Juan 3:35 - CHUYA QELLQA La Biblia en Quechua de Ayacucho 2012

³⁵ Taytaqa Churinta kuyaspanmi tukuy imatapas makinman churaykun.

Quechua Ayacucho Bible 1987

³⁵ Taytaqa Churinta kuyaspanmi tukuy imata qorqa payña kamachikunanpaq.

Chuya Qellqa 1992

³⁵ Taytaqa Churinta kuyaspanmi tukuy imatapas makinman churaykun.

Juan 3:35 Iomraidhean Croise

Génesis 41:44

Faraonqa nirqataqmi: Ñoqa rey kachkaptiypas Egipto nacionpi runakunaqa qam kamachiptillaykim tukuy imatapas ruwanqaku, nispa.

Génesis 41:55

Chaymantam Egipto nacionpipas muchuy qallaykurqa. Hinaptinmi llapa runakuna rey Faraonta mikuyta mañakurqaku. Chaymi Faraonñataq nirqa: Joseyman rispa imam nisusqaykichikta ruwamuychik, nispa.

Proverbios 8:30

Dioswan kuskam chaykunata takyachirqani, sapa punchawmi paypa kusikuynin karqani, tukuy tiempom ñoqapas paywan kusikurqani.

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Daniel 7:14

Chaymi payman atiyta, ancha reqsisqa kayta, munaychakuyta qoykurqaku; chaynapi llaqtakuna, nacionkuna, rikchaqmana rimayniyuqkuna payta servinankupaq. Paypa munaychakuyninqa wiña-wiñaypaq mana tukuqmi, kamachikuyninpas mana haykapipas chinkaqmi.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Mateo 3:17

Hinaptinmi hanaq pachamanta huk rimariy uyarikurqa: “Paymi kuyasqay Churiy, payraykum kusisqa kachkani”, nispa.

Lucas 10:22

Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

Juan 13:3

Jesusqa yacharqam tukuy imatapas Taytan payman qoykusqanta, yacharqataqmi paymanta hamuspa payman kasqallan kutinantapas.

Juan 15:9

Imaynam Taytaypas ñoqata kuyawan chaynam ñoqapas qamkunata kuyaykichik, kuyakuyniypiyá takyaychik.

Juan 17:2

Qanmi atiyta qowarqanki llapallan runapi munaychakunaypaq, chaynapi qowasqayki llapallan runakunaman wiñay kawsayta qonaypaq.

Juan 17:23

Ñoqam paykunapi kachkani, qamñataqmi ñoqapi, chaynapi paykunaqa hukllaña ka-nankupaq, chaynapim runakuna yachan-qaku qampuni kachamuwasqaykita, yachanqakutaqmi kuyawasqaykita hina paykuna kuyasqaykitapas.

Juan 17:26

Yachachirqanim pim kasqaykita, chaywanpas hinallaraqmi yachachisaq, chaynapi kuyawasqaykiman hina paykunapas kuyanakunankupaq chaynataq ñoqapas paykunapi kanaypaq, nispa.

Juan 5:20

Taytaqa Churitam kuyan, hinaspam tukuy ima ruwasqanta qawachin; kaykunamantapas aswan hatun kaqkunataraqmi qawachinqa, chaynapi qamkuna admirakunaykichikpaq.

Juan 5:22

Taytaqa manam pitapas juzganchu, aswanqa Churinmanmi juzgananpaq tukuy atiyta qoykurqa,

1~Corintios 15:27

Diosmi tukuy imata Cristowan saruchirqa. Chuya Qellqapim kaynata nin: Paytaqa tukuy imapa hawapim churaykurqa, nispa. “Tukuy imata” nispaqa manam Diospipas munaychakunqam nichkanchu, aswanqa Diosmi Cristowan tukuy imata saruchin.

Efesios 1:22

Tukuy imatapas Cristowanmi saruchirqa. Hina Cristotam llapallan iglesiakunapa uman kananpaqpas churaykun.

Hebreos 1:2

Kay tukupay punchawkunapiñataqmi Chu-rintakamaña rimapayawarqanchik. Pay-tam Dios churarqa tukuy ima herencia chaskiq kananpaq. Paywantaqmi hanaq pachatawan kay pachatapas unancharqa.

1~Pedro 3:22

Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.