Juan 16:20 - CHUYA QELLQA La Biblia en Quechua de Ayacucho 2012

²⁰ Cheqaptapunim nikichik, qamkunam waqaspa llakikunkichik, hinaptinmi runakunañataq kusikunqaku. Ichaqa qamkuna llakipi kaptikichikpas, chay llakikuynikichikmi kusikuyman tikrasqa kanqa.

Quechua Ayacucho Bible 1987

²⁰ Cheqaptapunim nikichik, qamkunam waqaspa llakikunkichik hinaptinmi runakunañataq kusikunqaku. Ichaqa llakisqallaña kachkaspapas kusikunkichikmi.

Chuya Qellqa 1992

²⁰ Cheqaptapunim nikichik, qamkunam waqaspa llakikunkichik, hinaptinmi runakunañataq kusikunqaku. Ichaqa qamkuna llakipi kaptikichikpas, chay llakikuynikichikmi kusikuyman tikrasqa kanqa.

Juan 16:20 Iomraidhean Croise

Jobwan Sutichasqa Libro 20:5

Mana allin runapa asikuyninqa tukuruqllam, Diosta mana kasukuq runapa kusikuyninqa chinkaruqllam.

Isaías 12:1

Chay punchawmi ninki: Dios Taytalláy, graciastam qoyki, contraypiña piñakuruchkaspaykipas piñakuynikitam ñoqamanta asuriykachinki. Kunanqa qanmi hawkayayta qoykuwanki.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Jeremías 31:25

Pisipasqakunamanwan mana kallpayuqkunamanmi mikuykachispay achkanpi tomaykachisaq, nispa.

Mateo 21:38

Ichaqa chay llamkaqkunam chakrayuqpa churinta rikuruspanku ninakurqaku: “Paymi herencia chaskiqqa, chaynaqa wañurachisun ñoqanchikña chakranwan qepakunanchikpaq”, nispanku.

Mateo 5:4

Mayna kusisqam waqaqkunaqa, paykunataqa Diosmi consuelanqa.

Marcos 14:72

Chayllamanmi utuluqa iskay kutitakama waqaramurqa hinaptinmi Pedro yuyarirurqa Jesuspa kayna nisqanta. Paymi nirqa: “Manaraqpas iskay kutita utulu waqachkaptinmi kimsa kutikama negawanki”, nispa. Chayta yuyariruspanmi waqakuyta qallaykurqa.

Marcos 16:10

Chaymi Mariaqa pasaspan Jesuspa puriqmasinkunaman willamurqa, paykunaqa llumpayta llakikuspankum waqachkarqaku.

Lucas 22:45

Diosta mañakusqanmanta hatarispanmi, discipulonkunaman asuykuspan tariykurqa llakiwan inturachikuspanku puñuchkaqta.

Lucas 22:62

Chaymi hawaman lloqsiruspan aminankama waqakurqa.

Lucas 23:27

Jesuspa qepantam achkallaña runakuna rirqaku, warmikunapas paymanta qaparillawanña waqakustinmi qatirqaku.

Lucas 24:17

Jesusñataqmi paykunata tapurqa: ¿Imamanta atipanakustintaq richkankichik? nispa. Chaymi paykunañataq llakisqallaña sayarurqaku.

Lucas 24:21

Ñoqaykuqa piensarqaniku Israel nacionpa libraqnin kasqantam, ichaqa kimsa punchawñam wañukun.

Lucas 6:21

Mayna kusisqam kankichik kunan yarqaymanta kaqkunaqa, qamkunaqa saksachisqam kankichik. Mayna kusisqam kankichik kunan waqaqkunaqa, qamkunaqa asikun-kichikmi.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Juan 16:6

Aswanraqmi qamkunaqa kay nisqaywan sinchi llakisqa kachkankichik.

Juan 20:20

Chaynata niykuspanmi makinkunatawan waqtanta qawachikurqa, paykunañataqmi Señorta qawaykuspanku kusikurqaku.

Hechos 5:41

Chaymi apostolkuna llumpay kusisqallaña juzgaqninkunapa qayllanmanta lloqsirqaku, Jesucristorayku ñakarinankupaq Diospa akllasqa kasqankumanta.

Romanos 5:11

Manataqmi chayllachu, Señorninchik Jesucristontakamam Diospi kusikusunchik, Jesucristontakamam Dioswan allinyanakuyta haypaykunchik.

2~Corintios 6:10

Llakisqallaña kaspapas llumpay kusisqam kaniku, wakcha kaspapas achkaqtam apuyachiniku, mana imayuq kachkaptiykupas tukuy imaykum kapuwachkanku.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

1~Tesalonicenses 1:6

Qamkunaqa ñoqaykupa hinaspa Señorninchikpa ejemplontam qatichkankichik, llumpayta ñakarichkaspaykichikpas Diospa palabrantam Chuya Espiritupa kusikuy qosusqaykichikwan chaskirqankichik.

Santiago 1:2

Wawqe-panillaykuna, imaymana sasachakuykunapi tarikuspaykichikqa aswanraqyá kusikuychik.

Judas 1:24

Sapallan salvaqninchik Diosmi atiyninwan waqaychasunkichik huchaman mana wichiykunaykichikpaq, payllam mana huchayuqta qayllanman kusisqata chayachisunkichik.

Apocalipsis 11:10

Kay pachapi kawsaqkunañataqmi chay wañuqkunamanta kusikunqaku, hinaspam kusikuymanta regalokunatapas apachinakunqaku, chaynataqa ruwanqaku chay iskay profetakuna kay pachapi yachaqkunata manaña ñakarichisqankuraykum.

Apocalipsis 18:7

Imaynam payqa hatunchakuspan kusikuyllapi karqa, chayman hina waqaytawan sasachakuyta qoychik, payqa sonqonpim nichkan: “Ñoqaqa reina hinañam tiyachkani, ñoqaqa manam viudachu kani, ñoqaqa manañam waqasaqñachu”, nispa.