Juan 21:25 - CHUYA QELLQA La Biblia en Quechua de Ayacucho 2012

²⁵ Achkallañam kachkan Jesuspa tukuy ima ruwasqankunaqa, sichum sapakamamanta qellqaptinkuqa pien-sasqayman hinaqa manachá kay pacha-pas haypanmanchu llapa libro waqay-chanapaqqa.

Quechua Ayacucho Bible 1987

²⁵ Achkallañam kachkan Jesuspa tukuy ima rurasqankunaqa, sichu sapakamamanta qellqaptinkuqa piensasqayman hinaqa manachá kay pachapas haypanmanchu llapa libro churanapaq.

Chuya Qellqa 1992

²⁵ Achkallañam kachkan Jesuspa tukuy ima ruwasqankunaqa, sichum sapakamamanta qellqaptinkuqa piensasqayman hinaqa manachá kay pachapas haypanmanchu llapa libro waqaychanapaqqa.

Juan 21:25 Iomraidhean Croise

Jobwan Sutichasqa Libro 26:14

Kaykunaqa ruwasqankunapa wakillanmi, kay uyarisqanchikqa upallalla rimarisqapa aschallanmi, hinaptinqa, ¿atiyninpa qapariynintaqa pitaq entiendenman? nispa.

Eclesiastés 12:12

Chaynaqa, churilláy, kay yachachikuykunatayá chaskikuy. Libro-kuna qellqayqa manam haykapipas tukunmankuchu, llumpay estudiaypas cuerpotam pisipachin.

Amós 7:10

Hinaptinmi Bet-elpi kaq sacerdote Amasías, Israelpa reynin Jeroboamman willachimurqa kaynata: Amosmi contraykipi hatarirun. Israelpi runakunaqa manam tukuy ima rimasqanta aguantayta atinmankuchu.

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Mateo 19:24

Apu runa Diospa munaychakuyninman yaykunanmantaqa came-lloraqcha yaqapas agujapa rinrinta usturunman, nispa.

Marcos 5:16

Demoniopa huntasqan runatawan kuchikunata imam pasarusqanta rikuqkunañataqmi llapa runakunaman willarurqaku.

Hechos 10:38

hinaspa imaynam Nazaretmanta kaq Jesucristota Chuya Espiritupa atiyninwan Dios huntaykusqantaqa; paymi purirqa allinkunata ruwastin chaynataq Satanaspa ñakarichisqan runakunata sanoyachistin, tukuy chaykunataqa ruwarqa paywan Dios kasqanraykum.

Hechos 20:35

Qamkunatapas yachachirqaykichikmi ñoqa hina llamkaspa wakchakunata yanapanaykichikpaq. Amayá qonqaychikchu Señor Jesucristopa nisqanta, paymi nirqa: “Chaskispa kusikuymantaqa, qospa kusikuymi aswan allinqa”, nispa.

Hebreos 11:32

¿Imatawanraqtaq niyman? Tiempo-pas manam haypawanmanchu, Gedeon-manta, Baracmanta, Sansonmanta, Jeftey-manta, Davidmanta, Samuelmanta chay-nataq profetakunamantapas rimaptiyqa.