Juan 21:17 - CHUYA QELLQA La Biblia en Quechua de Ayacucho 2012

¹⁷ Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Quechua Ayacucho Bible 1987

¹⁷ Kimsakamaña tapuspanmi nirqa: —Juanpa churin Simon ¿kuyawankichum? —nispa. Pedroñataqmi llakikururqa kimsa kutikamaña “Kuyawankichu” nispa tapuptin, chaymi nirqa: —Señor, qamqa tukuy imatam yachanki, yachankim kuyasqaytapas. Chaymi Jesus nirqa: —Chaynaqa ovejaykunatayá michiy.

Chuya Qellqa 1992

¹⁷ Kimsakamaña tapuspanmi nirqa: Juanpa churin Simón ¿kuyawankichum? nispa. Pedroñataqmi llakikururqa kimsa kutikamaña “Kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Juan 21:17 Iomraidhean Croise

2~Samuel 7:20

Dios Taytalláy, ¿imatawanraqtaq nikiman? Kay serviqnikitaqa qanmi reqsiwanki.

1~Reyes 17:18

Chaymi Eliasta viuda nirqa: Diospa runan ¿imatataq contraykipi ruwaruni? ¿Huchaykunata yuyarichiwaspa wawayta wañuchinaykipaqchu hamurqanki? nispa.

1~Crónicas 17:18

¿Imatawanraqtaq nikiman kay serviqnikita hatunchasqaykimanta? Kay serviqnikitaqa qanmi reqsiwanki.

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Jeremías 17:10

Ñoqa Tayta Diosllam runakunapa yuyaymanaynintawan sonqontaqa allinta reqsini; chaynapi imam ruwasqankuman hina sapakamaman pagapunaypaq.

Lamentaciones 3:33

Payqa manam munanchu runakuna llakichiytaqa, nitaqmi munanchu runakuna ñakarichiytapas.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Marcos 14:72

Chayllamanmi utuluqa iskay kutitakama waqaramurqa hinaptinmi Pedro yuyarirurqa Jesuspa kayna nisqanta. Paymi nirqa: “Manaraqpas iskay kutita utulu waqachkaptinmi kimsa kutikama negawanki”, nispa. Chayta yuyariruspanmi waqakuyta qallaykurqa.

Juan 12:8

Wakchakunaqa qamkunawanmi haykapikamapas kanqaku, ñoqam ichaqa mana tukuy tiempochu qamkunawan kasaq, nispa.

Juan 13:38

Jesusñataqmi nirqa: ¿Vidaykitachu ñoqapaq qonki? Cheqap-tapunim niki, manaraqpas utulu waqach-kaptinmi kimsa kutikama negawanki, nispa.

Juan 14:15

Kuyawaspaykichikqa kamachikuyniykunatayá kasukuychik.

Juan 15:10

Sichum kamachikuyniykunata kasukuspaqa kuyakuyniypiyá takyaychik, imaynam ñoqapas Taytaypa kamachikuyninkunata kasukuspay paypa kuyakuyninpi takyasqayta hina.

Juan 16:30

Kunanqa yachanikuñam tukuy ima yachaq kasqaykita, manam necesarioñachu pipapas tapusunaykiqa, chayraykum Diosmanta hamusqaykita creeniku, nispanku.

Juan 18:27

Chaymi huktawan Pedro negakurqa, hinaptinmi chaylla utulu waqaramurqa.

Juan 18:4

Jesusqa yacharqañam tukuy ima pasananta chaymi asuykuspa tapurqa: ¿Pitataq maskachkankichik? nispa.

Juan 21:18

Cheqaptapunim niki, mozoraq kaspaykiqa weqawnikita watakuykuspam munasqaykiman riq kanki, yuyaqña kaptikim ichaqa hukña watasunki rikraykita hoqariptiki hinaspam pusasunki mana riy munasqaykikunaman.

Juan 4:16

Hinaptinmi Jesusñataq nirqa: Rispayki qosaykita qayamuspa kuska hamuychik, nispa.

Hechos 1:24

Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Hechos 11:10

Chaynallam kimsakama pasakurqa, hinaptinmi chaykunaqa hanaq pachaman kaqlla hoqarikururqa.

Hechos 15:8

Llapa runakunapa sonqon reqsiq Diosmi paykunamanpas Chuya Espiritunta qorqa ñoqanchikman hina, chaynapim qawachiwarqanchik paykunatapas chaskisqanta.

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

Efesios 4:30

Amayá Diospa Chuya Espirituntaqa llakichiychikchu. Paywanmi sellowan hina sellasurqankichik, chaynapi hamuq punchawpi librasunaykichikpaq.

Josué 22:22

Dioskunapapas Diosnin Señorninchik Tayta Diosmi yachan, chaytaqa manam paypa contranpi hatarispaykuchu nitaqmi payta qepanchaspaykuchu ruwarqaniku. Paymi yachan, qamkunapas yachaychikyá, sichum chayrayku ruwaptiykuqa, lliwtayá kunan wañurachiwayku.

1~Pedro 1:6

Chayraykum qamkunaqa llumpay kusisqa kachkankichik pisi tiempollapas achka sasachakuykunata ñakarinay-chik kachkaptinpas.

2~Pedro 3:1

Kuyasqay wawqe-panillaykuna, kaywanqa iskay cartatañam apachimuykichik, kay cartakunawanmi allin tanteoyuq kanaykichikpaq kallpanchamuykichik.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.