Juan 16:11 - CHUYA QELLQA La Biblia en Quechua de Ayacucho 2012

¹¹ juiciomantañataqmi reqsichinqa, kay pachallapi kamachikuqqa juzgasqaña kasqanmanta.

Quechua Ayacucho Bible 1987

¹¹ Cuentatam qokunqaku juicio punchawmanta, kay pachapi kamachikuqqa ñam juzgasqaña.

Chuya Qellqa 1992

¹¹ juiciomantañataqmi reqsichinqa, kay pachallapi kamachikuqqa juzgasqaña kasqanmanta.

Juan 16:11 Iomraidhean Croise

Génesis 3:15

Warmitawan qamtam cheqninachisqayki, cheqninachisaqtaqmi miraynikitawan miraynintapas. Mirayninmi umaykipi sarusunki, qamñataqmi talonninpi kachunki, nispa.

Mateo 12:18

“Paymi serviqniyqa, paytam akllakurqani, payqa kuyasqaymi, payraykum kusisqa kachkani. Espirituytam payman huntaykusaq, Diosta mana reqsiq nacionkunamanmi allin kawsakuymanta willakunqa.

Mateo 12:36

Nikichikmi, juicio punchawpim tukuy mana allinkuna rimasqaykichikmanta llapallaykichik cuentata qonkichik.

Lucas 10:18

Jesusñataqmi nirqa: Arí, ñoqapas Satanastam rikurqani cielomanta rayo hina wichimuqta.

Juan 12:31

Kunanmi kay pachapi kaqkuna juzgasqa kanqa, qarqosqataqmi kanqa kay pachapi kamachikuqpas.

Juan 14:30

Qamkunawanqa manañam unay-ñachu rimasaq, ñam hamuchkanña kay pachapi kamachikuq. Payqa manam imaniraqllatapas ñoqamantaqa munaychakunchu.

Juan 16:12

Achkaraqmi qamkunaman ninay kachkan, ichaqa manaraqmi entien-dewaqchikchu.

Hechos 10:42

Paymi kamachiwarqaku llapa runakunaman paymanta willakunaykupaq, Jesucristotam Dios churarun wañuqkunatapas hinaspa kawsaqkunatapas juzgananpaq.

Hechos 24:25

Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

Romanos 16:20

Hawkayay qokuq Diosninchikmi Satanastaqa chakikichikman churaspa chaylla sarupanqa. Señorninchik Jesucristopa kuyakuyninyá qamkunawan kachun.

Romanos 2:16

Chaynataqa ruwanqa Jesucris-tontakama llapallan runakunata Dios juzganan punchawpim. Chay punchawpim runapa sonqonpi pakasqa kaqkunatapas Dios juzganqa, imaynam kay allin noticia willakusqayman hina.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

2~Corintios 4:4

Mana iñisqankuraykum, kay pachapi dios yuyaymanayninkuta tutayarachin, chaynapi Cristopa achkirichkaq allin noticianta mana entiendenankupaq. Cristoqa Diospa rikchayninmi.

Efesios 2:2

Wañusqa hinaqa karqankichik kay pachapi mana allin ruwaqkunata qatipakuspaykichikmi hinaspa tutayaypi munaychakuq man allin espiritupa kamachisqanta kasukuspaykichikmi. Kunanpas chay mana allin espirituqa Diosta mana kasukuqkunapim munay-chakuchkan.

Colosenses 2:15

Diosmi llapallanpa qayllanpi Jesucristontakama cruzpi vencespan, mana allin espiritupi atiyniyuqkunatawan, munayniyuqkunata penqayman churarun.

Hebreos 2:14

Tayta-mamanchikpa mirayninkuna kaspanchikmi aychanmantawan yawarninmanta kanchik. Jesuspas ñoqanchik hina cuerpoyuqmi karqa, chaynaqa karqa wañuyta reqsispan wañuypi munaychakuq diablota chinkachinanpaqmi.

Hebreos 6:2

bautismomantapas, iñiqkunapa hawanman maki churaymantapas, wañuqkuna kawsarimunanmantapas chaynataq wiñaypaq castigomantapas.

Hebreos 9:27

Diospa citasqanman hinaqa huk kutillatam runakunaqa wañunqa, chaypa qepantañataqmi juicio hamunqa,

2~Pedro 3:7

Kunan kaq cielokunawan kay pachaqa, Diospa rimarisqanman hinam juicio punchawpi ninawan tukusqa kananpaq waqaychasqa kachkan, chaypitaqmi huchasapa runakunapas chinkachisqa kanqaku.

1~Juan 3:8

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.

Apocalipsis 1:7

Qawaychik, puyupim Cristo hamuchkan. Llapallan runakunam rikunqaku, rikunqakutaqmi espadawan tuksiqkunapas, kay pachapi llapallan runakunapas paymantam waqanqaku. Arí, chaynam kanqa. Amén.