Juan 20:17 - CHUYA QELLQA La Biblia en Quechua de Ayacucho 2012

¹⁷ Jesusmi nirqa: Amaraq hapiwaychu, manaraqmi Taytaymanqa riniraqchu. Willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

Quechua Ayacucho Bible 1987

¹⁷ Jesusmi nirqa: —Amaraq hapiwaychu, manaraqmi Taytaymanqa riniraqchu. willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

Chuya Qellqa 1992

¹⁷ Jesusmi nirqa: Amaraq hapiwaychu, manaraqmi Taytaymanqa riniraqchu. Willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

Juan 20:17 Iomraidhean Croise

2~Reyes 4:29

Chaymi criadon Giezita Eliseo nirqa: Chaylla alistakuspa tawnayta aparikuspa pasaypuni, ñanpi piwanpas tupaspaykiqa amam rimaykunkichu nitaqmi pipa rimaykususqaykitapas chaskinkichu, hinaspam tawnayta warmapa uyanman churaykunki, nispa.

2~Reyes 7:9

Chaymantam ninakurqaku: Kay ruwasqanchikqa manam allinchu. Kunanqa allin noticia willakuna kachkaptinmi ñoqanchikqa upallakuykunchik. Achikyanankama suyaspaqa castigasqam kachwanchik. Kunanpuni llaqtaman rispanchik reypa wasinman yaykuspa willakamusunchik, nispanku.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:38

Paykunam llaqtay kanqaku, ñoqañataqmi Diosninku kasaq.

Ezequiel 36:28

Ñawpaq taytaykichikkunaman qosqay allpapiña kawsaspam runaykunaña kankichik, ñoqañataqmi Diosnikichik kasaq.

Ezequiel 37:27

Chaynapim paykunawan yachaspa Diosninku kasaq, paykunañataqmi llaqtay kanqaku.

Mateo 12:50

Pipas, hanaq pachapi kaq Taytaypa munasqan ruwaqmi wawqeyqa, paniypas chaynataq mamaypas, nispa.

Mateo 25:40

Hinaptinmi Reyñataq ninqa: “Cheqaptapunim nikichik, pipas kay waw-qeykunamanta taksan kaqllapaqpas ruwaspaykichikqa ñoqapaqmi ruwarqankichik”, nispan.

Mateo 28:7

Hinaspayá utqayman rispa discipulonkunaman willamuychik: “Jesusqa kawsarirunmi, Galileamanmi ñawpachkan, chaypim tupankichik”, nispa. Chayllam niykunay karqa, nispan.

Marcos 12:26

Wañuqkuna kawsarimunanmantaqa, ¿manachu Moisespa libronpi leerqankichik, rupachkaq tankar kichkamanta Dios rimapayamuspan: “Ñoqaqa kani Abrahampa, Isaacpa hinaspa Jacobpa Diosninmi” nispa, nisqanta?

Marcos 16:19

Señor Jesusmi discipulonkunawan rimayta tukuruspan hanaq pachaman hoqarisqa karqa, hinaspanmi Diospa alleq lawninpi tiyaykurqa.

Lucas 10:4

Amayá apaychikchu qollqetapas, wayqatapas hinaspa mudana usutatapas; ñanpiqa amam pitapas rimaykunkichikchu.

Juan 13:1

Pascua fiestapa ñawpaqnintaraqmi Jesusqa yacharqaña kay pachamanta Taytanpa kasqanman kutinanta. Kay pachapi paypa kaqkunatam kuyarqa, tukupaykamam kuyarqa.

Juan 13:3

Jesusqa yacharqam tukuy imatapas Taytan payman qoykusqanta, yacharqataqmi paymanta hamuspa payman kasqallan kutinantapas.

Juan 14:2

Taytapa kasqanpiqa achkam yachanapaq kachkan, mana chayna kaptinqa nikichikmanchá karqa, rispaymi qamkunapaq maypi yachanaykichikpaq allichamusaq;

Juan 14:28

Ñam uyarirqankichikña: “Riruspaymi kasqallan kutimusaq qamkunawan kanaypaq nisqayta”. Cheqapta kuyawaspaykichikqa Taytaman risqaywanqa kusisqachá kawaqchik, ñoqamantaqa payqa mayormi.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 16:28

Taytapa kasqanmantam kay pachaman hamurqani, kunanñataqmi kay pachata saqespay Taytayman kutisaq, nispa.

Juan 17:11

Manañam kay pachapiñachu kasaq, paykunam ichaqa kay pachapiraq kanqaku, ñoqam ichaqa hamuchkaniña qanwan kuska kanaypaq. Chuya Taytáy, qowasqaykikunataqa atiynikiwanyá waqaychaykuy chaynapi ñoqanchik hina huklla kanankupaq.

Juan 17:25

Chuya Taytáy, kay pachapi kaq runakunaqa manam reqsisunkichu, ñoqam ichaqa reqsiki, qowasqayki runakunapas yachantaqmi qam kachamuwasqaykitaqa.

Juan 17:5

Taytáy, kunanyá ñawpaqnikipi hatunchaway, chayna hatunchasqam karqani manaraqpas kay pacha kachkaptin.

Juan 20:27

Hinaspam Tomasta nirqa: Dedoykita kayman hinay hinaspa makiyta qaway chaynataq waqtaymanpas makikita hinay. Amayá mana iñiyniyuqqa kaychu aswanqa iñiyniyuqyá kay, nispa.

Juan 7:33

Jesusñataqmi nirqa: Pisi tiempollañam qamkunawan kasaq, ñam kutikusaqña kachamuwaqniyman.

Romanos 8:29

Diosqa ñawpaqmantaraq reqsisqankunatam Churinman rikchakuqña kanankupaq akllaykurqa, chaynapi Churin Cristoqa llapallanchikpa piwi wawqenchik kananpaq.

2~Corintios 6:18

Ñoqam qamkunapaq Taytaykichik kasaq, qamkunañataqmi churiykuna kankichik. Tukuy Atiyniyuq Señormi chaynata nin”.

Gálatas 3:26

Jesucristoman iñikuspaqa llapallaykichikmi Diospa churinña kankichik.

Hebreos 11:16

Paykunaqa hanaq pachapi kaq allin llaqtatam anchallataña munarqaku, chayraykum Diospas paykunapa Diosnin kayta mana penqakunchu, paykunapaqmi huk llaqtata ruwarqa.

Hebreos 8:10

Chay punchawkuna pasaruptinmi Israel miraykunawan pactota ruwasaq. Ñoqa Señormi kaynata nini: Leyniykunatam yuyayninkuman churasaq, sonqonkupim qellqasaq, paykunapaqmi Diosninku kasaq, paykunañataqmi llaqtay kanqa.

1~Pedro 1:3

Señorninchik Jesucristopa Taytan Diostayá qapaqchasunchik, paymi hatun kuyapayakuyninman hina Jesucristopa kawsarimusqanwan musoqmanta nacechiwarqanchik. Chay confianzawan suyaspam kawsachkanchik.

1~Juan 3:2

Kuyasqay wawqe-panikuna, Diospa churinñam kan-chik, aswanqa manaraqmi yachanchikchu imaynam kananchikmantaqa. Yachanchikmi ichaqa Jesucristo rikurimuptin payman rikchakuq kananchikta, paytam rikuykusun imaynam kasqanman hina.

Apocalipsis 21:3

Hinaptinmi hanaq pachamanta kayna hatun qapariyta uyarirqani: Kunanqa Diospa tiyanan trononqa kaypiñam runakunawan kachkan. Paymi runankunawan yachanqa, paykunaqa llaqtanmi kanqa, Diosñataqmi paykunapa Diosnin kanqa.

Apocalipsis 21:7

Pipas venceqqa tukuy kaykunatam herenciapaq chaskinqa, ñoqam Diosnin kasaq, payñataqmi churiy kanqa.