Juan 15:12 - CHUYA QELLQA La Biblia en Quechua de Ayacucho 2012

¹² Kaymi kamachikuyniyqa: Huknikichikmanta huknikichikkamayá kuyanakuychik, imaynam ñoqapas qamkuna kuyasqayta hina.

Quechua Ayacucho Bible 1987

¹² Kaymi kamachikuyniy: “Kuyanakuychikyá qamkunatapas kuyasqayman hina.”

Chuya Qellqa 1992

¹² Kaymi kamachikuyniyqa: Huknikichikmanta huknikichikkamayá kuyanakuychik, imaynam ñoqapas qamkuna kuyasqayta hina.

Juan 15:12 Iomraidhean Croise

Malaquías 1:2

Tayta Diosmi kaynata nin: Ñoqaqa anchatam kuyarqaykichik, nispa. Qamkunam ichaqa ninkichik: “¿Imay-natataq kuyawarqankiku?” nispaykichik. Tayta Diosñataqmi nin: “Qamkunataqa kuyaykichik imaynam Jacobta kuyasqayta hinam. Esauwan Jacobqa wawqentinmi karqaku, ichaqa Jacobtam kuyarqani,

Juan 13:34

Musoq kamachikuytam qoykichik, huknikichikmanta huknikichikkama kuyanakuychik. Imaynam ñoqa kuyaykichik chaynatayá qamkunapas huknikichikmanta huknikichikkama kuyanakuychik.

Juan 15:17

Kaytam kamachikichik: Huknikichikmanta huknikichikkamayá kuyanakuychik.

Romanos 12:10

Wawqe-panintin hinayá huknikichikmanta huknikichikkama kuyanakuychik. Respetanakuspayá wakiqnikichikta imapipas aswan allinpaq hapiychik.

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

1~Tesalonicenses 3:12

Señoryá huknikichikmanta huknikichikkama kuyanakuynikichikta llimparichichun, chaynallataq llapallan runakuna kuyanaykichikpaqpas, imaynam qamkunapaq kuyakuyniykuta hina.

1~Tesalonicenses 4:9

Wawqe-panintin kuyanakuymanta qellqamunaykutaqa manañam nece-sitankichikñachu, Diosqa ñam yachachi-surqankichikña imaynam kuyanakunay-kichikmantaqa.

2~Tesalonicenses 1:3

Wawqe-panillaykuna, qamkunamantam Diosman tukuy tiempo graciasta qonayku, chayqa allinmi, chaynataqa ruwanayku qamkunapa iñiynikichik wiñasqanraykum chaynataq sapakamapa kuyanakuynikichik mirasqanraykum.

1~Pedro 1:22

Kunanqa Espirituntakama cheqap kaqta kasukuspam, almaykichiktapas chuyancharunkichikña wawqe-panin-chikkunawan kuyanakunaykichikpaq. Chaynaqa, qamkunapurayá chuya sonqoykichikwan hinaspa tukuy kallpaykichikwan kuyanakuychik.

1~Pedro 3:8

Chaynaqa, llapallaykichikyá huk sonqolla kawsaychik, llakipayanakuspa, kuyanakuspa hinaspa lliwpaq allin runa kaychik.

1~Pedro 4:8

Tukuy imamantapas llalliriqtaqa kuyanakuychik-yá, kuyanakuyqa maynaña huchatapas pampachaykunmi.

1~Juan 3:23

Kamachiwanchikqa Churin Jesucristoman iñinanchikpaqmi hinaspa kuyanakunanchikpaqmi.

1~Juan 4:21

Jesucristom kaynata kamachi-warqanchik: “Diosta kuyaqqa runamasintapas kuyachunyá”, nispa.

2~Juan 1:5

Señora, kunanñataqmi ruegakamuyki lliwchanchikyá kuyanakusun. Kay qellqamusqayqa manam musoq kamachikuychu, aswanqa ñawpaqmantaraq Diospa qowasqanchik kamachikuymi.