Juan 2:24 - CHUYA QELLQA La Biblia en Quechua de Ayacucho 2012

²⁴ Jesusmi ichaqa runakunata allinta reqsisqanrayku, mana mayqanninkupipas confiakurqachu.

Quechua Ayacucho Bible 1987

²⁴ Ichaqa manam confiakurqachu runakunapiqa llapankuta reqsisqanrayku.

Chuya Qellqa 1992

²⁴ Jesusmi ichaqa runakunata allinta reqsisqanrayku, mana mayqanninkupipas confiakurqachu.

Juan 2:24 Iomraidhean Croise

1~Reyes 8:39

hanaq pachapi wasikimanta uyariykamuspa pampachaykuy. Hinaspayá sapakamaman imaynam kawsasqankuman hina pagaykapuy, qamllam llapa runapa son-qontaqa reqsinki.

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

1~Crónicas 29:17

Dios Taytalláy, yachanim runakunapa sonqonta qawasqaykita, sonqomanta ruwaqkunatam qamqa kuyanki, chayraykum allin sonqoywan tukuy kaykunata ofrecemuyki. Kunanmi huñunasqa llaqtaykita qawaykuni, tukuy sonqomanta kusikuywan ofrendanku qosusqaykita.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Mateo 9:4

Chayna piensasqankuta yachaspanmi Jesús nirqa: ¿Imanasqataq mana allinkunata piensankichik?

Marcos 2:8

Jesusñataqmi paykunapa yuyayma-nasqanta musyaruspan nirqa: ¿Imanasqataq chaynakunata yuyay-manachkankichik?

Juan 1:42

Hinaspanmi Andresqa wawqen Simonta Jesuspa kasqanman pusarqa. Jesusñataqmi Simonta rikuykuspan nirqa: Qamqa Juanpa churin Simonmi kanki, kunanmantaqa Cefasñam sutiki kanqa, nispa. (Cefasqa Pedro ninanmi)

Juan 16:30

Kunanqa yachanikuñam tukuy ima yachaq kasqaykita, manam necesarioñachu pipapas tapusunaykiqa, chayraykum Diosmanta hamusqaykita creeniku, nispanku.

Juan 21:17

Kimsakamaña tapuspanmi nirqa: Juanpa churin Simón, ¿kuyawankichum? nispa. Pedroñataqmi llakikururqa kimsa kutikamaña “kuyawankichu” nispa tapusqanwan, chaymi nirqa: Señor, qamqa tukuy imatam yachanki, yachankim kuyasqaytapas. Chaymi Jesús nirqa: Chaynaqa, ovejaykunatayá michiy.

Juan 4:16

Hinaptinmi Jesusñataq nirqa: Rispayki qosaykita qayamuspa kuska hamuychik, nispa.

Juan 5:42

Qamkunataqa reqsikichikmi, chaymi yachani Diosta mana kuyasqaykichikta.

Juan 6:15

Jesusñataqmi musyakururqa hapiruspanku rey kananpaq churaruy munasqankuta, chaymi orqoman sapallan pasakurqa.

Juan 6:64

Ichaqa qamkuna ukupim mana creeqkuna kachkanraq, nispa. Jesusqa chaykunata nirqa, pikunam mana iñisqanta chaynataq pim traicionananta qallariyninmantapuni yachaspanmi.

Hechos 1:24

Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Hechos 15:8

Llapa runakunapa sonqon reqsiq Diosmi paykunamanpas Chuya Espiritunta qorqa ñoqanchikman hina, chaynapim qawachiwarqanchik paykunatapas chaskisqanta.

Deuteronomio 31:21

Chay hatun sasachakuykunapi chaynataq ñakariykunapi kaptinkum kay taki testigo kanqa, chaynapi mirayninkupas mana qonqanankupaq. Ñoqaqa yachaniñam qonaypaq jurasqay allpaman manaraq yaykuchkaspa imam tanteasqankutapas, nispa.

Hebreos 4:13

Diospa tukuy ima unanchasqankunaqa manam pakasqachu kachkan. Tukuy chaykunaqa Diospa qayllanpim sutilla kachkan, paymanmi cuentata qosunchik.

Apocalipsis 2:23

Wawankutapas wañurachip-tiymi llapallan iglesiakuna yachanqaku yuyaymanayninkutapas chaynataq son-qonkutapas reqsiq kasqayta, sapakamamanmi ruwasqaykichikman hina qosqaykichik.

1~Samuel 16:7

Ichaqa Tayta Diosmi Samuelta nirqa: Amayá sumaq rikchaynintawan sayaynillantachu qawayqa, paytaqa manam munanichu; runapa qawasqanqa manam ñoqapa qawasqay hinachu, runaqa hawallantam qawan, ñoqam ichaqa sonqonta qawani, nispa.