Juan 16:2 - CHUYA QELLQA La Biblia en Quechua de Ayacucho 2012

² Sinagogakunamantam qarqosunkichik, hamuchkanmi wañu-chisunaykichik punchawkuna, chayta ruwaspankum “Diostam servichkani”, ninqaku.

Quechua Ayacucho Bible 1987

² Qarqomusunkichikmi *f**huñunakuna wasimanta, pipas wañuchisuqnikichikmi ninqa: “Kaykunata ruraspayqa Diostam servichkani” nispan.

Chuya Qellqa 1992

² Sinagogakunamantam qarqosunkichik, hamuchkanmi wañuchisunaykichik punchawkuna, chayta ruwaspankum “Diostam servichkani”, ninqaku.

Juan 16:2 Iomraidhean Croise

Isaías 65:5

Paykunam ninku: “Chayllapi sayay, ama asuykamuwaykuchu; ñoqaykuqa llumpay chuyam kaniku”, nispanku. Chay runakunaqa senqayta qonchiq qosni hinam, tukuylla punchaw rataq nina hinam.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Daniel 11:33

Llapa runakunamanta allin yachay-niyuq kaqkunam achka-achka runakunata yachachinqaku, ichaqa tiempopa risqanman hinam wakiqninku guerra-pi ñakarispa kañasqa kanqaku, wakin-ñataqmi imallankutapas qechurachikuspanku preso rinqaku.

Mateo 10:28

Cuerpo wañuchiqkunataqa amayá manchakuychikchu, manam almataqa wañuchiyta atinmankuchu, manchakuychikqa almantinta, cuerpontinta infiernopi wiñaypaq chinkachiqtayá.

Mateo 24:9

Hinaptinmi ñakarinaykichikpaq entregasqa kaspa wañuchisqa kankichik, ñoqaraykum llapa runakuna cheqnisunkichik.

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Juan 12:42

Chaywanpas achkaq kamachikuq judiokunam Jesusman iñirqaku. Ichaqa fariseokunata manchakusqankuraykum mana libretachu willakuqku, chaynapi sinagogamanta mana wischusqa kanankupaq.

Juan 16:25

Kaykunatam rikchanachiykunawan nirqaykichik, hamuq punchawpiqa manañam rikchanachiykunawanñachu rimapayasqaykichik, aswanqa imam kaqtañam Taytaymanta rimapayasqaykichik.

Juan 16:32

Ñam hora chayaramunña, sapakamam cheqerunkichik hinaspam sapallaytaña saqeruwankichik. Ichaqa manam sapallaychu kachkani, Taytaymi ñoqawanqa kachkan.

Juan 4:21

Jesusñataqmi nirqa: Warmi, cheqaptam niki, hamuchkanmi punchaw, kay moqopipas nitaq Jerusalenpipas Diostaqa manaña yu-paychanankupaq.

Juan 4:23

Ichaqa horam hamuchkanña, kunanmi ichaqa chayaramunña, cheqap yupaychaqkunaqa Taytatam Espiritupa yanapasqan hinaspa cheqappi yupaychanqaku. Taytaqa chayna yupaychaqninkunatam maskachkan yupaychanankupaq.

Juan 9:22

Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Juan 9:34

Chaymi judiokunañataq nirqaku: Qamqa huchapa huntasqan nacechkaspachu, ¿ñoqaykutaraq yachachiwaykuta munachkanki? nispanku. Chaynata niruspankum sinagogamanta qarqorurqaku.

Hechos 5:33

Chaymi kamachikuqkuna kaykunata uyariruspanku llumpayta piñakururqaku, hinaspam wañurachinankupaq rimanakurqaku.

Hechos 7:56

Chaymi nirqa: Hanaq pachatam kicharayachkaqta rikuchkani, runapa Churintañataqmi Diospa alleq lawninpi kachkaqta, nispa.

1~Corintios 4:13

Mana allintam ñoqaykumanta rimanku, ñoqaykum ichaqa kuyakuyllawan kutipakuniku, kunankamam kay pachapi millakuypaq wanuta hina qawawanku.

Filipenses 3:6

Creesqaykuna cheqappuni kasqanta hapispaymi, Jesucristoman iñiqkunata ñakarichinaypaq qatikacharqani; leyta cumplispaymi mana huchayuq hina kawsarqani.

Apocalipsis 6:9

Pichqa kaq sellota Cordero kichaykuptinñataqmi altarpa sikinpi rikururqani Diospa palabranta willakusqankurayku wañuqkunapa almanta.

Jueces 6:30

Chaymi Joasta nirqaku: Wañuchinaykupaq churikita hurqomuy, Baalpa altarnintam tuñirachisqa, chay altarpa waqtanpi kullumanta Aseratapas kuchurusqam, nispanku.