Juan 3:2 - CHUYA QELLQA La Biblia en Quechua de Ayacucho 2012

² Paymi tutallan hamuspan Jesusta nirqa: Yachachikuq, yachanikum yachachiwanaykikupaq Dios kachamususqaykita, milagrokunataqa manam pipas qam hinaqa ruwayta atinmanchu, sichum mana paywan Dios kaptinqa, nispa.

Quechua Ayacucho Bible 1987

² Paymi tutallan Jesusman nirqa: —Yachachikuq, yachanikum yachachiwanaykikupaq Dios kachamususqaykita, manam pipas atinmanchu qam hina kay *f**milagrokuna ruraytaqa Dios paywan mana kaptinqa —nispa.

Chuya Qellqa 1992

² Paymi tutallan hamuspan Jesusta nirqa: Yachachikuq, yachanikum yachachiwanaykikupaq Dios kachamususqaykita, milagrokunataqa manam pipas qam hinaqa ruwayta atinmanchu, sichum mana paywan Dios kaptinqa, nispa.

Juan 3:2 Iomraidhean Croise

1~Reyes 17:24

Viudañataqmi nirqa: Kunanmi yachaykuni qamqa Diospa runan kasqaykita chaynataq Tayta Diospa palabran rimasqaykipas cheqap kasqanta, nispa.

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Jeremías 38:16

Chaymi rey Sedequiasqa pakasqallapi juraspan Jeremiasta kaynata nirqa: Kawsachiwaqninchik Tayta Diosraykum jurani: Manam wañuchisqaykichu nitaqmi wañuchiy munasuqniki runakunamanpas qosqaykichu, nispa.

Mateo 22:16

Hinaspam paykunamanta kaq fari-seokunatawan Herodespa qatiqninkunata kacharqaku Jesusta kaynata nimunankupaq: Yachachikuq, qamqa cheqap rimaq kasqaykitam yachaniku, yachanikutaqmi runakunapa rimasqanwan mana apachikuspa Diospa munasqanman hina cheqap kawsakuyta yachachisqaykitapas, qamqa manam runakunapa hawallantachu qawanki.

Mateo 23:7

Plazakunapipas hatun respetowan rimaykuspa “ya-chachikuq” ninankutaraqmi munanku.

Mateo 23:8

Qamkunaqa amayá “yachachikuq” nispaqa sutichachikuychikchu. Qamkunaqa wawqentin hinallam kankichik, hukllataqmi Yachachiqnikichikpas.

Marcos 12:14

Chaymi hamuruspanku Jesusta nirqaku: Yachachikuq, yachanikum qamqa cheqap rimaq kasqaykita, qamqa manam pimanpas sayapakunkichu, nitaqmi runatapas hawallantachu qawanki, aswanqa cheqap kaqwanmi Diospa ñanninmanta yachachinki. ¿Allinchu rey Cesarman impuesto pagay icha manachu? ¿Pagasaqkuchu icha manachu? nispanku.

Juan 1:38

Jesusñataqmi muyuriykuspan, paykuna qatimusqanta qawarispan kaynata nirqa: ¿Imatataq maskachkankichik? nispa. Paykunañataqmi nirqaku: Yachachikuq, ¿maypitaq yachanki? nispanku.

Juan 10:38

sichum ruwaptiyqa manaña ñoqapi creespaykichikpas ruwasqaykunapiyá creeychik, chaynapim Taytawanqa huklla kasqayta yachankichik.

Juan 12:37

Achkallaña milagrokunata ruwach-kaptinpas Jesuspiqa manam creerqakuchu.

Juan 14:10

¿Manachu creenki Taytaywanqa huklla kasqayta? Imatapas nikichikqa manam kikillaymantachu, ñoqawan kaq Taytam kikinpa ruwanantaqa ruwan.

Juan 15:24

Sichum paykuna ukupi mana pipapas ruwas-qanta mana ruwaptiyqa manam huchayuqchu kanmanku karqa, ichaqa chay ruwasqaykunata rikuchkaspankupas cheqniwankuraqmi, cheqninkutaqmi Taytaytapas.

Juan 2:11

Kay punta kaq milagrotam Jesús ruwarqa Galilea law Caná llaqtapi. Chaywanmi atiyninta qawachikurqa, hinaptinmi discipulonkuna paypi creerqaku.

Juan 20:16

Jesusñataqmi nirqa: ¡María! nispa. Payñataqmi muyuriykuspan hebreo rimaypi nirqa: ¡Raboni! nispa. Chayqa “yachachikuq” ninanmi.

Juan 3:26

Chaymi Juanman rispa nirqaku: Yachachikuq, Jordán mayupa wak-lawninpi qanwan kaq runapas bautizachkanmi, hinaptinmi llapa runakuna payman richkanku. Paymantaqa allintam willakurqanki, nispanku.

Juan 4:31

Chay-kamam discipulonkunañataq Jesusta ruegarqaku: Yachachikuq mikuykuy, nispanku.

Juan 5:36

Ichaqa Juanpa willakusqanmantapas aswan valorniyuq testigoyqa, ruwanaypaq Tay-tapa kamachimuwasqan kaqkuna ruwas-qaymi, chaykunam Taytapa kachamuwasqanmantaqa willakunku.

Juan 6:2

Chaymi achkallaña runakuna qatirqaku, onqoqkuna sanoyachisqanta qawasqankurayku.

Juan 7:31

Chaywanpas achka runa-kunam paypi iñirqaku, hinaspam nirqaku: ¿Yaqachu Cristo hamuspan paymanta aswan milagrokunataraq ruwanman? nispanku.

Juan 9:16

Chaymi wakiqnin fariseokuna nirqaku: Chay sanoyachisuqniki runaqa manam Diosmanta hamuqchu, payqa samana punchawtapas manam respetanchu, nispanku. Wakinñataqmi nirqaku: ¿Imaynataq huchasapa runaqa kayna milagrokunataqa ruwanman? nispanku. Chaynapim kikinkupura atipanakuspanku mana acuerdochu karqaku.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 2:22

Israelpa mirayninkuna, uyariwaychik: Yachasqaykichikpi hinapas, Diosmi qamkuna ukupi Nazaretmanta kaq Jesuspa atiyninta qawachirqa, paynintakama admirakuypaq milagrokunata hinaspa señalkunata ruwaspan.

Filipenses 1:14

Achkaq wawqe-panikunam preso kasqayta qawaspanku kallpanchakurqaku, mana manchakuspa Señorpi hapipakuspanku aswanraq Diospa palabranta willakunankupaq.

Jueces 6:27

Gedeonmi chunka criadonkunawan Tayta Diospa kamachisqanta ruwarqa, ichaqa taytanpa ayllunkunatawan llaqtapi runakunata manchakusqanraykum tutallan ruwarqa.