Juan 16:10 - CHUYA QELLQA La Biblia en Quechua de Ayacucho 2012

¹⁰ Diospa kuyakuyninmantaqa reqsichinqa, Taytaman kutikuptiy manaña rikuwasqaykichikraykum,

Quechua Ayacucho Bible 1987

¹⁰ Cuentatam qokunqaku Diospa munasqanman hina kawsanankumanta. Ñoqaqa richkani Taytapa kasqanmanmi, qamkunapas manañam rikuwankichikchu.

Chuya Qellqa 1992

¹⁰ Diospa kuyakuyninmantaqa reqsichinqa, Taytaman kutikuptiy manaña rikuwasqaykichikraykum,

Juan 16:10 Iomraidhean Croise

Isaías 42:21

Allin ruwaq kasqanraykum Tayta Diosqa yachachikuyninta hatunchaspa reqsisqata ruwarqa.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Juan 16:28

Taytapa kasqanmantam kay pachaman hamurqani, kunanñataqmi kay pachata saqespay Taytayman kutisaq, nispa.

Juan 16:5

Kunanmi ichaqa kachamuwaqniypa kasqanman richkani. Ichaqa manam mayqannikichikpas tapuwankichikchu: “¿Maytataq richkanki?” nispaqa.

Juan 3:14

Imaynam Moisespas maqta uruta broncemanta ruwaspa chunniqpi hoqarirqa, chaynam runapa Churinpas hoqarisqa kanqa.

Juan 5:32

Ñoqamantaqa hukmi willakun, yachanim paypa willakuyninqa cheqap kasqanta.

Juan 7:33

Jesusñataqmi nirqa: Pisi tiempollañam qamkunawan kasaq, ñam kutikusaqña kachamuwaqniyman.

Hechos 17:31

Diosmi huk runata akllarun, paymi akllasqan punchawpi mana pimanpas sayapakuspa kay pachata juzganqa. Chayta llapa runakuna creenankupaqmi chay akllasqan Jesusta wañusqanmanta Dios kawsarichimurqa, nispa.

Hechos 2:32

Kay Jesustam Dios kawsarichimurqa, cheqaptapunim chaytaqa llapallayku rikurqaniku.

Hechos 3:14

Jesusqa Chuya hinaspa justo kachkaptinmi Pilato libraykunanta harkakuspa runa wañuchiq runataraq kacharinanpaq mañakurqankichik.

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Romanos 1:17

Kay allin noticiam reqsichiwanchik, imaynam mana huchayuqpaqña Diospa chaskiwasqanchikta, chayqa Diospi hapipakuspa iñikuptillanchikmi. Chuya Qellqapim kaynata nin: “Allin ruwaq runaqa iñikuspallam kawsanqa”, nispa.

1~Corintios 1:30

Qamkunatam ichaqa Diospuni Cristo Jesuswan hukllawasurqankichik, paytam churarqa yachayninchik, pampachaqninchik, chuyanchaqninchik hinaspa salvaqninchik kananpaq.

2~Corintios 5:21

Cristoqa manam huchallikurqachu, ichaqa ñoqanchikraykum huchanchikkunata Dios qepiykachirqa, chaynapi Cristowan huklla kaspanchik Diospa munasqanman hinaña kawsananchikpaq.

Gálatas 5:5

Ñoqanchikmi ichaqa Chuya Espiritupa yanapakuy-ninwan, mana huchayuqpaqña chaskisqa kananchikpaq iñiyllanchikwan suyachkanchik.

1~Timoteo 3:16

Mayna hatunmi Diosman iñinanchikpaq pakasqa kaqkuna qawachiwasqanchikqa: “Diosmi runayarurqa, Espíritu yanapaptinmi acusaqninkunata vencerqa, payqa angelkunapa qawasqanmi karqa, llapallan nacionkunapim willakusqa karqa, kay pachapi kaqkunapa iñisqanmi karqa, hanaq pachapipas chaskisqam karqa”.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.