Juan 21:7 - CHUYA QELLQA La Biblia en Quechua de Ayacucho 2012

⁷ Jesuspa kuyasqan discipulonñataqmi Pedroman nirqa: Payqa Señormi, nispa. Simón Pedroñataqmi Señor kasqanta yacharuspan mana pachayuq kasqanrayku pachakuykuspan yakuman pawakuykurqa.

Quechua Ayacucho Bible 1987

⁷ Jesuspa kuyasqan discipulonñataqmi Pedroman nirqa: —Payqa Señormi —nispa. Simon Pedroñataqmi Señor kasqanta yacharuspan mana pachayoq kasqanrayku huknin pachanta hinakuykuspan yakuman pawakaykamurqa.

Chuya Qellqa 1992

⁷ Jesuspa kuyasqan discipulonñataqmi Pedroman nirqa: Payqa Señormi, nispa. Simón Pedroñataqmi Señor kasqanta yacharuspan mana pachayuq kasqanrayku pachakuykuspan yakuman pawakuykurqa.

Juan 21:7 Iomraidhean Croise

Cantares 8:7

Maynaña achka yakupas manam kuyakuytaqa wañuchinmanchu, mayukunapas manam kuyakuytaqa chinkachinmanchu. Sichum pipas tukuy kapuqninwan kuyakuyta rantiy munaqqa, runakunapa llumpay asipayasqancha kanman.

Marcos 11:3

Sichum pipas: “¿Imapaqtaq paskachkankichik?” nispa tapusuptikichikqa kaynatam ninkichik: “Señormi necesitachkan, chayllam kutichipamusunki”, nispaykichik.

Lucas 12:35

Qamkunaqa weqawnikichikta allinta wataspa chaynataq mecheroykichiktapas ratachispa listolla kaychik.

Lucas 2:11

Salvaqnikichikmi “Davidpa Llaqtanpi” nacerapusunkichik, payqa Cristom hi-naspa Señormi.

Lucas 7:47

Chayraykum niki, achka-achka huchankunam pampachasqa, chayraykum payqa llumpayta kuyawan. Pipas pisilla huchanmanta pampachasqam ichaqa pisillatataq kuyakunpas, nispa.

Juan 13:23

Huknin discipulonmi karqa Jesuspa llumpay kuyasqan, paymi waqtanpi kachkarqa.

Juan 19:26

Jesusmi mamantawan kuyasqan discipulonta rikuruspan mamanta nirqa: Warmi, chayqaya wawayki, nispa.

Juan 20:2

Chaymi kallparqa Simón Pedropa kasqanman hinaspa Jesuspa kuyasqan discipulonpa kasqanman, paykunatam nirqa: Señortam sepulturanmanta aparusqaku, manam yachanikuchu mayman churasqankutapas, nispa.

Juan 20:20

Chaynata niykuspanmi makinkunatawan waqtanta qawachikurqa, paykunañataqmi Señorta qawaykuspanku kusikurqaku.

Juan 20:28

Tomasñataqmi nirqa: ¡Señorlláy, Diosnilláy! nispa.

Juan 21:20

Pedrom qepanta qawarispan rikururqa Jesuspa kuyasqan discipulon qatimuchkaqta. Paymi Pascuapi cenaptinku waqtanpi kaspa tapurqa: “Señorlláy, ¿mayqantaq traicionasunki?” nispa.

Juan 21:24

Hina kay discipulonmi kaykunata willakuchkan hinaspam qellqachkan. Chaymi yachanchik tukuy nisqanqa cheqap kasqanta.

Juan 21:8

Wakiqnin discipulonkunañataqmi barcawan yakupa patanman chayamurqaku challwata mallapi aysamuspanku, yakupa patanmanqa karqa yaqa huk cuadrallañam.

Hechos 10:36

Diosmi Israelpa mirayninkunaman allin noticiata willa-chirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

Hechos 2:36

Israelpa llapallan mirayninkuna, yachaychikyá, qamkunapa chakatarusqaykichik Jesustam Cristo hinaspa Señor kananpaq Dios churaykun, nispa.

1~Corintios 15:47

Punta kaq runaqa kay pachamantam karqa allpamanta ruwasqa, qepa kaq runam ichaqa hanaq pachamanta hamurqa, payqa Señormi.

2~Corintios 5:14

Cristopa kuyakuyninmi ñoqanchikpi munaychakun, llapallanchikpa rantinchikpi Cristopa wañusqanta yachaspaqa, yachanchiktaqmi wañusqa hinaña kasqanchikta.

Santiago 2:1

Kuyasqay wawqe-panillaykuna, atiyniyuq Señorninchik Jesucristopi iñiq kaspaykichikqa amayá pimanpas sayapakuychikchu.