Juan 17:21 - CHUYA QELLQA La Biblia en Quechua de Ayacucho 2012

²¹ Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Quechua Ayacucho Bible 1987

²¹ Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku chaynapi qampa kachamuwasqaykita runakuna creenanpaq.

Chuya Qellqa 1992

²¹ Taytáy, mañakuchkaykiqa paykuna huklla kanankupaqmi, imaynam qanwan huklla kasqanchikpi hinayá paykunapas huklla ñoqanchikwan kachunku, chaynapi qampa kachamuwasqaykita runakuna creenankupaq.

Juan 17:21 Iomraidhean Croise

Jeremías 32:39

Paykunatam tukuy tiempo kasuwaspa munasqayman hina kawsaqtaña ruwasaq, chaynataqa ruwasaq paykunapa chaynataq mirayninkunapa allinninkupaqmi.

Sofonías 3:9

Chay punchawkunapim ñoqa Tayta Diosta qayakamuwanankupaq runakunapa siminta chuyanchaykusaq, hinaptinmi huk sonqollaña serviwanqaku.

Zacarías 14:9

Tayta Diosmi kay pachapi munaychakunqa. Pay sapallanmi Dios kanqa, sutinpas sapallanpam reqsisqa kanqa.

Marcos 3:24

Sichum huk nación iskayman rakinasqa kaspaqa manam takyan-manchu.

Juan 10:16

Kachkantaqmi kay corralpi kaqkunamanta sapaq ovejaykunapas. Paykunatapas pusamuptiymi qayakuyniyta uyarinqaku, chaynapim huk kanchallaña kanqaku, michiqninkupas hukllañam kanqa.

Juan 10:30

Taytaywanqa hukllam kaniku.

Juan 10:38

sichum ruwaptiyqa manaña ñoqapi creespaykichikpas ruwasqaykunapiyá creeychik, chaynapim Taytawanqa huklla kasqayta yachankichik.

Juan 11:42

Ñoqaqa yachanim chay-lla uyariwaqniy kasqaykita, kaytaqa nichkayki muyuriqniypi runakuna kasqanraykum, chaynapi kachamuwasqaykita creenankupaq.

Juan 13:32

Sichum Dios hatunchakun paypi, hinaspaqa hatunchanqataqmi kikinpipas, payqa chayllam hatunchaykunqa.

Juan 13:35

Sichum qamkunapura kuyanakuptikichikqa llapallan runakunam discipuloykuna kasqaykichikta yachanqaku.

Juan 17:11

Manañam kay pachapiñachu kasaq, paykunam ichaqa kay pachapiraq kanqaku, ñoqam ichaqa hamuchkaniña qanwan kuska kanaypaq. Chuya Taytáy, qowasqaykikunataqa atiynikiwanyá waqaychaykuy chaynapi ñoqanchik hina huklla kanankupaq.

Juan 17:18

Imaynam ñoqata kachamuwarqanki kay pachapi kaq runakunaman, chaynataqmi paykunatapas kay pachapi kaq runakunaman kachani.

Juan 17:20

Manataqmi ñoqaqa paykunallapaqchu mañakuyki, aswanqa paykuna ñoqamanta willakuptin iñiqkunapaqwanmi.

Juan 17:25

Chuya Taytáy, kay pachapi kaq runakunaqa manam reqsisunkichu, ñoqam ichaqa reqsiki, qowasqayki runakunapas yachantaqmi qam kachamuwasqaykitaqa.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 17:8

Qowasqayki palabraykitaqa willaruniñam paykunaqa ñam chaskirunkuña. Yachankutaqmi cheqaptapuni qanmanta hamusqayta, hinaspam creenku qampuni kachamuwasqaykita.

Juan 3:17

Diosqa manam churintaqa kay pachamanqa kachamurqa runakunata condenananpaqchu, aswanqa salvananpaqmi.

Juan 5:23

chaynapi Taytata yupaychasqankuta hina Churitapas yupay-chanankupaq. Churita mana yupaychaqqa manam kachamuqnin Taytatapas yupay-chanchu.

Hechos 2:46

Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

Hechos 4:32

Lliw iñiqkunam huk sonqolla kaspanku huk runa hinalla karqaku, manam pipas ima kapuqninkutapas “ñoqallapam” niqkuchu, aswanqa tukuy imankupas lliwchankupaqmi karqa.

Romanos 12:5

Chaynataqmi ñoqanchikpas achkallaña kachkaspapas Cristoman hukllawakuspanchikqa chullallaña kachkanchik, huk cuerpopa partenkuna kachkaspapas llapanchikmi hukllaña kachkanchik.

1~Corintios 1:10

Wawqe-panillaykuna, Señorninchik Jesucristopa sutinpim ruegakamuykichik, rimaynikichikpas hukllayá kachun, amayá qamkunapiqa rakinakuyqa kachunchu; qamkunaqa huk sonqollayá hinaspa huk piensayniyuqllayá kaychik.

1~Corintios 12:12

Runapa cuerponqa huklla kachkaspapas achka parteyuqmi, ichaqa achka parteyuq kachkaspapas huk cuerpollam, chaynam Cristopas.

1~Corintios 6:17

Pipas Señorman hukllawakuspanqa espiritupim hukllaña paywan kachkan.

Gálatas 3:28

Jesucristopiqa hukllañam kanchik, manam imananchu judío kaypas otaq mana judío kaypas, esclavo kaypas otaq mana esclavo kaypas, qari kaypas otaq warmi kaypas.

Filipenses 1:27

Jesucristomanta allin noticia uyarisqaykichikman hinayá vidaykichik kachun. Watukamuspay otaq maypiña kaspaypas qamkunaman-tam uyariyta munani huk sonqolla qaqa hina sayaspa vencesqaykichikmanta, iñisqaykichik allin noticiata willaku-naykichikpaq kallpanchakusqaykichik-manta hinaspa

1~Juan 1:3

Chayna rikusqaykutawan, uyarisqaykutam willakuniku, chaynapi qamkunapas ñoqaykuwan huklla kanaykichikpaq, imaynam ñoqaykupas Dios Taytawan hinaspa Churin Jesucristowan huklla kasqaykuta hina.

1~Juan 5:7

Kay kimsankum testigo kanku. [Hanaq pachapi Dios Tayta, Dios Churi, Dios Chuya Espíritu, kay kimsanmi huklla kanku].