Juan 15:5 - CHUYA QELLQA La Biblia en Quechua de Ayacucho 2012

⁵ Ñoqam kani uvas planta, qamkunañataqmi kallmaykuna kankichik. Ñoqapi takyaqqa achkatam rurunqa. Ñoqamanta sapaqchakuruspam ichaqa mana imatapas ruwayta atiwaqchikchu.

Quechua Ayacucho Bible 1987

⁵ —Ñoqam kani uvas planta, qamkunañataqmi kankichik kallmaykuna. Ñoqapi takyaqqa achkatam rurunqa. Ñoqamanta sapaqchakuruspam ichaqa mana imatapas rurawaqchikchu.

Chuya Qellqa 1992

⁵ Ñoqam kani uvas planta, qamkunañataqmi kallmaykuna kankichik. Ñoqapi takyaqqa achkatam rurunqa. Ñoqamanta sapaqchakuruspam ichaqa mana imatapas ruwayta atiwaqchikchu.

Juan 15:5 Iomraidhean Croise

Proverbios 11:30

Allin kawsakuypa rurunqa kawsaymi, alma ganaqmi ichaqa allin yachayniyuq.

Oseas 4:8

Llaqtaypa huchallikusqanmantam paykunaqa mikunku, chayraykum paykunaqa aswanraq huchallikuyman llaqtayta tanqanku.

Mateo 13:21

ichaqa mana sumaqta sapichakusqanraykum mana unaytachu kawsarqa. Paykunam Diospa palabranrayku cheqnisqa qatikachasqa kaspanku chaylla wichirunku.

Juan 12:24

Cheqaptapunim nikichik, allpaman huk trigo wichispa mana wañuspanqa hina kaqllam kanqa, wañuspanmi ichaqa achkallataña rurunqa.

Juan 15:16

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Juan 5:19

Jesusmi nirqa: Cheqaptapunim nikichik, Churiqa kikillanmantaqa manam ima ruwaytapas atinmanchu, aswanqa Taytapa ruwasqankuna rikusqallantam. Taytapa tukuy ima ruwasqantam Churipas ruwan.

Juan 9:33

Sichum kay runa, Diosmanta mana hamuspanqa manachá kaykunataqa ruwanmanchu, nispa.

Hechos 4:12

Jesusmanta hukpiqa manam salvación kanchu, kay pachapiqa manataqmi huk sutiqa kanchu salvakunapaqqa ichaqa Jesusllam, nispa.

Romanos 12:5

Chaynataqmi ñoqanchikpas achkallaña kachkaspapas Cristoman hukllawakuspanchikqa chullallaña kachkanchik, huk cuerpopa partenkuna kachkaspapas llapanchikmi hukllaña kachkanchik.

Romanos 6:22

Huchamanta librakuruspam ichaqa Diospa sirvientenña rikurirunkichik, chayqa allinnikichikpaqmi hinaspa chuya kawsakuymi tukupayninñataqmi wiñay kawsayman apakun.

Romanos 7:4

Wawqe-panillaykuna, chaynam qamkunapas Cristoman hukllawa-kuspaykichikqa leypaqa wañurunkichikña, wañusqanmanta kawsari-muq Jesucristowan hukllaña kanay-kichikpaq, chaynapi Diosllataña servinanchikpaq.

1~Corintios 10:16

Señorpa cenanta tomaspa Diosman graciasta qospanchikqa ¿Manachu Cristopa yawarninman hukllawakuchkanchik? Tantata pakispanchikpas ¿Manachu Cristopa cuerponman hukllawakuchkanchik?

1~Corintios 12:12

Runapa cuerponqa huklla kachkaspapas achka parteyuqmi, ichaqa achka parteyuq kachkaspapas huk cuerpollam, chaynam Cristopas.

1~Corintios 12:27

Qamkunaqa Cristopa cuerponmi kankichik, sapakamam chay cuerpopa parten kankichik.

2~Corintios 13:8

Cheqap kaqpa contranpiqa manam imatapas ruwaymankuchu, aswanqa cheqap kaqpa allinninpaqmi ruwachkaniku.

2~Corintios 9:10

Tarpuqman muhu qoqmi hinaspa mikuqman tanta qoqmi qamkunapaqpas tarpuynikichikta achkayachinqa, achkayachinqataqmi allin ruwaynikichiktapas.

Gálatas 5:22

Chuya Espiritupa ruruyninñataqmi kaykuna: Kuyakuy, kusikuy, hawkayay, pacienciakuy, sumaq sonqoyuq kay, kuyapayakuy, iñiyniyuq kay,

Efesios 5:9

Achkiypi kawsayqa sumaq sonqoyuq kaymi, allin kaqkuna ruwaymi, cheqapman hina kawsakuymi.

Filipenses 1:11

Jesu-cristom yanapasuchkankichik allin ruruchkaq sacha hina allinkunata rurunaykichikpaq, chaynapi Diosta yupaychaspa hatunchanaykichikpaq.

Filipenses 4:13

Kallpanchawaqniy Cristowanmi tukuy ima ruwayta atini.

Filipenses 4:17

Chaynata nispayqa manam chaskiruyllatachu munachkani, aswanqa munachkani yanapawasqaykichikmanta qamkunamanpas Diosqa chaninninpi kutichipusunaykichiktam.

Colosenses 1:10

Mañakuchkanikuqa Señor-pa qatiqninkuna hina kawsaspa, paypa munasqanta ruwaspa allinta rurunaykichikpaqmi chaynataq aswan mastaraq Diosninchikmanta yachanaykichikpaqmi.

Colosenses 1:6

Chay palabraqa qamkunamanwan hinaspa lliw kay pachapi runakunamanmi chayamurqa, hinaspam allinta ruruspan tukuy hinastinpi mirachkan, chaynaqa kachkan uyarisqaykichik hinaspa Diospa kuyakuynin chaskisqaykichik punchawmantaraqmi.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

1~Pedro 2:4

Señorninchikmanyá asuykuychik, payqa kawsaq rumim, paytam runakuna wischupakurqaku, Diospaqmi ichaqa akllasqa ancha valorniyuq sumaq kawsaq rumi.

2~Pedro 3:18

Aswanqa salvaqninchik Señor Jesucristopa kuyakuyninpi wiñaspayá aswan-aswan payta reqsiychik. ¡Paytayá kunanmanta wiña-wiñaykama yupaychasun! Amén.