Juan 17:3 - CHUYA QELLQA La Biblia en Quechua de Ayacucho 2012

³ Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Quechua Ayacucho Bible 1987

³ Chay wiñay kawsayniyoqqa kanku sapallan cheqap Dios kasqaykita reqsiqkunam hinaspa kachamusqayki Jesucristota reqsiqkunam.

Chuya Qellqa 1992

³ Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 17:3 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 15:3

Unay tiempom Israel runakunaqa mana cheqap Diosniyuq, mana sacerdotepa yachachisqan hinaspa mana kamachikuyniyuq karqaku.

Proverbios 8:35

Pipas tariwaqniykunaqa, kawsaytawan Diospa kuyakuynintam haypanqa.

Isaías 48:16

Ñoqaman asuykamuspa uyariwaychik: Qallariyninmantapas manam pakasqapichu rimarqani, tukuy chaykuna pasakuptinpas chaypim karqani. Tayta Diosmi kunan kachamuwarqa, Espiritunwanmi huntaykuwarqa.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Isaías 61:1

Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa wakchakunaman allin noticiata willakamunaypaq, llakisqakunata consuelamunaypaq, presochasqakunata kacharimunaypaq, carcelpi kaqkunata libramunaypaq,

Jeremías 10:10

Tayta Diosllam cheqap Diosqa, payqa kawsaq Diosmi, payqa wiñaypaq reymi, piñakuptinqa allpapas katkatatanmi, rabiakuptinqa nacionkunapas manam aguantanmanchu.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Marcos 9:37

Pipas sutiypi kayna warmachata chaskiykuqqa ñoqatam chaskiwan, pipas chaskiwaqniyqa manam ñoqallatachu chaskiwan, aswanqa kachamuwaqniy Taytaytam, nispa.

Lucas 9:48

hinaspam nirqa: Kay warmachata ñoqapa sutiypi pipas chaskiqqa ñoqatam chaskiwan, pipas ñoqata chaskiwaqniyñataqmi kachamuwaqniyta chaskin. Qamkunamanta mayqannikichikpas taksan kaqmi puntapiqa kanqa, nispan.

Juan 10:36

Taytam sapaqchawaspan ñoqata kay pachaman kachamuwarqa, chaynaqa, ¿imaynataq ninkichik qamkunaqa: “Diostam kamichkan” nispaykichikqa, “Diospa Churinmi kani” nisqayraykuqa?

Juan 11:42

Ñoqaqa yachanim chay-lla uyariwaqniy kasqaykita, kaytaqa nichkayki muyuriqniypi runakuna kasqanraykum, chaynapi kachamuwasqaykita creenankupaq.

Juan 14:26

Kallpanchakuq Chuya Espíritu ñoqapa sutiypi Taytaypa kachamusqanmi ichaqa qamkunaman tukuy imata yachachisunkichik, hinaspam tukuy ima nisqaykunata yuyachisunkichik.

Juan 17:18

Imaynam ñoqata kachamuwarqanki kay pachapi kaq runakunaman, chaynataqmi paykunatapas kay pachapi kaq runakunaman kachani.

Juan 17:21

Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Juan 17:23

Ñoqam paykunapi kachkani, qamñataqmi ñoqapi, chaynapi paykunaqa hukllaña ka-nankupaq, chaynapim runakuna yachan-qaku qampuni kachamuwasqaykita, yachanqakutaqmi kuyawasqaykita hina paykuna kuyasqaykitapas.

Juan 17:25

Chuya Taytáy, kay pachapi kaq runakunaqa manam reqsisunkichu, ñoqam ichaqa reqsiki, qowasqayki runakunapas yachantaqmi qam kachamuwasqaykitaqa.

Juan 17:8

Qowasqayki palabraykitaqa willaruniñam paykunaqa ñam chaskirunkuña. Yachankutaqmi cheqaptapuni qanmanta hamusqayta, hinaspam creenku qampuni kachamuwasqaykita.

Juan 3:17

Diosqa manam churintaqa kay pachamanqa kachamurqa runakunata condenananpaqchu, aswanqa salvananpaqmi.

Juan 3:34

Diospa kachamusqanqa Diospa palabrantam willakun, Diosmi paymanqa Espiritunta chaninpi mana pisisqata qon.

Juan 5:44

Qamkunaqa kikikichikpurallam hatunchanakunkichik, Diospa hatun-chasqan kaytam ichaqa mana munankichikchu, chaynaqa, ¿imaynataq ñoqapiqa creewaqchik?

Juan 6:57

Imaynam kachamuwaqniy Taytay kawsan, ñoqapas paypim kawsani, chaynam aychay mikuqpas ñoqapi kawsanqa.

Juan 7:29

Ñoqam ichaqa paymanta hamusqayrayku reqsini. Paymi ñoqataqa kachamuwarqa.

Juan 8:19

Hinaptinmi fariseokuna nirqaku: ¿Maypitaq kachkan taytaykiqa? nispanku. Chaymi Jesusñataq nirqa: Qamkunaqa manam reqsiwankichikchu, nitaqmi Taytaytapas reqsinkichikchu; ñoqata reqsiwaspaykichikqa Taytaytapas reqsiwaqchikmi, nispa.

1~Corintios 15:34

Allinta rikchapakuspayá ama huchallikuychikchu, wakiqnikichikqa manaraqmi Diosta reqsinkichikchu, penqakunaykichikpaqmi kaytaqa nikichik.

1~Corintios 8:4

Chaynaqa, idolokunaman ofrecesqa mikuymantaqa yachanchikmi, kay pacha-pi idolokunaqa manam imachu, Diosqa chullallam.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Filipenses 3:10

Cristotam reqsiykuyta munachkani chaynataq kawsarimusqanpa atiynintapas, ñakarisqanman hina ñakarinaypaq, wañukuspaypas payman rikchakuq kanaypaq,

Filipenses 3:8

Manataqmi chayllachu, aswanqa Señor Jesucristota reqsinayraykum tukuy imata mana valeqpaqña hapini, pay kuyasqayraykutaqmi tukuy imatapas wischuruniña, hinaspam qopata hinaña hapini chaynapi Cristota chaskinaypaq,

1~Tesalonicenses 1:9

Paykunañam willakuchkanku qamkunaman chayamuptiyku imaynam chaskiwasqaykikuta hinaspa Diosman iñikuspaykichik idolokunata qepanchakuruspa kawsaq cheqap Diostaña servisqaykichikmantapas,

2~Tesalonicenses 1:8

Hinaspam Dios mana reqsiqkunatawan Señorninchik Jesusmanta allin noticia mana kasukuqkunata castiganqa.

Hebreos 3:1

Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

2~Pedro 1:2

Diospa kuyakuyninwan hawkayayninyá qamkunapi chaninninpi kachun, paytawan hinaspa Señorninchik Jesusta reqsisqaykichikrayku.

2~Pedro 1:3

Diosmi atiyninwan tukuy ima munasqanchikta kawsananchikpaq hinaspa servinanchikpaq qowarqanchik. Chaytaqa qowarqanchik hatun atiyninwan sumaq sonqo kayninwan pim qayawaqninchikta reqsichiwananchikpaqmi.

2~Pedro 1:8

Sichum kaykuna qamkunapi kaptinqa, manam qellataqa nitaq yachaynikichikpi mana ruruqtaqa saqesunkichikchu, manataqmi yanqapaqchu Señorninchik Jesucristotapas reqsirqankichik.

1~Juan 1:2

Kay kawsaymi rikuriykuwarqaku, chaytam rikurqaniku hinaspam rikusqaykumanta testigo kaspa qamkunamanpas wiñay kawsakuymanta willamuykiku. Kay wiñay kawsayqa Dios Taytawanmi karqa hinaspam ñoqaykuman rikuriykuwarqaku.

1~Juan 1:3

Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina.

1~Juan 2:23

“Jesucristoqa manam Diospa Churinchu” niq runapa sonqonpiqa manam Dios Taytapas kanchu. “Jesucristoqa Diospa Churinmi” niqkunapa sonqonpim ichaqa Dios Taytapas kachkan.

1~Juan 4:6

Ñoqanchikmi ichaqa Diospa churinña kanchik, haykam Diosta reqsiqqa uyariwanchikmi, Diosta mana reqsiqmi ichaqa mana uyariwanchikchu. Chaywanmi reqsinchik cheqap espíritu otaq pantachikuq espíritu kasqantapas.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.