Juan 19:39 - CHUYA QELLQA La Biblia en Quechua de Ayacucho 2012

³⁹ Jesuswan rimananpaq huk kutipi tutallan riq Nicodemopas yaqa pachak libra mirrawan áloes chaqrusqata aparikuspanmi rirqa.

Quechua Ayacucho Bible 1987

³⁹ Jesusman puntata tutallan watukuq Nicodemopas rirqam yaqa pachak libra mirrawan *f**aloes chaqrusqata aparikuspan.

Chuya Qellqa 1992

³⁹ Jesuswan rimananpaq huk kutipi tutallan riq Nicodemopas yaqa pachak libra mirrawan áloes chaqrusqata aparikuspanmi rirqa.

Juan 19:39 Iomraidhean Croise

Génesis 50:2

Chay-mantam José kamachirqa atiendeqnin medicokunata hampikunawan taytanpa cuerponta chakichinankupaq, chaymi Israelpa cuerponta medicokuna chakichirqaku.

2~Crónicas 16:14

Chaymi “Davidpa Llaqtan” nisqankupi pamparurqaku kikinpa ruwachikusqan sepulturapi. Chakanapi chutaykuspankum miskillaña asnaq perfumekunata hinarqaku, chaykunam karqa allin perfume ruway yachaqkunapa ruwasqan. Paypaqmi hatun lenwachkaq ninata ratachirqaku.

Proverbios 7:17

miskillataña asnananpaqmi mirrawan, aloewan, canelawan talliykamuni.

Cantares 1:13

Ñoqapaqqa kuyakusqayqa ñuñuykunapa chawpinpi mirra wayqacha hinaraqmi.

Cantares 4:14

nardo waytapa, azafrán waytapa, miski asnaq cañapa, canelapa, incienso sachakunapa, mirra sachakunapa, áloe sachakunapa, miski asnaq sachakunapa tarikunan huertam.

Cantares 4:6

Pacha achikyamuchkaptinmi, manaraq inti qespimuchkaptinmi, mirrapa kasqan monteman risaq, inciensopa kasqan moqoman pasasaq.

Mateo 12:20

Raqrasqa soqosllatapas manam pakinqachu, wañunayachkaq mecherotapas manam wañuchinqachu, allin kawsakuyta hatarichinankama.

Mateo 19:30

Ichaqa puntapi kaqkunam qepapi kanqaku, qepapi kaqkunañataqmi puntapi kanqaku, nispa.

Mateo 2:11

Chaymi wasiman yaykuykuspanku wawatawan maman Mariata tariykurqaku hinaspam qonqorakuykuspa wawata hatuncharqaku, chaymantam qepinkuta kichaspa apamusqanku qorita, inciensota hinaspa miski asnaq mirrata qorqaku.

Marcos 16:1

Samana punchaw pasaruptinmi, Magdala llaqtayuq María, Jacobopa maman María hinaspa Salomeypiwan, perfumekunata rantiramuspanku Jesuspa cuerponta untaq rirqaku.

Juan 12:3

Mariañataqmi achka precioyuq nardomanta ruwasqa perfumeta yaqa huk botellata aparamuspa Jesuspa chakinman talliykuspan chukchanwan chakichirqa. Chaymi wasi huntata miskillataña asnarirqa.

Juan 12:7

Chaymi Jesusñataq nirqa: Ama harkakuychu, kaytaqa pampakunay punchawpaqmi waqaycharqa.