Juan 12:49 - CHUYA QELLQA La Biblia en Quechua de Ayacucho 2012

⁴⁹ Ñoqaqa manam kikillaymantachu imatapas rimarqani, kachamuwaqniy Taytaymi kamachiwarqa imam rimanaytawan chaynataq imam yachachinaytapas.

Quechua Ayacucho Bible 1987

⁴⁹ Ñoqaqa manam kikillaymantachu rimani, kachamuwaqniy Taytaymi kamachiwarqa imam rimarinaytaqa chaynataq imam yachachinaytaqa.

Chuya Qellqa 1992

⁴⁹ Ñoqaqa manam kikillaymantachu imatapas rimarqani, kachamuwaqniy Taytaymi kamachiwarqa imam rimanaytawan chaynataq imam yachachinaytapas.

Juan 12:49 Iomraidhean Croise

Juan 14:10

¿Manachu creenki Taytaywanqa huklla kasqayta? Imatapas nikichikqa manam kikillaymantachu, ñoqawan kaq Taytam kikinpa ruwanantaqa ruwan.

Juan 14:24

Mana kuyawaqniyqa manam palabraykunatapas kasukunchu. Qamkunaman nisqaykuna uyarisqaykichikqa manam ñoqapachu aswanqa kachamuwaqniy Taytaypam.

Juan 14:31

Ichaqa hinam chayna kanan, chaymi runakuna yachanqa Tay-tapa kuyawasqanta, yachanqakutaqmi ñoqaqa paypa kamachiwasqan ruwas-qaytapas. Hatariychik, kaymanta hakuchik.

Juan 15:15

Manañam serviqniykuna nisqaykichikñachu, sirvienteqa manam yachanchu patronninpa ruwasqankunataqa. Qamkunaqa amistadniyñam kankichik, chaymi Taytapa niwasqankunata yachachirqaykichik.

Juan 17:8

Qowasqayki palabraykitaqa willaruniñam paykunaqa ñam chaskirunkuña. Yachankutaqmi cheqaptapuni qanmanta hamusqayta, hinaspam creenku qampuni kachamuwasqaykita.

Juan 3:11

Cheqaptapunim niki, yachasqayku kaqtam rimaniku, rikusqayku kaqtataqmi willakunikupas, qamkunam ichaqa willasqaykuta mana creenkichikchu.

Juan 3:32

rikusqanmantawan uyarisqanmantataqmi willakunpas, ichaqa manam pipas paypa willakusqantaqa chaskinchu.

Juan 5:19

Jesusmi nirqa: Cheqaptapunim nikichik, Churiqa kikillanmantaqa manam ima ruwaytapas atinmanchu, aswanqa Taytapa ruwasqankuna rikusqallantam. Taytapa tukuy ima ruwasqantam Churipas ruwan.

Juan 5:30

Manam imatapas kikillaymantaqa ruwaymanchu. Ñoqaqa Taytapa kamachiwasqanman hinam juzgani, juzganiqa mana pimanpas sayapakuspaymi, ñoqaqa manam kikiypa munasqaytachu ruwani, aswanqa kachamuwaqniy Taytaypa munasqantam.

Juan 6:68

Hinaptinmi Simón Pedroñataq nirqa: Señor, ¿pimantaq risaqku? Qampa rimasqaykiqa wiñay kawsay qokuqmi.

Juan 7:16

Hinaptinmi Jesusñataq nirqa: Kay yachachisqayqa manam ñoqapachu aswanqa kachamuwaqniypam.

Juan 8:26

Achkam qamkunamanta ninay kachkan chaynataq juzganaypas. Kacha-muwaqniymi ichaqa cheqap, chaymi paymanta uyarisqayta runakunaman willani, nispa.

Juan 8:28

Chaymi Jesús nirqa: Runapa Churinta chakataruspaykichikñam pim kasqayta yachankichik. Tukuy imatapas manam kikillaymantachu ruwani, Taytaypa yachachiwasqallantam ñoqaqa willaykichik.

Juan 8:42

Jesusñataqmi nirqa: Sichum Dios kanman taytaykichik hinaptinqa kuyawankichikmanchá. Ño-qaqa Diosmanta hamuspaymi kaypi kachkani, manam kikillaymantachu hamurqani aswanqa Diosmi kachamu-warqa.

Deuteronomio 18:18

Israel miraykunamantam qam hina profetata hatarichispay rimapayasaq, hinaptinmi payña tukuy kamachisqaykunata willasunkichik.

Apocalipsis 1:1

Diosmi kaykunata Jesucristoman qawachirqa imakunam pasakunanmanta serviqninkunaman willananpaq. Jesucristom kay revelasqanta angelninwan serviqnin Juanman willachirqa,