Juan 4:21 - CHUYA QELLQA La Biblia en Quechua de Ayacucho 2012

²¹ Jesusñataqmi nirqa: Warmi, cheqaptam niki, hamuchkanmi punchaw, kay moqopipas nitaq Jerusalenpipas Diostaqa manaña yu-paychanankupaq.

Quechua Ayacucho Bible 1987

²¹ Hinaptinmi Jesus nirqa: —Creeway mamáy, hamuq punchawpiqa Dios Taytataqa yupaychankichik manam kay moqopichu nitaq Jerusalenpichu.

Chuya Qellqa 1992

²¹ Jesusñataqmi nirqa: Warmi, cheqaptam niki, hamuchkanmi punchaw, kay moqopipas nitaq Jerusalenpipas Diostaqa manaña yupaychanankupaq.

Juan 4:21 Iomraidhean Croise

Isaías 66:1

Tayta Diosmi kaynata nin: Hanaq pachaqa tiyanay tronoymi, kay pachañataqmi sarupakunay. ¿Maypitaq wasita ruwapuwankichikman? ¿Maypitaq samarinaypaq allichapuwankichikman?

Ezequiel 14:3

Runapa churin, kay runakunaqa tukuy sonqonkumantam idolokuna yupaychayman qokurunku, huchallichiqninkupim hapipakurunku. ¿Chaychum tapuwanankutaraq saqeyman?

Ezequiel 20:3

Runapa churin, Israelpa ancianonkunaman ñoqa Tayta Diospa nisqayta kaynata niy: ¿Tapukuwaqniyraqchum hamuchkankichik? Ñoqa Tayta Diosmi kikiyrayku jurani, tapukuynikichiktaqa manam contestasqaykichikchu, nispayki.

Malaquías 1:11

Ñoqataqa intipa qespimunan lawmanta qallaykuspa intipa seqaykunan lawkamam lliw nacionkuna hatunchawanku, yupaychawanankupaqpas tukuy hinastinpim inciensokunatawan suma-sumaq ofrendakunata kañapuwanku. Llapallan nacionkunapim sutiyqa hatunchasqa. Tukuy Atiyniyuq Tayta Diosmi chay-nata nin.

Mateo 18:20

Maypipas iskayllapas otaq kimsallapas ñoqapa sutiypi huñunakuptinkuqa, paykunapa chawpinpim ñoqapas kachkani, nispan.

Mateo 28:19

Chaynaqa, llapallan nacionkunaman riychik, hinaspayá discipulokunata hatarichimuspa, Taytapa, Churipa, Chuya Espiritupa sutinpi bautizamuychik.

Lucas 21:24

Wakinmi espadawan wañuchisqa kanqaku, wakinñataqmi huklaw nacionkunaman preso apasqa kanqaku. Jerusalén llaqtapas Diosta mana reqsiqkunapa sarupasqanmi kanqa, chaynaqa kanqa Diosta mana reqsiqkunapa munaychakunan tiempo tukunankamam.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 16:2

Sinagogakunamantam qarqosunkichik, hamuchkanmi wañu-chisunaykichik punchawkuna, chayta ruwaspankum “Diostam servichkani”, ninqaku.

Juan 16:32

Ñam hora chayaramunña, sapakamam cheqerunkichik hinaspam sapallaytaña saqeruwankichik. Ichaqa manam sapallaychu kachkani, Taytaymi ñoqawanqa kachkan.

Juan 4:23

Ichaqa horam hamuchkanña, kunanmi ichaqa chayaramunña, cheqap yupaychaqkunaqa Taytatam Espiritupa yanapasqan hinaspa cheqappi yupaychanqaku. Taytaqa chayna yupaychaqninkunatam maskachkan yupaychanankupaq.

Juan 5:25

Cheqaptapunim nikichik, hamuchkanmi punchaw, ñam chayaramunña, wañuqkunam Diospa Churinpa qayakuyninta uyarinqaku, hinaspam uyariqninkunaqa kawsarimunqaku.

Juan 5:28

Amayá kaywanqa admirakuychikchu, chayamunqam punchaw panteonpi wañusqakuna paypa qayakuyninta uyarinankupaq.

Hechos 6:14

Paymi nirqa: “Nazaretmanta kaq Jesusmi templota tuñichispan Moisespa kamachiwasqanchik costumbrenchikkunata tikranqa”, nispan.

Efesios 2:18

Chaynaqa, Cristontakamallam judío kaspapas mana judío kaspapas kikin Espiritupa yanapakuyninwan Dios Taytaman asuy-kunchik.

Efesios 3:14

Chayraykum qonqorakuykuspay Dios Taytanchikta mañakuchkani.

1~Timoteo 2:8

Ñoqam munachkani tukuy hinastinpi kaq runakuna makinkuta hoqaris-panku Diosta chuya sonqolla mañaku-nankuta, chaytaqa ruwachunku ama piñakuspa hinaspa ama atipanakuspa.

1~Pedro 1:17

Sichum “Taytáy” ninkichik pimanpas mana sayapakuspa runakunapa ruwayninman hina juzgaq Diosta, hinaspaqa tukuy tiempo kasukuspayá huklaw llaqtayuq hina kawsaychik.

Apocalipsis 21:22

Chay llaqtapiqa manam ima templotapas rikurqanichu, chay llaqtapa templonqa kasqa Tukuy Atiyniyuq Señor Dioswan, Corderollam.