Juan 15:18 - CHUYA QELLQA La Biblia en Quechua de Ayacucho 2012

¹⁸ Runakuna cheqnisuptikichikqa yuyariychikyá qamkunamantapas puntataqa ñoqata cheqniwasqankuta.

Quechua Ayacucho Bible 1987

¹⁸ —Runakuna cheqnisuptikichikqa yuyariychikyá qamkunamantapas puntataqa ñoqata cheqniwasqankuta.

Chuya Qellqa 1992

¹⁸ Runakuna cheqnisuptikichikqa yuyariychikyá qamkunamantapas puntataqa ñoqata cheqniwasqankuta.

Juan 15:18 Iomraidhean Croise

1~Reyes 22:8

Chaymi Josafatta Israelpa reynin nirqa: Arí, tapunanchikpaqqa kachkanraqmi Tayta Diospa huk profetan, payqa Imlapa churin Micaiasmi, paytaqa cheqninim, manam haykapipas allintaqa willawanchu aswanqa mana allinllatam, nispa. Josafatñataqmi nirqa: Ama chaynataqa niychu, nispa.

Proverbios 29:27

Allin ruwaq runakunaqa, mana allin runakunataqa cheqninkum; mana allin runakunañataqmi allin ruwaq runakunata millakunku.

Isaías 49:7

Israelta libraq Tayta Diosmi nin, Israelpa chuya Diosninmi nin, wakin runakunapa usuchisqan runata, nacionkunapa cheqnisqan runata, kamachikuqkunapa serviqninmanmi nin: Reykunawan kamachikuqkunam qawasuspayki sayarispanku qayllaykipi kumuykunqaku. Chaynataqa ruwanqaku Israelpa ñoqa Tayta Diosnin akllaqniki kasqayraykum.

Isaías 53:3

Runakunapapas wischupakusqan qepanchasqan runam karqa, nanaypa huntasqan runam karqa, ñakariypa intuykusqan runam karqa, runakunapapas mana rikuy munasqankum karqa, paytaqa manam kaqpaqpas hapirqanchikchu.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Zacarías 11:8

Hinaspam huk killallapi kimsa michiqkunata qarqorurqani. Paykunaqa llumpaytañam cheqniruwarqaku, ñoqapas paqwaytañam paykunata amirurqani.

Mateo 10:22

Ñoqaraykum llapallan runakuna cheqnisunkichik, ichaqa pipas tukupaykama takyaqmi salvakunqa.

Mateo 24:9

Hinaptinmi ñakarinaykichikpaq entregasqa kaspa wañuchisqa kankichik, ñoqaraykum llapa runakuna cheqnisunkichik.

Mateo 5:11

Mayna kusisqam kankichik ñoqa-rayku kamisuptikichik, ñakarichi-suptikichik hinaspa contraykichikpi llullakunata rimaptinkuqa.

Marcos 13:13

Ñoqaraykum lliw runakuna cheqnisunkichik, ichaqa tukupaykama takyaqmi salvasqa kanqa.

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Juan 16:1

Tukuy kaykunatam nikichik iñiynikichikpi mana hukmanyanaykichikpaq.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Juan 3:20

Mana allinkunata ruwaq runakunaqa achkiytaqa cheqninkum, mana allinkuna ruwasqankuta mana qawachikunankurayku.

Juan 7:7

Qamkunataqa runakunapas manam cheqnisunkichikchu, ñoqatam ichaqa cheqniwanku tukuy mana allinkuna ruwasqankuta qawachisqayrayku.

Hechos 14:22

Chay llaqtakunapim Jesucristoman iñikuqkunata imam creesqankupi qaqa hina sayanankupaq kallpancharqaku: Diospa munaychakuyninman yaykuqqa achka sasachakuytam ñakarinan, nispanku.

Hebreos 12:2

Jesusta qawaspayá kallpasunchik, paymantam iñiyninchikqa hamurqa paytaqmi qespichiwaqninchikpas. Jesusmi penqakuytapas qepaman churaykuspan cruzpi ñakarirqa, chaypa qepanta kusikuy kananta yachaspanmi, Diospa alleq lawninpi tiyaykurqa.

Santiago 4:4

¡Diosta qepanchakuq runakuna! ¿Manachu yachankichik kay pachapi kaqkunallata kuyaruspaqqa Diospa enemigonña kasqaykichikta? Pipas kay pachapi kaqkunallata kuyaruqqa Diospa enemigonmi rikurirun.

1~Juan 3:1

Qawariychik, mayna-maynatam Dios Taytaqa kuyawanchik, Diospa churinwan sutichasqa kananchikpaq. Chayraykum kay pachapi runakunaqa mana reqsiwanchikchu, Diosta mana reqsisqankurayku.

1~Juan 3:13

Wawqe-panillaykuna, kay pachapi mana allin ruwaqkuna cheqnisuptikichikqa, amayá hukmanyaychikchu.

1~Juan 3:3

Pipas paypi confiakuspan suyaqqa huchankunamantam chuyanchakun, imaynam Jesucristopas mana huchayuq kasqanman hina.