayta Diosmi chaynata nini.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Ezequiel 22:30

Paykuna ukupim huk runata maskarqani, kay nacionpa rantinpi perqa hina sayaykuspa qayllaypi mañakuwaptin mana tuñirachinaypaq, ichaqa manam tarirqanichu.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Juan 12:23

Jesusmi nirqa: Ñam tiempoña runapa Churin hatunchasqa kananpaq.

Juan 16:2

Sinagogakunamantam qarqosunkichik, hamuchkanmi wañu-chisunaykichik punchawkuna, chayta ruwaspankum “Diostam servichkani”, ninqaku.

Juan 16:32

Ñam hora chayaramunña, sapakamam cheqerunkichik hinaspam sapallaytaña saqeruwankichik. Ichaqa manam sapallaychu kachkani, Taytaymi ñoqawanqa kachkan.

Juan 4:21

Jesusñataqmi nirqa: Warmi, cheqaptam niki, hamuchkanmi punchaw, kay moqopipas nitaq Jerusalenpipas Diostaqa manaña yu-paychanankupaq.

Juan 5:25

Cheqaptapunim nikichik, hamuchkanmi punchaw, ñam chayaramunña, wañuqkunam Diospa Churinpa qayakuyninta uyarinqaku, hinaspam uyariqninkunaqa kawsarimunqaku.

Juan 5:28

Amayá kaywanqa admirakuychikchu, chayamunqam punchaw panteonpi wañusqakuna paypa qayakuyninta uyarinankupaq.

Romanos 1:9

Churin Jesucristomanta allin noticiata tukuy sonqoywan willakuspay servisqay Diosmi yachan qamkunapaq tukuy tiempo mana qonqaspay mañakusqayta.

Romanos 8:15

Qam-kunaqa manam esclavo kanaykichikpaq espiritutachu chaskirqankichik huktawan manchakuypi kanaykichikpaqqa, aswanqa Diospa churinña kanaykichikpaq Espiritutam chaskirqankichik, chayraykum Diostapas: “Abba Padre” nispa ninchik.

Romanos 8:26

Pisi kallpayuq kaptinchikmi Chuya Espíritu yanapawanchik. Manam imayna mañakuytapas yachanchikchu, ichaqa Chuya Espiritum Diosta mañapuwanchik runapa mana rimay atisqan rimaykunawan.

Gálatas 4:6

Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik “Abba Padre”, nispa.

Efesios 6:18

Chuya Espiritupa yanapakuyninwanyá Diosta mañakuychik tukuy tiempo hinaspa rikchan-rikchanlla kaychik, ama hukmanyaspa llapallan iñiqkunapaqpas Diosta mañapuychik,

Filipenses 3:3

Cheqap señalasqakunaqa ñoqanchikmi kanchik, Espiritunpa yanapasqanmi Diosninchikta yupaychanchik, hinaspam Jesucristopi iñispa salvasqa kasqanchikwan alabakunchik, aychapi señalachikuyman mana hapipakuspa.

Josué 24:14

Chaynaqa, Tayta Diosta kasukus-payá cheqap sonqowan payta serviy-chik. Eufrates mayupa waklaw chim-panpi chaynataq Egipto nacionpi kachkaspanku ñawpaq taytaykichikkunapa yupaychasqanku idolokunatayá qamkunamanta wischuychik, hinaspayá Tayta Diosllata serviychik.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

1~Samuel 12:24

Kayllatam nikichik: Tayta Diosllata cheqaptapuni tukuy sonqowan serviychik. Amayá qonqaruychikchu qamkunapaq imapas tukuy allinkuna ruwasqantaqa.