Juan 2:16 - CHUYA QELLQA La Biblia en Quechua de Ayacucho 2012

¹⁶ Palomakuna rantikuqkunatañataqmi nirqa: ¡Kaykunata kaymanta hurqowaychik! ¡Taytaypa wasintaqa ama mercadota hinaqa ruwaychikchu! nispan.

Quechua Ayacucho Bible 1987

¹⁶ Palomakuna *f**rantikuqkunatañataqmi nirqa: —¡Kaykunata horqowaychik kaymanta! ¡Taytaypa wasintaqa amayá qatu wasitaqa ruraychikchu! —nispa.

Chuya Qellqa 1992

¹⁶ Palomakuna rantikuqkunatañataqmi nirqa: ¡Kaykunata kaymanta hurqowaychik! ¡Taytaypa wasintaqa ama mercadota hinaqa ruwaychikchu! nispan.

Juan 2:16 Iomraidhean Croise

Jeremías 7:11

¿Suwakunapa machayninpaqchu kay sapaqchakusqay wasita hapinkichik? Ñoqaqa tukuy ima ruwasqaykichiktam qawachkani. Ñoqa Tayta Diosmi chaynata nini.

Mateo 21:12

Jesusmi temploman yaykurqa, hinaspam chaypi rantikuqkunatawan rantiqkunata qarqorqa. Qollqe cambiananku mesakunatawan paloma rantikuqkunapa sillankunatapas wikaparurqam.

Mateo 21:13

Hinaspam nirqa: Chuya Qellqapim nichkan: “Temployqa mañakuna wasiwan sutichasqam kanqa”, nispa; qamkunam ichaqa suwakunapa machayninta hinaña ruwarunkichik, nispa.

Mateo 22:5

Convidasqankunañataqmi mana kasukuspanku huknin pasakurqa chakranman, hukninñataq negocionman.

Marcos 11:17

Chaypim Jesús kaynata yachachirqa: ¿Manachu Qellqapi nichkan: “Wasiyqa llapallan nacionkunapaqmi mañakuwananku wasiwan sutichasqa kanqa”, nispa? Qamkunam ichaqa suwakunapa machayninta hinaña ruwarunkichik.

Lucas 2:49

Chaymi Jesusñataq nirqa: ¿Imanasqataq maskawarqankichik? ¿Manachu yacharqankichik Taytaypa kaqninkunapi kanayta? nispa.

Juan 10:29

Tukuy ima qoqniy Taytayqa llapanmantapas atiyniyuqmi, chaymi mana pipas atinmanchu Taytaypa makinmanta qechuytaqa.

Juan 2:15

Chayta qawaykuspanmi Jesusñataq waskamanta latigota ruwakuykuspan templomanta lliwta qarqomurqa ovejakunatawan hinaspa torokunatawan kuskata. Qollqe cambiaq runakunapa qollqentapas talliruspanmi mesankutapas wikaparamurqa.

Juan 20:17

Jesusmi nirqa: Amaraq hapiwaychu, manaraqmi Taytaymanqa riniraqchu. Willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

Juan 5:17

Jesusmi ichaqa nirqa: Taytayqa kunankamam llamkachkan, ñoqapas llamkachkanitaqmi, nispa.

Juan 8:49

Jesusñataqmi nirqa: Manam demonioyqa kanchu, ñoqaqa Taytaytam hatunchani, qamkunam ichaqa penqayman churawankichik.

1~Timoteo 6:5

millay pensamientoyuq runakunapa atipanakuyninkuna, cheqap kaq mana yachaykuna, Diosta servispayqa apuyarusaqmi niykuna. [Chaykunamanta karunchakuy]

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.