Juan 15:11 - CHUYA QELLQA La Biblia en Quechua de Ayacucho 2012

¹¹ Kaykunataqa nikichik kusikuyniy qamkunapi kananpaqmi, chaynapi kusikuynikichik qespisqa kananpaq.

Quechua Ayacucho Bible 1987

¹¹ —Kaykunataqa nikichik ñoqawan kusikunaykichikpaqmi, chaynapi cheqap kusikuyniyoq kanaykichikpaq.

Chuya Qellqa 1992

¹¹ Kaykunataqa nikichik kusikuyniy qamkunapi kananpaqmi, chaynapi kusikuynikichik qespisqa kananpaq.

Juan 15:11 Iomraidhean Croise

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Isaías 62:4

Manañam pipas “Saqerusqa llaqta” nispa sutichasunkiñachu, allpaykitapas manam “Purmachisqa allpa” ninqakuñachu. Aswanqa “Diospa kuyasqan” nispam sutichasunki, “Diospa esposan” nispam sutichasunki. Chaynataqa sutichasunki Tayta Diospa kuyakuynin qanwan kasqanraykum, allpaykipaqpas paymi qosan hina kanqa.

Jeremías 32:41

Paykunata bendecispaymi paykunawan kusikusaq. Cheqaptapunipas tukuy sonqoywan hinaspa kuyakuyniywanmi kay allpapi kawsachisaq.

Jeremías 33:9

Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Sofonías 3:17

Tayta Diosmi chawpikipi tarikun, payqa Tukuy Atiyniyuqmi, salvaykusunkim. Señorqa anchatam qamrayku kusikunqa. Kuyakuyninwanmi musoq kawsayta qosunki, qamraykum kusikuspan takinqa”, nispanku.

Lucas 15:23

Wiran malta torota pusamuspa nakaychik, kusikuymanta fiestata ruwaspa mikunanchikpaq.

Lucas 15:32

Chay-naqa, ¿imanasqataq kay wawqeki kuti-ramusqanmantaqa mana fiestata ruwaspa kusikuchwanchu? Kay wawqekiqa wañusqam karqa, kunanmi ichaqa kawsariramun; chinkasqam karqa, kunanmi ichaqa tarisqaña”, nispa.

Lucas 15:5

Tariramuspanñataqmi kusisqallaña hombrorikamunqa.

Lucas 15:9

Tariruspanqa amistadninkunatawan vecinankunata huñuykuspan ninqa: “Hamuychik ñoqawan kusikusunchik, chinkarachisqay qollqetam tariruni”, nispa.

Juan 16:24

Kunankamam sutiypiqa manaraq imatapas mañakurqankichikchu. Mañakuychikyá hinaspaqa chaskinkichikmi, chaynapim kusikuynikichik qespisqa kanqa.

Juan 16:33

Kaykunataqa nikichik hawkayayta ñoqapi tarinaykichikpaqmi. Kay pachapiqa ñakarinkichikmi, ichaqa kallpanchakuychikyá, kay pachapi mana allinkunataqa venceruniñam, nispa.

Juan 17:13

Kunanqa qampa kasqaykimanmi hamuchkaniña. Kay pachapiraqmi nichkani kaykunataqa ñoqapa kusikuyniywan huntasqa kanankupaq.

Juan 3:29

Huk casamientopiqa noviollam noviayuqqa, noviopa ladonpi kaq amistadninñataqmi noviopa rimasqanta uyarispan kusikun. Chaynam ñoqapas kunan anchata kusikuni.

Romanos 15:13

Confianzawan suyasqanchik Dios-ninchikyá haykam paypi iñiqkunata kusikuywan hinaspa hawkayaywan huntaykusunkichik, chaynapi Chuya Espiritupa atiyninwan aswan-aswan confiakuspa suyanaykichikpaq.

2~Corintios 1:24

Ñoqaykuqa manam iñisqaykichikpi munaychakuytachu munachkaniku, munachkanikuqa kusisqa kanaykichikpaq yanapaykuytam, qamkunaqa qaqa hinañam iñisqaykichikpi sayachkankichik.

Efesios 5:18

Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik.

Filipenses 1:25

Chayraykum kawsanaymantaqa seguro kachkani, llapallaykichikta yanapanaypaqmi kawsasaqraq chaynapi iñisqaykichikpi wiñanaykichikpaq hinaspa kusikunaykichikpaq.

1~Tesalonicenses 5:16

Tukuy tiempoyá kusisqa kaychik.

1~Pedro 1:8

Jesucristotaqa mana rikuchkaspapas kuyankichikmi, creenkichiktaqmi mana rikuchkaspapas, payta hatunchaspam llumpa-llumpayta kusikunkichik, chaymantaqa manam imayna rimariytapas atichwanchu.

1~Juan 1:4

Kaykunatam qellqamuykiku kusikuynikichik qespichisqa kanapaq.

2~Juan 1:12

Achkam qamkunaman qellqamunay kachkan, ichaqa manam cartallawanqa lliwtaqa nimuykichikmanchu, chaymi piensachkani watukamuspayña qamkunawan rimayta, chaynapi anchata kusikunanchikpaq.