Juan 18:37 - CHUYA QELLQA La Biblia en Quechua de Ayacucho 2012

³⁷ Hinaptinmi Pilato nirqa: Chaynaqa, ¿qamchu rey kachkanki? nispa. Jesusñataqmi nirqa: Qanmi rey kasqaytaqa nichkanki. Chay-paqmi ñoqaqa nacerqani, chaypaqtaqmi kay pachamanpas hamurqani, chaynapi cheqapmanta rimanaypaq. Cheqap kasukuqkunaqa nisqaykunatam uyarin, nispa.

Quechua Ayacucho Bible 1987

³⁷ Hinaptinmi Pilato nirqa: —Chaynaqa reychu kanki —nispa. Chaymi Jesusñataq nirqa: —Qanmi nichkanki rey kasqaytaqa. Chaypaqmi ñoqaqa nacerqani, chaypaqtaqmi hamurqani kay pachamanpas chaynapi cheqapmanta rimanaypaq. Cheqap kasukuqkunaqa uyarinmi nisqaykunata.

Chuya Qellqa 1992

³⁷ Hinaptinmi Pilato nirqa: Chaynaqa, ¿qamchu rey kachkanki? nispa. Jesusñataqmi nirqa: Qanmi rey kasqaytaqa nichkanki. Chaypaqmi ñoqaqa nacerqani, chaypaqtaqmi kay pachamanpas hamurqani, chaynapi cheqapmanta rimanaypaq. Cheqap kasukuqkunaqa nisqaykunatam uyarin, nispa.

Juan 18:37 Iomraidhean Croise

Isaías 55:4

Ñoqam payta churarqani llaqtakunapaq testigo kananpaq, kamachiqninku kaspa paykunata maymi rinankuta pusananpaq.

Mateo 26:64

Jesusñataqmi nirqa: Arí, qanmi nirunki. Ñoqapas nikichiktaqmi, kunanmantam runapa Churinta rikunkichik Tukuy Atiyniyuq Diospa alleqninpi tiyachkaqta hinaspa puyupi hamuchkaqta, nispa.

Mateo 27:11

Jesustam gobernador Pilatopa qay-llanman pusarurqaku, hinaptinmi ta-purqa: ¿Qamchu kachkanki judiokunapa Rey-nin? nispa. Chaymi Jesusñataq nirqa: Qanmi nirunki, nispa.

Marcos 14:62

Chaymi Jesusñataq nirqa: Arí, ñoqam kani. Qamkunam runapa Churinta rikunkichik Tukuy Atiyniyuq Diospa alleqninpi tiyachkaqta hinaspa hanaq pachamanta puyupi hamuchkaqta, nispa.

Marcos 15:2

Chaymi Jesusta Pilato tapurqa: ¿Qamchu kachkanki judiokunapa reynin? nispa. Hinaptinmi payñataq nirqa: Qanmi nirunki, nispan.

Lucas 22:70

Chaymi llapallanku nirqaku: Chaynaqa, ¿Diospa Churinchu kachkanki? nispanku. Hinaptinmi Jesusñataq nirqa: Qamkunam ninkichik ñoqa kasqayta, nispa.

Lucas 23:3

Chaymi Pilato tapurqa: ¿Qamchu kachkanki judiokunapa reynin? nispa. Jesusñataqmi nirqa: Arí, qanmi nirunki, nispa.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 3:32

rikusqanmantawan uyarisqanmantataqmi willakunpas, ichaqa manam pipas paypa willakusqantaqa chaskinchu.

Juan 7:17

Pipas Diospa munasqanta ruway munaqqa yachanqam kay yachachisqayqa Diosmanta kasqanta otaq kikillaymanta rimasqaytapas.

Juan 8:14

Jesusñataqmi nirqa: Kikiypa allinllayta rimaptiypas nisqaykunaqa cheqapmi, ñoqaqa yachanim maymantam hamusqaytapas chaynataq maymanmi risqaytapas; qamkunam ichaqa maymantam hamusqaytapas nitaq maymanmi risqaytapas mana yachankichikchu.

Juan 8:45

Ñoqam ichaqa cheqapta nikichik aswanqa manam creewankichikchu.

Juan 8:46

¿Mayqannikichiktaq huchayuq kasqayta pruebawankichikman? Cheqapta nichkaptiyqa, ¿imanasqamá manaqa creewankichikchu?

Juan 8:47

Diospaq kaqkunaqa Diospa nisqankunatam uyarin, qamkunam ichaqa mana Diospa kasqaykichikrayku mana uyarinkichikchu, nispa.

1~Timoteo 6:13

Qamtam kamachimuyki llapallan kawsachiq Diospa hinaspa Poncio Pilatopa ñawpaqninpi cheqap kaqmanta willakuq Jesucristopa qayllanpi.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Juan 2:21

Qellqamuchkaykichikqa manam cheqap kaqkunata mana yachasqaykichikraykuchu, aswanqa reqsisqaykichikraykum, yachas-qanchikpi hinapas llulla kaqkunaqa manam cheqapmantachu hamun.

1~Juan 3:14

Ñoqanchikqa wañuymantam kaw-saymanña pasarunchik, chaytaqa ya-chanchik iñiqmasinchikkunata kuyasqanchikwanmi. Chayna mana kuyaqqa hinallaraqmi wañusqa kachkan.

1~Juan 3:19

Kaywanmi yachanchik cheqap kaqpa kasqanchikta, hinaspam paypa ñawpaqninpi confianzallawanña kasunchik.

1~Juan 4:6

Ñoqanchikmi ichaqa Diospa churinña kanchik, haykam Diosta reqsiqqa uyariwanchikmi, Diosta mana reqsiqmi ichaqa mana uyariwanchikchu. Chaywanmi reqsinchik cheqap espíritu otaq pantachikuq espíritu kasqantapas.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

Apocalipsis 1:4

Ñoqa Juanmi, Asia lawpi qanchisnintin llaqtakunapi iglesiakunaman qellqamuykichik. Chaynaqa, ñawpaq kaqpa, kunan kaqpa chaynataq hamuq kaqpa hinaspa Diospa qayllanpi tarikuq qanchisnintin espiritukunapa hawkayayninwan kuyakuyninyá qamkunapi kachun,

Apocalipsis 3:14

Laodicea llaqtapi iglesiapa angelninman kaynata qellqay: Amén niq, cheqap niq, allin testigo kaq hinaspa qallariypi tukuy imata Dios unanchaptin chaypi kaqmi kaynata nin: