Juan 4:14 - CHUYA QELLQA La Biblia en Quechua de Ayacucho 2012

¹⁴ Ñoqapa yaku qosqay tomaqmi ichaqa manaña haykapipas yakunayachikunqachu. Chay yaku qosqayqa runapim pukyu hina rikurirunqa, chay pukyum toqyamuspan wiñay kawsayta qonqa, nispa.

Quechua Ayacucho Bible 1987

¹⁴ Ñoqapa yaku qosqay tomaqmi ichaqa haykapipas mana yakunayachikunqachu. Chay yaku qosqayqa toqyaq yaku hinam rikurinqa runapa ukunpi hinaspam qonqa wiñay kawsayta —nispa.

Chuya Qellqa 1992

¹⁴ Ñoqapa yaku qosqay tomaqmi ichaqa manaña haykapipas yakunayachikunqachu. Chay yaku qosqayqa runapim pukyu hina rikurirunqa, chay pukyum toqyamuspan wiñay kawsayta qonqa, nispa.

Juan 4:14 Iomraidhean Croise

Isaías 49:10

Manam yarqachikunqakuchu, nitaqmi yakunayachikunqakuchu, intipa rupayninpas manam ñakarichinqachu; kuyapayaspaymi paykunata pusasaq, pukyumanta lloqsiq yakupa kasqanmanmi pusasaq.

Isaías 55:1

Llapallan yakunayasqakuna, yaku tomaq hamuychik; mana qollqeyuqkuna, mikunaykichikpaq trigota mana imallapaq apakuychik, vinotawan lecheta mana qollqellapaq apakuychik.

Isaías 58:11

Ñoqa Tayta Diosmi sapa punchaw pusasqayki, mana imapa kananpim saksasqata uywasqayki, cuerpoykitam kallpanchasqayki, parqosqa huerta hinam kanki, mana chakiq pukyu hinam kanki.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Jeremías 31:25

Pisipasqakunamanwan mana kallpayuqkunamanmi mikuykachispay achkanpi tomaykachisaq, nispa.

Ezequiel 47:9

Maymanpas kay mayupa chayasqanpiqa tukuy rikchaq animalkunawan challwakunam kawsanqa. Kay mayupa yakunkunam qatqe yakukunatapas miskiyachinqa, hinaptinmi tukuy rikchaq animalkunaña kawsanqa.

Levítico 11:36

Yaku tomananku pukyuman otaq pozoman wichiykuptinmi ichaqa, chay yakuqa hinalla tomanapaq kanqa; chay animalkuna wañuptin llapchaqmi ichaqa tutaykunankama millakuypaq kanqa.

Mateo 25:46

Paykunam wiña-wiñaypaq castigoman rinqaku, allin ruwaqkunañataqmi wiña-wiñay kawsakuyman rinqaku, nispan.

Mateo 5:6

Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Juan 10:10

Suwaqa hamun suwakuqmi, wañuchiqmi hinaspa purmachiqmi. Ñoqam ichaqa hamurqani kawsanaykichikpaq hinaspa kawsaypa huntasqan kanaykichikpaq.

Juan 11:26

Pipas kawsachkaspallanraq ñoqaman iñiqqa manam wiñaypaqchu wañunqa. ¿Marta creenkichu kayta? nispa.

Juan 4:10

Chaymi payta Jesús nirqa: Sichum yachawaq Diospa kuyakuyninta chaynataq yaku mañakusuqniki pim kasqanta, hinaspaqa paytachá mañakuwaq, hinaptinqa kawsachikuq yakutam qoykusunkiman, nispa.

Juan 4:11

Hinaptinmi chay warmiñataq nirqa: Señor, manataq yaku hurqonaykipaqqa imaykipas kanchu, kay pozoqa ukusum kachkan. ¿Maymantataq chay kawsachikuq yakutaqa qowankiman?

Juan 4:13

Chaymi Jesusñataq contestarqa: Pipas kay yaku tomaqqa musoqmantam yakunayachikunqa.

Juan 4:36

Cosechapi llamkapakuqqa pagontam chaskin, cosecha huñusqanñataqmi wiñay kawsaypaq, chaynapi tarpuqpas hinaspa cosechaqpas kuskanku kusikunankupaq.

Juan 6:27

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

Juan 6:35

Chaymi Jesusñataq nirqa: Ñoqam kani kawsay qokuq tanta, pipas ñoqaman hamuqqa manam hay-kapipas yarqachikunqachu, pipas ñoqa-pi iñiqqa manataqmi haykapipas yakuna-yachikunqachu.

Juan 6:58

Kaymi hanaq pachamanta hamuq tantaqa. Ñawpaq taytaykichikkunaqa “maná” sutiyuq mikuyta mikuchkaspankupas wañurqakum, pipas kay tantamanta mikuqmi ichaqa wiñaypaq kawsanqa, nispa.

Juan 7:37

Fiestapa tukupaynin punchawqa hatun punchawmi karqa. Chaypim Jesús sayaykuspan kaynata qaparirqa: Pipas yakunayachikuqqa ñoqaman hamuspa tomachun.

Romanos 5:21

Imaynam huchaqa wañuyta aparamuspan munaychakurqa, chaynam Diospa kuyakuyninpas mana huchayuqtaña ruwawaspanchik munaychakurqa, Jesucristontakama wiñay kawsakuyta qowaspanchik.

Romanos 6:23

Huchapa pagonqa wañuymi, Diospa qowasqanchikmi ichaqa Señor-ninchik Jesucristowan kuska wiñaypaq kawsakuy.

2~Corintios 1:22

Paytaqmi sellowan marcawarqanchik hinaspa Chuya Espiritutapas sonqonchikman garantiata hina qoykuwarqanchik.

Efesios 4:30

Amayá Diospa Chuya Espirituntaqa llakichiychikchu. Paywanmi sellowan hina sellasurqankichik, chaynapi hamuq punchawpi librasunaykichikpaq.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

Apocalipsis 7:16

Paykunaqa manañam yar-qaymantapas, yakumantapas kanqakuñachu, nitaqmi intipas nitaq ima rupaypas rupanqañachu.

Apocalipsis 7:17

Diospa trononpa chawpinpi kaq Corderom paykunataqa michinqa hinaspam kawsay qokuq yakukunapa kasqanman pusanqa. Waqasqanku weqenkutapas Diosñam pichanqa, nispa.