Juan 19:29 - CHUYA QELLQA La Biblia en Quechua de Ayacucho 2012

²⁹ Chaypim kachkarqa puyñupi vinagre, chaymi kaspipa puntanman esponjata wataykuspanku chayta vinagreman challpuykuspanku Jesusman haywarqaku.

Quechua Ayacucho Bible 1987

²⁹ Chaypim kachkarqa puyñupi vinagre, chaymi kaspipa puntanpi esponjata chapuykuspa Jesusman haywarqaku.

Chuya Qellqa 1992

²⁹ Chaypim kachkarqa puyñupi vinagre, chaymi kaspipa puntanman esponjata wataykuspanku chayta vinagreman challpuykuspanku Jesusman haywarqaku.

Juan 19:29 Iomraidhean Croise

1~Reyes 4:33

Yachachirqam sachakunamantapas, Líbano montepi cedromanta qallaykuspa raqrakunapi wiñaq hisopo plantakunakama, yachachirqataqmi animalkunamantapas, alton pawaq animalkunamantapas, qasqonpa puriq animalkunamantapas chaynataq challwakunamantapas.

Éxodo 12:22

Hapiychiktaq hisopo sachapa kallmantapas hinaspa tazonpi yawarman challpuspa punkupa pilarninman llusiy-chik. Achikyanankamam wasikichik-manta ama lloqsinkichikchu.

Números 19:18

Chaymantam chuyanchasqa runa hisopopa kallmanta hapiykuspan chay yakuman challpuspan chaywan chay runapa yachanan carpata challanqa; challanqataqmi chay carpapi servicionkunamanwan chaypi yachaq runakunamanpas chaynataq tulluta, wañuchisqapa ayanta, kikillanmanta wañuqpa ayanta otaq sepulturata llapcharuq runamanpas.

Mateo 27:34

Jesusman vinota qatqe qorapa yakunwan chapuykuspanku tomachirqaku. Jesusmi ichaqa malliykuspan mana tomayta munarqachu.

Mateo 27:48

Paykunamantam hukninku kallpaspan esponjata vinagreman challpuykuspan soqosman wataykuspa Jesusman soqochirqa.

Mateo 27:50

Jesusmi huktawan qaparispan espiritunta entregaykurqa.

Marcos 15:36

Hinaptinmi huk runa kallpaykuspan esponjata vinagreman challpuykurqa, hinaspam soqosman wataruspan Jesusman tomachinanpaq haywarqa: Qawasunchik, yaqachus cruzmanta uraykachinanpaq Elías hamurunqa, nispan.

Lucas 23:36

Soldadokunapas burlakurqakum, hinaspam asuykuspanku vinagreta tomananpaq qorqaku,