Juan 15:2 - CHUYA QELLQA La Biblia en Quechua de Ayacucho 2012

² Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Quechua Ayacucho Bible 1987

² Mana ruruptinqa paymi kuchun ñoqapi kaq kallmakunata, ruruq kallmatañataqmi rawmapaykun aswanraq rurunanpaq.

Chuya Qellqa 1992

² Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Juan 15:2 Iomraidhean Croise

Jobwan Sutichasqa Libro 17:9

Allin ruwaq runakunaqa kawsasqanpim kallpanchakunku, mana huchayuqkunaqa kallpankutam mirachinku.

Proverbios 4:18

Allin runakunapa ñanninqa pacha achikyay hinam, achkimusqanman hinam suma-sumaqta kancharimun.

Isaías 27:9

Chaywanpas Jacobpa mirayninkunapa huchantaqa pampachanqam, ichaqa kaykunatam ruwananku: Idolonkupa altarninkunatam isku rumita hina ñutupananku, Asera idolonkutam wikapananku, idolonkupaq incienso kañananku altarkunatam tuñichinanku.

Isaías 29:19

Sumaq sonqoyuqkunam Tayta Diospi kusikunqaku, pasaypaq wakchakunam Israelpa Chuya Diosninrayku kusikunqaku.

Daniel 11:35

Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Oseas 6:3

Tayta Diosta reqsiypi kallpanchakusun, tutapay inti kancharimuq hinaraqmi payqa ñoqanchikman lloqsirimunqa. Yapuy parawan poqoy para hinraqmi ñoqanchikman chayaykamunqa, nispanku.

Malaquías 3:3

Leví ayllutam qorita qollqeta hina Tayta Dios chuyanchanqa. Chaymantañam paykunaqa Tayta Diospa munasqanman hina ofrendata apamunqaku.

Mateo 13:12

Kapuqniyuqmanqa ach-kataraqmi qonqaku, chaynapi aswan kapuqniyuqraq kananpaq; mana kapuqniyuqmantam ichaqa aslla kapuqninpas qechusqa kanqa.

Mateo 13:33

Jesusmi huk rikchanachiytawan nirqa: Diospa munaychakuyninqa levaduramanmi rikchakun, chay levadurawanmi huk warmi kimsa tupu harinata chapururqa hinaptinmi lliwta poqorachirqa, nispan.

Mateo 15:13

Payñataqmi nirqa: Hanaq pacha Taytaypa mana tarpusqan plantaqa sapinmanta chutasqam kanqa.

Mateo 21:19

Chaymi ñanpa patanpi higosta rikuruspan asuykurqa. Ichaqa manam ima rurutapas tarirqachu aswanqa llaqellantam. Chayraykum chay higosta nirqa: ¡Kunanmantaqa manañam haykapipas rurunkiñachu! nispan. Hinaptinmi chaypunilla chay higos chakirurqa.

Mateo 25:29

Kapuqniyuqmanqa aswanraqmi qosqa kanqa, chaynapi aswan kapuqniyuq kananpaq; mana kapuqniyuqmantam ichaqa aslla kapuqninpas qechusqa kanqa.

Mateo 3:10

Hachaqa ñam sachakunapa sapinman churasqaña kachkan. Mana allin ruruq sachakunaqa kuchusqa kaspam ninaman wischusqa kanqa.

Mateo 3:12

Payqa makinpim hurkitanta apamuchkan, chaywanmi trigota pajanmanta rakinanqa; trigotam taqeman apaykunqa, pajatañataqmi mana amachay atina ninapi kañanqa, nispa.

Mateo 7:19

Mana allin ruruq sachaqa kuchuchikuspam ninaman wischuchikunqa.

Marcos 4:20

Allin allpaman wichiq muhuñataqmi Diospa palabranta uyariykuspa chaskikuq runaman rikchakun, paykunaqa achkanpim rurunku; paykunaqa chullallamantam rurun kimsa chunkata, soqta chunkata hinaspa pachakta, nispa.

Lucas 8:13

Ranraman wichiqñataqmi Diospa palabranta uyariykuspa kusikuyllawanña chaskiqkuna, ichaqa manam sapichakunkuchu. Paykunaqa pisi tiempollapaqmi iñinku, chaynapim sasachakuykuna hamuruptin chaylla kutikunku.

Juan 15:1

Ñoqam kani cheqap uvas planta, Taytayñataqmi chakrapi llamkaq.

Juan 15:16

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Juan 15:3

Qamkunaqa rimapayasqay palabraykunawanmi limpioña kachkankichik.

Juan 15:6

Pipas ñoqapi mana takyaqqa qorusqa kallma hinam wischusqa kanqa, chakiruspanmi ninapi rupananpaq wischusqa kanqa.

Juan 15:8

Taytaqa hatunchasqa kanqa achkata ruruptikichikmi, chaynapim qamkunaqa cheqap discipuloykuna kankichik.

Juan 17:12

Paykunawan kay pachapiraq kaspayqa atiyniyuq sutikipim nanachikurqani, qowasqaykikunataqa allintam waqaycharqani, manam mayqanllanpas chinkarqachu, ichaqa chinkananpaq kaq runallam, chaynapi Qellqapa nisqan cumplikunanpaq.

Romanos 11:17

Imaynam allin aceitunas sachapa kallmanta kuchuruspa huk purun aceitunas sachapa kallmantaña injertachkaq hinam, judiokunapa Diosmanta karunchakurusqankurayku qamkunaña injertasqa karunkichik. Chaymi allin aceitunas sachapa sapinwan alimentasqa kachkankichik.

Romanos 11:22

Chaynaqa, qawariy Diosqa kuyakuq kasqanta chaynataq imam rimasqan cumpliq kasqanta. Mana kasukuqkunapim rimasqanta cumplin, qamkunawanñataqmi kuyakuyninta. Mana chayqa paykuna hinachá kuchusqa kawaqchik.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

1~Corintios 13:1

Sichum ñoqa rimayman runa-kunapa chaynataq angelkunapa rimayninpipas, ichaqa mana kuyakuyniy kaptinqa campanapa otaq platillopa chinchinyaynin hinallam kani.

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 12:15

Cuidakuychikyá, yanqañataq Diospa kuyapayakuyninta mana haypawaqchikchu, chaynapi qatqe sachapa sapin hina wiñaspa achkaqta chaqwaspan lliwta qatqeyarachisunkichikman.

1~Juan 2:19

Paykunaqa ñoqanchikmantam lloqsirunku, ichaqa manam ñoqanchik partechu karqaku, sichum ñoqanchik parte kaspankuqa ñoqanchikwanchá sayanmanku karqa. Paykunaqa lloqsirunku mana lliwchu iñiqmasinchik kasqanta yachanapaqmi.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.