Juan 15:1 - CHUYA QELLQA La Biblia en Quechua de Ayacucho 2012

¹ Ñoqam kani cheqap uvas planta, Taytayñataqmi chakrapi llamkaq.

Quechua Ayacucho Bible 1987

¹ —Ñoqam kani cheqap uvas planta, Taytayñataqmi llamkaq.

Chuya Qellqa 1992

¹ Ñoqam kani cheqap uvas planta, Taytayñataqmi chakrapi llamkaq.

Juan 15:1 Iomraidhean Croise

Cantares 7:12

Tutapaytañataq, uvas chakraman rispa ikllimusqanta otaq mana ikllimusqantapas qawaramusun; waytakuna sisasqanta, granadakuna sisasqanta qawaramusun. Chaypim kuyakuyniyta qosqayki.

Isaías 4:2

Chay tiempopim Tayta Diospa ikllichisqan runa kanqa suma-sumaq kuyayllapaq, Israelpa mirayninkunamanta puchuqkunapa alabakunankupaqmi kanqa. Allpankupa rurun cosechasqankum hatunchakuspa alabakunankupaq kanqa.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Jeremías 12:10

Achka michiqkunam uvas huertayta purmarachinku, chakraytam saruparunku. Ancha kuyasqay allpaytam manaña imayuq kanankama chunnirachinku.

Jeremías 2:21

Allinnin akllasqa uvasta hinam plantarqayki, miski uvaspa kallmanta hinam tarpurqayki, ¿imanasqataq purun uvasmanqa tikrakurunki? ¿Imanasqataq manaña reqsipay uvas plantaqa rikurirunki?

Ezequiel 19:10

Mamaykiqa yakupa patanpi tarpusqa uvas plantamanmi rikchakurqa, allin parqosqa kasqanraykum sumaqta llanllarispa llaqesapallaña karqa.

Oseas 10:1

Israelqa sumaqllaña ruruq uvas hinam, ichaqa achkanpi rurusqanman hinam idolokunata aswanraq mirachispan sumaq altarkunata ruwakurqa.

Zacarías 3:8

Chaynaqa, sumo sacerdote Josué kayta uyariy, uyariwachuntaq sacerdotemasikikunapas, qamkunaqa qepa punchawkunapaqmi señal hina kankichik: Ñoqam pusamusaq serviqniyta, “Ikllirimuqta”, nispa.

Mateo 15:13

Payñataqmi nirqa: Hanaq pacha Taytaypa mana tarpusqan plantaqa sapinmanta chutasqam kanqa.

Mateo 20:1

Diospa munaychakuyninqa rikchakun uvas chakranpaq llamkaqkunata maskamunanpaq tutapayta lloqsiq chakrayuqmanmi.

Mateo 21:33

Kay rikchanachiytawanyá uyariychik: Huk runam chakranpi uvasta plantaruspan muyuriqninta perqarachirqa, vinota ruwananpaqpas huk pozotam ruwachirqa, hinaspam cuidananpaq huk torreta ruwarurqa. Chaymantam chakra llamkaqkunaman arriendakuruspan illarurqa.

Marcos 12:1

Rikchanachiykunawan yacha-chispanmi Jesús nirqa: Huk runam chakranpi uvasta plantaruspan muyuriqninta perqarachirqa, vino ruwananpaqpas huk pozotam ruwachirqa, hinaspam cuidanankupaq huk torretapas ruwachirqa. Chaymantam llamkaqkunaman chakranta arriendakuruspan karuta illarurqa.

Lucas 13:6

Jesusmi rikchanachispan nirqa: Huk runapam uvas chakranpi higos sachan karqa, chaymi rurunta maskaq rispan mana tarirqachu.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Juan 1:9

Llapa runakunata kanchariq cheqap achkiymi kay pachaman hamurqa.

Juan 15:2

Ñoqapi kaq kallmakuna mana ruruqtaqa paymi kuchurunqa, ruruq kallmatañataqmi aswanraq rurunanpaq rawmapaykunqa.

Juan 6:32

Chaymi Jesusñataq nirqa: Cheqaptapunim nikichik, manam Moiseschu hanaq pachamanta hamuq tantataqa qosurqankichik, aswanqa Taytaymi hanaq pachamanta cheqap tantataqa qosuchkankichik.

Juan 6:55

Aychayqa cheqap mikuymi, yawarniypas cheqap tomaymi.

Romanos 11:17

Imaynam allin aceitunas sachapa kallmanta kuchuruspa huk purun aceitunas sachapa kallmantaña injertachkaq hinam, judiokunapa Diosmanta karunchakurusqankurayku qamkunaña injertasqa karunkichik. Chaymi allin aceitunas sachapa sapinwan alimentasqa kachkankichik.

1~Corintios 3:9

Ñoqaykuqa Diospa llamkapakuqninmi kaniku, qamkunañataqmi kankichik Diospa llamkasqan chakra hinaspa Diospa ruwasqan wasi.

1~Juan 2:8

Chaywanpas, kay qellqamusqayqa musoq kamachikuymi, kayqa cheqapmi Cristopipas chaynataq qamkunapipas, tutayaymi pasachkanña cheqap achkiyñataqmi kanchaykamuchkanña.