Juan 15:16 - CHUYA QELLQA La Biblia en Quechua de Ayacucho 2012

¹⁶ Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Quechua Ayacucho Bible 1987

¹⁶ Manam qamkunachu ñoqataqa akllawarqankichik, ñoqam qamkunataqa akllarqaykichik hinaspam churarqaykichik achkata rurunaykichikpaq chaynapi rurusqaykichik takyananpaq. Chaynaqa Taytam qosunkichik ñoqapa sutiypi llapa ima mañakusqaykichikta.

Chuya Qellqa 1992

¹⁶ Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Juan 15:16 Iomraidhean Croise

Génesis 18:18

Abrahampa mirayninkunaqa ancha hatun nacionmi kanqa, payraykum llapallan nacionkunata bendecisaq.

Proverbios 11:30

Allin kawsakuypa rurunqa kawsaymi, alma ganaqmi ichaqa allin yachayniyuq.

Isaías 27:6

Hamuq punchawkunapim Jacobqa sapichakunqa, Israelmi chikllispa sisanqa rurunkunam kay pachata huntaykunqa.

Miqueas 5:7

Jacobpa mirayninkunamanta puchuqkunam, llapa llaqtakunapa chawpinpi kanqaku, Diosmanta hamuq sulla hinaraq, pastokunaman chayaq para hinaraqmi kanqaku. Parawan sullaqa chayamun manam runapa munasqanman hinachu.

Mateo 21:22

Sichum imatapas iñiywan mañakuspaykichikqa chaskinkichikpunim, nispan.

Mateo 7:7

Mañakuptikichikqa qosunkichikmi, maskaspaqa tarinkichikmi, qayakuptikichikqa kichamusunkichikmi.

Lucas 6:13

Achikyaramuptinmi discipulonkunata qayaykuspan paykunamanta chunka iskayniyuqta akllarqa. Paykunatam apostolwan suticharqa.

Juan 13:18

Manam llapallaykichikmantachu ñoqaqa rimachkani, reqsinim pikunam akllasqaytaqa. Qellqapa nisqanpi hina: “Mikuqmasiypas contraypim hatarirun” nisqanmi cumplikunan.

Juan 15:19

Kay pachapaq kaptikichikqa runakunachá kuyasunkichikman kikinkuta hina, ichaqa manam kay pachapi kaqñachu kankichik, aswanmi kay pachamanta akllakurqayki-chik, chayraykum runakunaqa cheq-nisunkichik.

Juan 15:5

Ñoqam kani uvas planta, qamkunañataqmi kallmaykuna kankichik. Ñoqapi takyaqqa achkatam rurunqa. Ñoqamanta sapaqchakuruspam ichaqa mana imatapas ruwayta atiwaqchikchu.

Juan 6:70

Chaymi Jesusñataq nirqa: ¿Manachum ñoqaqa chunka iskayniyuqta akllarqaykichik? Ichaqa huknikichikmi diablo, nispa.

Hechos 1:24

Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 10:41

Manam llapallan runakunamanchu rikurirqaqa, aswanqa ñoqallaykumanmi, Jesusmanta willakunaykupaq ñawpaqmantaraq Diospa akllasqan kasqaykurayku. Kawsariramuptinmi Jesuswan kuska mikurqaniku hinaspa tomarqaniku.

Hechos 22:14

Hinaptinmi pay niwarqa: “Ñawpaq taytanchikkunapa Diosninmi akllasurqanki paypa munasqanta yachanaykipaq, hinaspa justo kaq Jesusta rikuruspayki kikinpa vozninta uyarinaykipaq.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Romanos 1:13

Wawqe-panillaykuna yachaychikyá, achka kutipim qamkunaman chayaykamuyta munarqani, ichaqa hamuyta munaptiypas sasachakuykunam harkawarqa. Anchatam munachkani wakin llaqtakunapi hina qamkunapipas iñiq-kuna miraykachiyta.

Romanos 1:5

Diospa kuyakuyninman hinam apóstol kanaypaq Jesucristontakama akllasqa karqani, chaynapi llapallan nacionkuna Jesucristopi iñispanku payllataña kasukunankupaq.

Romanos 15:4

Ñawpaqta imapas qellqasqa kaqkunaqa yachachiwananchikpaqmi qellqasqa karqa, chaynapi pacienciakuspa chay qellqapa nisqanman hina kallpanchakuspa suyananchikpaq.

Romanos 9:21

Manka ruwaqqa imam munasqantam mitumantaqa ruwan. Munarispaqa kuyayllapaq allin qawasqa mankatam ruwan, chay mitullamantataqmi mana allinpaq qawasqa mankatapas ruwan.

1~Corintios 10:11

Tukuy chaykunam ñawpaq taytanchikkunata pasarqa, ejemplonchik kananpaq, chaykunam qellqasqa karqa qepa tiempokunapi yuyayta hapispa allinta kawsananchikpaq.

Gálatas 1:15

Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa.

Efesios 2:10

Diospa ruwasqanmi kanchik, paymi unanchawarqanchik Cristo Jesuswan huklla kaspa allinkunata ruwananchikpaq, chaykunataqa Diosmi ñawpaqmantaraq ruwarqaña chayman hina kawsananchikpaq.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.

Colosenses 1:6

Chay palabraqa qamkunamanwan hinaspa lliw kay pachapi runakunamanmi chayamurqa, hinaspam allinta ruruspan tukuy hinastinpi mirachkan, chaynaqa kachkan uyarisqaykichik hinaspa Diospa kuyakuynin chaskisqaykichik punchawmantaraqmi.

1~Timoteo 2:7

Chaypaqmi Dios akllawarqa apostolnin kaspay mana judío kaq runakunaman Jesucristomanta willakamunaypaq. Paykunatam yachachichkani cheqap yachachikuykunata hinaspa imaynam iñinankuta. Ñoqaqa cheqaptapunim rimachkani, manam llullakunichu.

2~Timoteo 1:11

Diosmi churawarqa Jesucristomanta allin noticiata willakunaypaq, apostolnin hinaspa yachachikuq kanaypaq.

2~Timoteo 2:2

Achka runakunapa qayllanpi uyariwasqaykita, iñiyninpi allin takyaq runa-kunaman yachachiy, chaynapi paykunapas hukkunaman yachachinankupaq.

Tito 1:5

Creta islapim qamtaqa saqemurqayki, mana ruway tukusqa kaqkunata tukunaykipaq hinaspa sapa llaqtapi kaq iglesiapi ancianokunata churanaykipaq.

Hebreos 11:4

Iñiyllawanmi Abelpas wawqen Cain-mantapas aswan allinnin sacrificiota Diospaq kañarqa. Chayraykum Diosqa allin ruwaqpaq hapispa ofrendantapas chaskirqa, chaymi wañusqaña kachkaptinpas hinallaraq iñiyninmanta rimachkan.

Santiago 3:18

Hawkayay maskaqkunaqa, hawkayaypim tarpuchkanku allin kawsakuypa ruruyninta cosechanankupaq.

1~Pedro 3:15

Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuqnikichikta tupaqninpi kutichikunaykichikpaq, chaytaqa uchuy-chakuspa hinaspa respetowan ruwaychik.

1~Pedro 3:2

Respetowan allin kawsasqaykichikta qawaspankum iñikunqaku.

1~Juan 4:10

Cheqap kuyakuyqa kaynam: Manam ñoqanchikchu Diostaqa kuyarqanchik, aswanqa paymi ñoqanchikta kuyawaspanchik sapallan Churinta kachamurqa rantinchikpi wañunanpaq, chaynapi huchanchikkuna pampachasqa kananpaq.

1~Juan 4:19

Diostaqa kuyanchik paypuni puntata kuyawasqanchikraykum.