Juan 14:17 - CHUYA QELLQA La Biblia en Quechua de Ayacucho 2012

¹⁷ Cheqap Espiritutaqa kay pachapi kaqkunaqa manam chaskinmankuchu, paykunaqa manam rikunkuchu nitaqmi reqsinkuchu. Qamkunam ichaqa reqsinkichik qamkunawan kasqanrayku, payqa qamkunapitaqmi kanqa.

Quechua Ayacucho Bible 1987

¹⁷ Cheqap Espiritutaqa kay pachapi kaqkunaqa manam chaskinmanchu, paykunaqa manam rikunkuchu nitaqmi reqsinkuchu. Qamkunam ichaqa reqsinkichik qamkunawan kasqanrayku, payqa qamkunapim kanqa.

Chuya Qellqa 1992

¹⁷ Cheqap Espiritutaqa kay pachapi kaqkunaqa manam chaskinmankuchu, paykunaqa manam rikunkuchu nitaqmi reqsinkuchu. Qamkunam ichaqa reqsinkichik qamkunawan kasqanrayku, payqa qamkunapitaqmi kanqa.

Juan 14:17 Iomraidhean Croise

Proverbios 14:10

Sonqoqa yachakunmi imakunam llakichisqantaqa, paypa kusikuyninwanqa manam kusikunmanchu sapaq runaqa.

Isaías 57:15

Wiña-wiñaypaq kawsakuq Diosmi, hatu-hatun Chuya Diosmi kaynata nin: Ñoqaqa alto-altopim, chuyay-chuyay sitiopim yachani, wanakuspa uchuychakuqkunawanmi yachani, hinaspaymi paykunata kallpanchani.

Isaías 59:21

Tayta Diosmi nin: “Qamkunawanmi pactota ruwani. Espirituymi qamkunamanta mana rakikunqachu, simikiman churasqay palabraykunam qamkunamanta nitaq miraynikikunamantapas wiña-wiñaypaq mana chinkanqachu”. Ñoqa Tayta Diosmi chaynata nini.

Ezequiel 36:27

Espirituyta qoykuspaymi decretoykunata cumplichisqaykichik, chaynapim kamachikuyniykunatapas kasukunkichik.

Mateo 10:20

Manam qamkunachu rimankichikqa, aswanqa hanaq pachapi Taytaykichikpa Espiritunmi rantikichikpi rimanqa.

Juan 14:16

Hinaptinqa mañakusaqmi Taytata huk kallpanchaqnikichikta kachamusunaykichikpaq. Paymi qamkunawan tukuy tiempo kanqa.

Juan 14:23

Chaymi Jesusñataq nirqa: Kuyawaqniyqa palabraykunatam kasukun, paytaqa Taytaypas kuyanqam, Taytaywan hamuspaymi kuyawaqniywanqa yachasaqku.

Juan 15:26

Ichaqa kallpanchasuqnikichik cheqap Espiritutam Taytaypa rantinpim kachamusaq, paymi ñoqamanta willasunkichik.

Juan 16:13

Cheqap Espíritu hamuspanñam pusasunkichik tukuy imapas cheqap kaqkunaman, payqa manam kikillanmantachu rimanqa, aswanqa llapa imapas uyarisqanmantam; hinaspam willasunkichik hamuq punchawkunapi imakunam pasakunanmanta.

Juan 6:40

Taytapa munasqanqa kaymi: Diospa Churinta rikuspa payman iñiqqa wiñay kawsayniyuqñam, chayna iñiqtaqa tukupay punchawpim kawsarichimusaq, nispa.

1~Corintios 14:15

Hinaptinqa, ¿imatataq ruwayman? Diostaqa mañakusaqmi espirituywan-pas chaynataq yuyayniywanpas. Taki-saqtaqmi espirituywanpas chaynataq yuyayniywanpas.

1~Corintios 2:14

Aychallaman hina kawsaq runaqa manam Diospa Espiritunmanta kaqkunataqa chaskinmanchu, paypaqa mana valeqpaqmi rikchakapun, nitaqmi entiendenchu, chaykunaqa espirituman hina entiendena kasqanrayku.

1~Corintios 3:16

¿Manachum yachakunkichik Diospa templon kasqaykichikta chaynataq Diospa Espiritunpas qamkunapi yachasqanta?

1~Corintios 6:19

¿Manachu yachankichik cuerpoykichik Chuya Espiritupa templon kasqanta? Chay Espiritutaqa Diosmi qamkunapi kananpaq qosurqankichik. Qamkunaqa manam kikikichikpañachu kankichik.

2~Corintios 13:5

Sonqoykichikta tapukuykuychik, ¿cheqaptachu iñiynikichikpi takyachkankichik? Sumaqta tapukuychik ¿Manachu musyakunkichik sonqoykichikpi Jesucristo kasqanta? Diospa mana chaskisqan kaspallachá manaqa yachawaqchikchu.

2~Corintios 6:16

Diospa templonwan idolokunapa templonqa manam kaqkamallaqa kanmanchu. Ñoqanchikqa kawsaq Diospa templonmi kanchik, kikin Diosmi nirqa: “Paykuna ukupim yachasaq, paykuna ukupim purisaq, paykunapa Diosninmi kasaq, paykunañataqmi llaqtay kanqaku”, nispa.

Gálatas 4:6

Churinkunaña kaptinchikmi, Diosqa Churinpa Espiritunta sonqonchikman kachamurqa, chay Espiritum rimachiwanchik “Abba Padre”, nispa.

Efesios 2:22

Cristopim qamkunapas perqasqa hina paywan hukllawasqa kachkankichik, chaypim Diosqa Espirituntakama yachachkan.

Efesios 3:17

Chaynapim iñisqaykichikman hina Cristoqa sonqoykichikpi yachanqa, hinaptinmi sapichakusqa hinaspa allin cimientasqa hina kuyanakuypi takyankichik.

Colosenses 1:27

Chay pakasqa kaqtaqa Diosmi mana judío kaqkunamanpas reqsichiyta munarqa, chay pakasqa kaqqa qamkunapi Cristopa kawsasqanmi, chayraykum wiñaypaq kawsakuyta suyachkankichik.

2~Timoteo 1:14

Ñoqanchikpi kawsaq Chuya Espiritupa yanapakuyninwanyá yachachisqayta allinta waqaychay.

1~Juan 2:27

Qamkunapim kachkan Jesucristopa qosusqaykichik Chuya Espíritu, chaymi mana necesitankichikchu pipas yacha-chisunaykichiktaqa. Qosusqaykichik Chuya Espiritum tukuy cheqap kaqkunata yachachisunkichik chayqa manam llullachu. Chaynaqa, yachachisusqaykichikman hinayá Cristopi takyaychik.

1~Juan 3:24

Kamachikuyninkunata kasukuq runaqa Diospim takyachkan, Diospas paypitaqmi takyachkan. Qowasqanchik Espiritupa yanapakuyninwanmi yachanchik payqa ñoqanchikpi kasqanta.

1~Juan 4:4

Churillaykuna, qamkunaqa Diospam kankichik, llullakuqkunataqa ñam vencerunkichikña; qamkunawan kaq Diosninchik kay pachapi munaychakuq supaymantaqa aswan atiyniyuq kasqanrayku.

1~Juan 4:6

Ñoqanchikmi ichaqa Diospa churinña kanchik, haykam Diosta reqsiqqa uyariwanchikmi, Diosta mana reqsiqmi ichaqa mana uyariwanchikchu. Chaywanmi reqsinchik cheqap espíritu otaq pantachikuq espíritu kasqantapas.

1~Juan 5:7

Kay kimsankum testigo kanku. [Hanaq pachapi Dios Tayta, Dios Churi, Dios Chuya Espíritu, kay kimsanmi huklla kanku].

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.