Juan 18:12 - CHUYA QELLQA La Biblia en Quechua de Ayacucho 2012

¹² Llapa soldadokunam capitanninpiwan hinaspa judiokunamanta kaq guardiakunapiwan Jesusta hapiruspanku chaqnarurqaku.

Quechua Ayacucho Bible 1987

¹² Soldadokunam jefenkupiwan hinaspa judiokunamanta kaq guardiakunapiwan Jesusta hapiruspanku watarurqaku.

Chuya Qellqa 1992

¹² Llapa soldadokunam capitanninpiwan hinaspa judiokunamanta kaq guardiakunapiwan Jesusta hapiruspanku chaqnarurqaku.

Juan 18:12 Iomraidhean Croise

Génesis 22:9

Diospa nisqan orqoman chayaruptinkum, altarta Abraham ruwarqa, chayman yantata churaykuspanmi churintañataq chaqnaykuspa chay yantapa hawanman churaykurqa.

Génesis 40:3

Hinaspam Joseypa kasqan carcelman apaykarachirqa, chay carcelqa reyta waqaychaq soldadokunapa capitanninpa wasinpim karqa.

Mateo 26:57

Jesustam presocharuspanku sumo sacerdote Caifaspa wasinman pusarqaku. Chaypim llaqtapa kamachiqninkunawan Diospa leynin yachachiqkuna huñunasqa kachkarqaku.

Mateo 27:2

Chaymi chaqnasqata pusaspanku gobernador Pilatoman entregaykurqaku.

Mateo 27:27

Chaymi gobernadorpa soldadon-kuna Jesusta palacioman aparuspanku llapa tropata paypa muyuriqninpi huñururqaku.

Marcos 14:53

Sumo sacerdotepa qayllanmanmi Jesusta pusarurqaku, chaypim llapa sacerdotekunapa kamachiqninkunawan ancianokuna hinaspa Diospa leynin yachachiqkuna huñunakururqaku.

Marcos 15:1

Achikyaruptinmi sacerdotekunapa kamachiqninkunawan ancianokuna, Diospa leynin yachachiqkuna hinaspa cortepi kamachikuqkuna huñunakururqaku, hinaspam Jesusta chaqnaruspanku gobernador Pilatoman entregaykurqaku.

Lucas 22:54

Jesustam presocharuspanku sumo sacerdotepa wasinman pusarurqaku. Pedroñataqmi karu qepallanta qatirqa.

Juan 18:3

Chaymanmi Judas chayaramurqa soldadokunawan hinaspa sacerdotekunapa kamachiqninkunapa hinaspa fariseokunapa kachasqan guardiakunawan. Paykunam antorchayuqkama, mecheroyuqkama hinaspa armayuqkama rirqaku.

Hechos 10:1

Cesarea llaqtapim Cornelio yacharqa. Paymi karqa Italiano sutiyuq tropakunapa capitannin.

Hechos 21:31

Wañurachinankupaq kachkaptinkuñam Roma llaqtayuq soldadokunapa kamachiqninman willaykamurqaku: Jerusalenpi lliw runakunam chaqwata ruwachkanku, nispanku.

Hechos 21:37

Pablota cuartelman apaykuchkaptinkum soldadokunapa capitanninta Pablo tapurqa: ¿Imallatapas rimariymanchu? nispa. Chaymi payñataq nirqa: ¿Griego rimayta yachankichu?

Hechos 23:10

Llumpa-llumpayta atipanakuptinkum soldadokunapa kamachiqnin mancharikurqa: Pablotaqa tisaparunqakupascha, nispa. Hinaspam soldadokunata kamachirqa: Yaykuspaykichik imaynatapas Pablota hurqomuspaykichik cuartelman pusaychik, nispa.

Jueces 16:21

Filisteokunañataqmi Sansonta hapiruspanku ñawinkunata hurqorurqaku, hinaspam Gaza llaqtaman aparqaku, chaypim broncemanta cadenawan wataruspanku carcelpi kaq molinopi kutachirqaku.