Juan 2:4 - CHUYA QELLQA La Biblia en Quechua de Ayacucho 2012

⁴ Chaymi Jesusñataq nirqa: Warmi, ¿imanasqataq kayta niwanki? Manaraqmi horay chayamunraqchu, nispa.

Quechua Ayacucho Bible 1987

⁴ Chaymi Jesus nirqa: —Mamay ¿imanasqataq niwanki chaynataqa? Manaraqmi tiempoy chayamunraqchu —nispa.

Chuya Qellqa 1992

⁴ Chaymi Jesusñataq nirqa: Warmi ¿imanasqataq kayta niwanki? Manaraqmi horay chayamunraqchu, nispa.

Juan 2:4 Iomraidhean Croise

2~Samuel 16:10

Ichaqa Davidmi nirqa: Sarviapa wawankuna, ñakawasqanmanqa ama chapukuychikchu. Kikin Tayta Dioschá ñakawananpaq kamachimun. Tayta Dios kamachimuptinqa ¿pitaq upallay ninman? nispa.

2~Samuel 19:22

Chaymi David nirqa: Sarviapa wawankuna, manam kayqa qamkunapa sasachakuynikichikchu, ¿imanasqataq qamkunaqa contraypi rikurirunkichik? Kunanqa yachakunim Israel nacionpi rey kasqayta, chaynaqa, ¿yaqachum kunan punchaw Israel nacionpi pipas wañunman? nispa.

1~Reyes 17:18

Chaymi Eliasta viuda nirqa: Diospa runan ¿imatataq contraykipi ruwaruni? ¿Huchaykunata yuyarichiwaspa wawayta wañuchinaykipaqchu hamurqanki? nispa.

Eclesiastés 3:1

Kay pachapiqa imapas tiempoyuqllam, kay pachapiqa ima ruwaypas horayuqllam.

Mateo 15:28

Chaymi Jesús nirqa: ¡Yaw warmi, mayna hatunmi iñiynikiqa! Munasqaykiyá ruwasqa kachun, nispa. Hinaptinmi chaypunilla warmi wawan sanoyarurqa.

Mateo 8:29

Paykunam kaynata qaparirqaku: Diospa Churin Jesús, ¿imatataq ñoqay-kuwan munanki? ¿Manaraq tiemponpichu ñakarichiqniyku hamurunki? nispanku.

Lucas 2:49

Chaymi Jesusñataq nirqa: ¿Imanasqataq maskawarqankichik? ¿Manachu yacharqankichik Taytaypa kaqninkunapi kanayta? nispa.

Juan 12:23

Jesusmi nirqa: Ñam tiempoña runapa Churin hatunchasqa kananpaq.

Juan 13:1

Pascua fiestapa ñawpaqnintaraqmi Jesusqa yacharqaña kay pachamanta Taytanpa kasqanman kutinanta. Kay pachapi paypa kaqkunatam kuyarqa, tukupaykamam kuyarqa.

Juan 2:3

Vino pisiruptinmi Jesusta maman nirqa: Vinom pisirun, nispa.

Juan 20:13

Mariatam tapurqaku: Warmi, ¿imanasqataq waqachkanki? nispanku. Payñataqmi nirqa: Señorniytam aparusqaku chaymi mana yachanichu mayman churasqankutapas, nispa.

Juan 20:15

Jesusmi tapurqa: Warmi, ¿imanasqataq waqachkanki? ¿Pitataq maskachkanki? nispan. Mariañataqmi piensarqa huerta nanachikuq kasqanta, chaymi nirqa: Señor, qam aparuspaykiqa willaykuwayá maypim churaramusqaykitapas chaynapi rispay apakunaypaq, nispa.

Juan 7:30

Chaynakunata niptinmi presocharuyta munarqaku, ichaqa manaraq tiempon chayamusqanraykum mana presocharurqakuchu.

Juan 7:6

Chaymi Jesusñataq nirqa: Manaraqmi tiempoy chayamunraqchu, qamkunapaqmi ichaqa ima tiempopas allin.

Juan 7:8

Qamkunallayá fiestamanqa riychik, ñoqaqa manam risaqchu, manaraqmi tiempoy chayamunraqchu, nispa.

Juan 8:20

Jesusmi tukuy kaykunata rimarirqa templopi ofrenda churanankupa waqtanpi yachachispan; ichaqa manam pipas presocharqachu manaraq tiempon chayamusqanrayku.

2~Corintios 5:16

Kunanmantaqa manam pimantapas aychaman hinañachu piensaniku, ñawpaqtam ichaqa Cristomantapas aychaman hinalla piensarqaniku, kunanqa manañam chaynatachu piensaniku.

Deuteronomio 33:9

Paymi tayta-mamanmanta nirqa: “Manam haykapipas rikurqanichu”, nispa. Wawqenkumantañataqmi nirqa: “Manam reqsinichu”, nispa. Churinkunatapas manam reqsirqachu. Paykunaqa nisqaykitam kasukurqaku, pactoykitam ruwayman churarqaku.