Juan 14:6 - CHUYA QELLQA La Biblia en Quechua de Ayacucho 2012

⁶ Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Quechua Ayacucho Bible 1987

⁶ Jesusñataqmi nirqa: —Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqawanqa.

Chuya Qellqa 1992

⁶ Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 14:6 Iomraidhean Croise

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Juan 1:14

Chay Simim runayaruspan ñoqanchikwan yacharqa. Atiynintapas rikurqanchikmi, chay atiytam sapallan Churin kasqanrayku Taytamanta chaskirqa, payqa kuyakuywan hinaspa cheqap kaywan huntarisqam karqa.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Juan 1:4

Kawsaymi paypi karqa, chay kawsaymi llapa runakunapaq achkiy karqa.

Juan 10:28

Ñoqam paykunaman wiñay kawsayta qoni chaymi paykunaqa mana haykapipas chinkanqakuchu, manataqmi pipas makiymantaqa qechuwanqachu.

Juan 10:7

Jesusmi huktawan nirqa: Cheqaptapunim nikichik, ñoqam ovejakunapa yaykunan punku kani.

Juan 10:9

Ñoqam punku kani, pipas ñoqantakama yaykuqqa salvasqam kanqa. Yaykunqam, hinaspam lloqsinqa, pastokunatapas tarinqataqmi.

Juan 14:19

Asllatawanqa kay pachapi runakunaqa manañam rikuwanqañachu, qamkunam ichaqa rikuwankichikraq, qamkunaqa kawsasqayraykum kawsankichik.

Juan 15:1

Ñoqam kani cheqap uvas planta, Taytayñataqmi chakrapi llamkaq.

Juan 18:37

Hinaptinmi Pilato nirqa: Chaynaqa, ¿qamchu rey kachkanki? nispa. Jesusñataqmi nirqa: Qanmi rey kasqaytaqa nichkanki. Chay-paqmi ñoqaqa nacerqani, chaypaqtaqmi kay pachamanpas hamurqani, chaynapi cheqapmanta rimanaypaq. Cheqap kasukuqkunaqa nisqaykunatam uyarin, nispa.

Juan 5:21

Imaynam wañuqkunata Dios Tayta kawsarichispa kawsayta qon, chaynam Churipas pim munasqanman kawsayta qon.

Juan 6:33

Diospa qosqan tantanqa hanaq pachamanta uraykamuqmi, chay tantaqa runakunamanmi kawsayta qon, nispa.

Juan 6:51

Ñoqam kani hanaq pachamanta hamuq kawsay qokuq tanta, pipas chay tantata mikuqqa wiñaypaqmi kawsanqa. Ñoqapa qosqay tantaqa aychaymi, chaytaqa llapa runakuna kawsananpaqmi qosaq.

Juan 6:57

Imaynam kachamuwaqniy Taytay kawsan, ñoqapas paypim kawsani, chaynam aychay mikuqpas ñoqapi kawsanqa.

Juan 6:68

Hinaptinmi Simón Pedroñataq nirqa: Señor, ¿pimantaq risaqku? Qampa rimasqaykiqa wiñay kawsay qokuqmi.

Juan 8:32

hinaspam cheqap kaqta reqsinkichik, chay cheqapmi libreta ruwasunkichik, nispa.

Juan 8:51

Cheqaptapunim nikichik, pipas palabraykunata waqay-chaqkunaqa manam haykapipas wañun-qachu, nispa.

Hechos 3:15

Chaynapim kawsay qokuq Jesusta wañuchirqankichik. Ichaqa Dios Taytam kawsarichimurqa, chaymi Jesús kawsarimusqan rikusqaykumanta testigo kaniku.

Hechos 4:12

Jesusmanta hukpiqa manam salvación kanchu, kay pachapiqa manataqmi huk sutiqa kanchu salvakunapaqqa ichaqa Jesusllam, nispa.

Hechos 9:2

hinaspam cartakunata mañakurqa Damasco lawpi kaq sinagogakunapi kamachikuqkunapaq, chaynapi Jesucristopi iñiqkunata tarispanqa warmitapas qaritapas presota Jerusalenman apamunanpaq.

Romanos 15:16

Jesucristotaqa, servichkani mana judío kaqkunaman Diosmanta allin noticiakunata willakuspaymi, chaynapi paykunata Chuya Espíritu chuyanchaptin allin ofrendata hina Dios chaskinanpaq.

Romanos 5:2

Iñisqanchikraykum Jesucristontakama Diosman asuykunchik hinaspa kuyakuyninwan allinta takyachkanchik. Hinaspataqmi kusikuchkanchik Diosman rikchakuq kancharichkaq suma-sumaq kananchikta confianzawan suyaspa.

Romanos 5:21

Imaynam huchaqa wañuyta aparamuspan munaychakurqa, chaynam Diospa kuyakuyninpas mana huchayuqtaña ruwawaspanchik munaychakurqa, Jesucristontakama wiñay kawsakuyta qowaspanchik.

1~Corintios 15:45

Chuya Qellqapim kaynata nin: Punta kaq Adanmi kawsaq runa karqa, qepa kaq Adanñataqmi kawsay qokuq Espíritu, nispa.

Efesios 2:18

Chaynaqa, Cristontakamallam judío kaspapas mana judío kaspapas kikin Espiritupa yanapakuyninwan Dios Taytaman asuy-kunchik.

Colosenses 2:17

Chaykunaqa hamuq kaqpa llantuynin hinallam karqa, cheqap kaqmi ichaqa Cristo.

Colosenses 2:9

Diospa pim kayninqa Cristopa runa kayninpim kachkan.

Colosenses 3:4

Qamkunapa kawsaynikichikqa Cristom, pay rikurimuptinmi qamkunapas paywan kuska kancharichkaqña rikurimunkichik.

Hebreos 7:25

Chayraykum pipas paynin-takama Diosman asuykuqkunataqa wiñaypaq salvanman. Jesusqa wiñay-paqmi kawsachkan, paykunapaq Diosta mañakunanpaq.

Hebreos 9:8

Chayna kasqanraykum Chuya Espiritupa yachachisqanpi hinapas Chuyay-chuyay lugarqa manaraq kichasqachu karqa, chaynaqa karqa chay Chuya lugarqa hinallaraq kasqanraykum.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Pedro 2:4

Señorninchikmanyá asuykuychik, payqa kawsaq rumim, paytam runakuna wischupakurqaku, Diospaqmi ichaqa akllasqa ancha valorniyuq sumaq kawsaq rumi.

1~Pedro 3:18

Chaynataqmi Cristopas huk kutillata huchanchikkunamanta ñakarirqa. Payqa mana huchayuqmi karqa, ichaqa mana allin runakunata Diosman pusa-wananchikpaqmi ñakarirqa. Aychapi wañukuchkaspapas espiritupa yana-pakuyninwanmi kawsarimurqa.

1~Juan 1:8

Mana huchayuqmi kani nispan-chikqa kikillanchiktam engañakuchkanchik, hinaptinqa cheqap kaqqa manam ñoqanchikpiqa kanchu.

1~Juan 2:23

“Jesucristoqa manam Diospa Churinchu” niq runapa sonqonpiqa manam Dios Taytapas kanchu. “Jesucristoqa Diospa Churinmi” niqkunapa sonqonpim ichaqa Dios Taytapas kachkan.

1~Juan 5:20

Yachanchiktaqmi Diospa Churin hamusqantapas, paymi yachayta qowarqanchik cheqap Diosta reqsinanchikpaq. Cheqap kaq Diospa ChurinJesucristowanmi hukllawas-qa kachkanchik. Payqa cheqap Diosmi hinaspa wiñay kawsaymi.

1~Juan 5:6

Jesucristo kay pachaman hamuspanqa yakuwanmi bautizachikurqa hinaspam wañuspan yawarninta chaqchurqa. Jesucristo pim kasqantaqa yachanchik manam bautizakusqallanwanchu, aswanqa wañusqanpiwanmi. Chaytaqa kikin Espiritum yachachiwanchik. Payqa manam llullakunchu.

2~Juan 1:9

Pantaruspa Jesucristopa yachachi-kuyninpi mana takyaq runapiqa Dios-qa manam kanchu. Jesucristopa yacha-chikuyninkunapi takyaq runapim ichaqa Dios Taytapas hinaspa Dios Churipas kachkan.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 19:11

Chaymantam rikurqani hanaq pacha kicharayachkaqta, chaypim huk yuraq caballo rikurirurqa, sillakuqninpa sutinmi kasqa “Fiel hinaspa Cheqap” niq. Payqa mana pimanpas sayapakuspam allin arreglota ruwaspa kamachikusqa chaynataq peleasqapas.

Apocalipsis 20:15

Kawsay libropi sutinku mana qellqasqa kaqkunapas chay rupachkaq qochamanmi wischusqa karqaku.

Apocalipsis 22:1

Huk angelmi chuyay-chuyay mayuta qawaykachiwarqa, chay mayuqa kawsay yakum kasqa. Chay yakuqa kasqa cristal hina chuyay-chuyaymi, chayqa lloqsimusqa Diospa hinaspa Corderopa trononmantam.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.

Apocalipsis 3:14

Laodicea llaqtapi iglesiapa angelninman kaynata qellqay: Amén niq, cheqap niq, allin testigo kaq hinaspa qallariypi tukuy imata Dios unanchaptin chaypi kaqmi kaynata nin:

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin: