Juan 13:31 - CHUYA QELLQA La Biblia en Quechua de Ayacucho 2012

³¹ Judas lloqsiruptinmi Jesús nirqa: Kunanmi hatunchasqa kanqa runapa Churinqa, paypitaqmi Diospa hatunchakuyninpas qawachikunqa.

Quechua Ayacucho Bible 1987

³¹ Judas lloqsiramuptinmi Jesus nirqa: —Kunanmi hatunchasqa kani Diosmanta Hamuq Runaqa, ñoqapitaqmi Diospas hatunchakun.

Chuya Qellqa 1992

³¹ Judas lloqsiramuptinmi Jesús nirqa: Kunanmi hatunchasqa kanqa runapa Churinqa, paypitaqmi Diospa hatunchakuyninpas qawachikunqa.

Juan 13:31 Iomraidhean Croise

Mateo 8:20

Jesusñataqmi nirqa: Atoqkunapapas kanmi machaynin, alton pawaq urpikunapapas kanmi qesan, runapa Churinpam ichaqa maypim umanta samaykachinallanpaqpas mana kanchu, nispa.

Lucas 12:50

Ichaqa hatun ñakariytam pasanay. Maynatam sonqoy llakikun cumplikunankama.

Juan 11:4

Jesusñataqmi chayta uyariruspan nirqa: Chay onqoyqa manam wañuy onqoychu, aswanqa Dios hatunchasqa kananpaqmi chaynataq Diospa Churinpas hatunchasqa kananpaqmi, nispa.

Juan 12:23

Jesusmi nirqa: Ñam tiempoña runapa Churin hatunchasqa kananpaq.

Juan 12:28

Chaynaqa, Taytáy, ¡sutikitayá hatunchayña! nispa. Chaymantam hanaq pachamanta huk qapariy uyarikamurqa: Ñam hatuncharuniña, chaywanpas huktawanraqmi hatunchasaq, niq.

Juan 14:13

Imatapas sutiypi Taytata mañakuptikichikqa ruwasaqmi, chaynapi Taytapas Churinpi hatunchasqa kananpaq.

Juan 16:14

Payqa atiyniytam qawachinqa, ñoqamanta chaskisqantam qamkunaman willasunkichik.

Juan 7:39

Chaywanqa nichkarqa haykam paypi iñiqkuna Chuya Espirituta chaskinanmantam. Chuya Espirituqa manaraqmi hamurqaraqchu, hanaq pachaman Jesús manaraq kutisqanrayku.

Hechos 2:36

Israelpa llapallan mirayninkuna, yachaychikyá, qamkunapa chakatarusqaykichik Jesustam Cristo hinaspa Señor kananpaq Dios churaykun, nispa.

Hechos 3:13

Aswanqa ñawpaq taytanchik Abrahampa, Isaacpa hinaspa Jacobpa yupaychasqan Diosmi serviqnin Jesusta hatuncharqa. Paytam autoridadkunaman qoykurqankichik, gobernador Pilato librayta munaptinpas harkakurqankichikmi.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

Efesios 1:12

Ñawpaqmantaraqmi Cristopi suyarqanchik, chaynapi ñoqanchiktakama hatun atiyniyuq Dios yupaychasqa kananpaq.

Efesios 2:7

Chaynataqa ruwarqa ancha-ancha kuyakuq kasqanta hinaspa maynatam kuyawasqanchikta Cristo Jesuswan hamuq tiempokunapi qawachikunanpaqmi.

Efesios 3:10

Chaynapim altokunapi atiyniyuqkunapas hinaspa munaychakuqkunapas iñiqkunata hukllamanña huñunasqata qawaspanku yachanqaku Diosninchikqa mana haypay atina yachayniyuq kasqanta.

Filipenses 2:11

Llapallan runakunapas “Jesucristoqa Señormi” nispam ninqaku, chaynataqa ninqaku Dios Tayta hatunchasqa kananpaqmi.

1~Pedro 1:21

Señorninchik Jesucristontakamam Diospiqa iñinkichik, paymi wañuqkuna ukumanta Cristota kawsarichimuspan hatuncharqa, chaynataqa ruwarqa iñiynikichik hinaspa imapas suyasqaykichik Diosllapiña kanapaqmi.

1~Pedro 2:12

Diosta mana reqsiqkunapa qayllanpiyá allinta kawsaychik, chaynapim hucha ruwaqmanta hina contraykichikpi rimachkaspankupas allin ruwasqaykichikta qawaspanku, Diospa cuenta mañaq hamusqan punchawpi payta yupaychanqaku.

1~Pedro 4:11

Pipas rimaspaqa Diospa palabranman hinayá rimachun, pipas yanapaspaqa Diospa atiy qosqanman hinayá yana-pachun, tukuy ruwasqaykichikqa Jesu-cristopi Dios alabasqa kananpaqyá kachun. Diosqa atiyniyuq kasqanraykuyá wiña-wiñaypaq qapaqchasqa kachun. Amén.