Juan 18:11 - CHUYA QELLQA La Biblia en Quechua de Ayacucho 2012

¹¹ Jesusñataqmi Pedrota nirqa: Espadaykita sitionman kutiykachiy. ¿Ñakarinaypaq Taytaypa qowasqantaqa manachu chaskiyman? nispa.

Quechua Ayacucho Bible 1987

¹¹ Jesusñataqmi Pedrota nirqa: —Espadaykita kutiykachiy vainanman. ¿Taytaypa ñakarinaypaq qowasqantaqa manachu chaskiyman? —nispa.

Chuya Qellqa 1992

¹¹ Jesusñataqmi Pedrota nirqa: Espadaykita vainanman kutiykachiy. ¿Ñakarinaypaq Taytaypa qowasqantaqa manachu chaskiyman? nispa.

Juan 18:11 Iomraidhean Croise

2~Samuel 16:10

Ichaqa Davidmi nirqa: Sarviapa wawankuna, ñakawasqanmanqa ama chapukuychikchu. Kikin Tayta Dioschá ñakawananpaq kamachimun. Tayta Dios kamachimuptinqa ¿pitaq upallay ninman? nispa.

Ezequiel 23:31

Ñañaykipa kawsasqanman hinam kawsarqanki, chaymi payta imaynam castigasqayta hina castigasqayki, nispa.

Mateo 20:22

Jesusñataqmi nirqa: Manam imam mañakusqaykichik-tapas yachankichikchu. ¿Yaqachu ño-qapa ñakarisqayta hina ñakariwaqchik? nispa. Hinaptinmi paykunañataq nirqaku: Arí, atisaqkum, nispanku.

Mateo 26:39

Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Mateo 26:42

Huktawan kutispanmi kaynata mañakurqa: Taytalláy, sichum ñakarinay kaptinqa, qampa munasqaykiyá ruwasqa kachun, nispa.

Lucas 12:30

Tukuy chaykunamantaqa Diosta mana reqsiqkunallam llakikun. Qamkunapa Taytaykichikqa ima pisisusqaykichiktapas yachanñam.

Lucas 22:42

Taytáy, munaspaykiqa kay ñakariymantayá libraykuway, ichaqa amayá ñoqapa munasqaychu kachun, aswanqa qampa munasqaykiyá, nispa.

Juan 15:10

Sichum kamachikuyniykunata kasukuspaqa kuyakuyniypiyá takyaychik, imaynam ñoqapas Taytaypa kamachikuyninkunata kasukuspay paypa kuyakuyninpi takyasqayta hina.

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Juan 18:36

Jesusñataqmi nirqa: Munaychakuyniyqa manam kay pachamantachu, kay pachallamanta kaptinqa qatiwaqniykunachá judiokunawan pelean-manku mana entregasqa kanaypaq. Munaychakuyniyqa manam kay pachamantachu, nispa.

Juan 20:17

Jesusmi nirqa: Amaraq hapiwaychu, manaraqmi Taytaymanqa riniraqchu. Willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

2~Corintios 10:4

Peleanapaq armaykuqa manataqmi aychaman hina armallachu, aswanqa Diospa atiynin hina armam, chayna armaqa murallasqa llaqtakunatapas tuñirachinmanmi.

2~Corintios 6:7

cheqapta willakuspayku hinaspa ichoqmanpas alleqmanpas Diospa atiyninwan allin kaqta ruwaspa defiendekuniku.

Hebreos 12:2

Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.